Boo-laakalaali 10:19 - LAWA A BOO SONBORE

¹⁹ Maǹ màn bii zɛnɛɛ màn mɛn bɛ́ toɛ, ǹ nə n nyɛnyɛɛ. Duvɛ̃ nə foo kɔɔ̃n koe. Paa n sii tumaa bǐɛ̃ koe.

LAWA A BOO SONBORE 2011

¹⁹ Maǹ màn bii zɛnɛɛ màn mɛn bɛ́ toɛ, ǹ nə n nyɛnyɛɛ. Duvɛ̃ nə foo kɔɔ̃n koe. Paa n sii tumaa bǐɛ̃ koe.

Boo-laakalaali 10:19 ပူးပေါင်းရင်းမြစ်များ

Siin Giala 43:34

Màn-bii mɛn bɛ́ Zozɛfu din giulun, á bɛ goa á kɔ ǹ la. Sɛnɛ, Bɛnzamɛn wɔ gii nə́ n timəə gialakunun kɛn wɔ la gunyin sooro. Bɛ kio, ǹ nə́ yɔ mi, ǹ nə́ n nyɛnyɛɛ kun.

Samayeli2 13:28

Abusalɔn pɛ a dí-nyalin manɛ: Ka n yiri koa Amnɔn li parsiini. Bɛ̀ yɔ da foo kɔɔ̃nbaa ganaa ǹ mɛn waáraa, ma á re pii ka nɛ: «Ka Amnɔn dɛ.» Ka baran nyɛ́ɛ baa wa, ka dɛ a gã, ma din tá golee ka a sii ni. Ka n gù we yii, ka n foo taã.

KZS1 21:24

Kii Davida pɛ Ornan nɛ: «Haayii! Man li ma pii a giɔ̀mɔ taãn ganaa ka wɔrɔ nɛ. Ma a re màn sii nsɛ wɔ lɛa ma kɔ Dɛnaa Lawa la, wúlu màn tiɛ̃ lɛa mán ma màn kɔn bɔ a ganaa wa!»

Ɛsidrasi 1:6

Ǹ miãkɛnɛn tumaa goã ǹ nə́ n dɔ ǹ lɛ taãn-taãnɛ. Ǹ nə́ sana mànan laanka wɔrɔ mànan kɔ ǹ la, ǹ nə́ gɔn mànan laanka tɔɔn kɔ ǹ la, bǐɛ̃baa ǹ màn sonboren ne, ǹ màn mɛn din tumaa bɔ ǹ foo-a ǹ nə́ kɔ ǹ la, bɛ ná a ba a-n wa.

Nehemii 5:8

Má pɛ ǹ nɛ: «Ǹ wɔ dɔɔ̃n Zuifun mɛnɛn sã tɔrɔ kɔsɔn la, táa wɔ dininmaan lɛn man wɔ́ bɛn nyin si á kɔnpɛ ka wɔ pàã nɛ. Sɛnɛ, kasɛn man ka dɔɔ̃nɔn siɛ̃, ka n li ka ǹ sã wɔ dininmaan dɔn la!» Ǹ nə́ golee ka kiĩkə́ə̃n, ǹ yii din ba boo ganaa ǹ tá diɛ wa.

Loen 104:15

yɔ n minin foo kɔɔ̃n koe, nyɔɔ nə ǹ yɔrɔ zɔ́nɛ, màn-bii n pàã koe ǹ la.

Loen 112:9

A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.

Boo-laakalaali 2:3

Má bɔ ma foo ne, máa man die n din koe duvɛ̃ la. A ma yii toa kɔɔ̃nɛ, má n sii doɛ̃, máa man die n gɔn parɛɛ gàãnaabaa ganaa, yǎa ma doɛ̃, sii mɛn bɛ́ siĩni, minbuiin nɛn nə zɛnaa ǹ yiikoonaabaa biikoo li, kanaa kɛ nɛ.

Boo-laakalaali 9:7

Bɛ lɛ n kaa, màn bii ka nyɛnyɛɛ nɛ. N duvɛ̃ mi ka foo kɔɔ̃nbaa nɛ, a giala Lawa lɛ kɔ n nya ǹ dín ganaa gɔrɔ.

Izayii 23:18

Sɛnɛ, a bɛ́ re là mɛn yii, bɛ n die Dɛnaa Lawa wɔ biɛ. Bɛa là lɛ a re n tamɛɛ wa, a re n koɛ wa. A bɛ́ re màn mɛn yii, bɛ n die Dɛnaa Lawa guguru-kɔlen toe, ǹ kã, ǹ mɔnaa sonboren pii ni.

Izayii 24:11

Ziin la, minin manə n lɛ-dii duvɛ̃ li. Nyɛnyɛɛ banban doo wa. Foo kɔɔ̃nbaa soo á n bɔ gána lɛ nɛ.

Matiə 17:27

Sɛnɛ, màn mɛn bɛ́ toɛ, wɔ baran minin kɛn lɛn mìi ziziɛ̃ wa, wo tà lɛ-a, n koɛ̀ɛ̃n kɔ. A bɛ́ re zɔ̀ bibinaa mɛn kuĩ, bɛ lɛ bɔ n na a lɛ bũ. N tá re wɔrɔ we goon yii a nɛ màn mɛn tá wɔsɛn dinin min paa a nyin giɔ̀mɔ boe. A bɔ n wo wɔsɛn nyin giɔ̀mɔ lɛ saraa nɛ.»

Matiə 19:21

Yezu tɔ́n pɛ nɛ: «Bɛ̀ n tá li a lɛ pã, woo, n nə n gɔn màn tumaa sã, n na a wɔrɔ gii doobaan manɛ, n tá re gɔn màn gigiã yii Lawa a piɛ. Bɛ zɛnaa n tɔn da kɔ masɛ kio lɛ.»

Luku 12:19

Ma á re pii ma dinmaa-n bɛ kio kɛnɛn: Á ke, má gɔn màn gigiã sɔkɔn lɛ̀ gigiã wɔ lɛa. Man die giɛ̃ tán-a, man susu, ma màn bii, masɛ yɔ mi, man nyɛnyɛɛ.»

Luku 16:9

Yezu pɛ ǹ nɛ: «Ka ga giaáran li ka dinin manɛ ka kanaa a naforo kɛ nɛ. Màn mɛn bɛ́ toɛ, bɛ̀ bɛa naforo kɛ lɛ nya, Lawa lɛ kɔ ka ganaa ka giã a biikoo nyabaã bǎã kɛ nɛ.

Luku 8:3

Zaãnɛ nɛ, kii Erɔdi a sumu dí nyɛɛnaan-bɔle goon mɛn bɛ́ a tɔ n Kuuza, bɛa lɔ n bɛ nɛ; Suzaanɛ nɛ, ka lɔ gigiã kɔsɔn nɛ. Bɛn tumaa na á goã Yezu laanka a kialandɛnan toe ka ǹ gɔn màn nɛ.

Nya ǹ dín 11:29

Lawa-nyankɔlen lɛn Antiɔsi kiwi, ǹ nə́ da kɔn nɛ mà ǹsɛn dɔɔ̃nɔn mɛnɛn bɛ́ Zudee gána nɛ, mà ǹsɛn man die màn boboe a kɔnpɛ ka didie pàã nɛ, ǹsɛn nə dia bɛa dɔɔ̃nɔn lɛn la.

Nya ǹ dín 2:45

Maǹ nə́ goã ǹ wurun siɛ̃ ka ǹ gɔn mànan nɛ, ǹ ná a giɔ̀mɔ gii kɔn, a n kɔnpii ka didie laadoo ne.

Piɛrɛ1 4:3

Sonbore, ka biikoo gigiã saa lɛlɛ, ka kaa sii din tumaa zɛnaa, á kɔnpɛ ka min kooron sii-zɛnaan nɛ. Ka ǹ ká goã naarɛ biɛ, ka goã dùũ sii babaraan zɛnɛɛ, ka ǹ ká goã yɔ-mili baraan lɛa: Ka ǹ ká goã n lɛ soekɔn ka n mii baraabaraa, ka n mii bɛ̀ ka n zɔɔ̃ kɔn. Ka dì wúlu-bɔ bɔnɛɛn dɔn zɛnaa.

Sii yɔrɔ-bɔlen 14:10

Sansɔn a díi woo lɔ lɛ li. Sansɔn kɔn wɔ ǹ màn-bii zɛnaa, a giala, tɔntɔraan man goɛ̃ bɛ̀ ǹ zɛnaa miɛ̃.

Sii yɔrɔ-bɔlen 9:13

Sɛnɛ, rezɛ̃ da nə́ ǹ lɛ si á pɛ: «Masɛ a mu n Lawa laanka minbuiinin foo kɔɔ̃n koe. Ma maa mu kɛa boe toɛ walan, ma wo n binbirin bɔ da kɔsɔn lalan?»

Samayeli1 25:36

Abigayili nə́ n bɔyaa á daa Naabaali li, bɛ̀ a bɛ́ kiin zɔ́n tɔrɔ zɛnɛɛ a piɛ. Naabaali foo goã kɔɔ̃nɛ. Yɔ goã a yii ganaa taãn-taãnɛ. Abigayili boo kɔn pɛ-n wa, yǎa lɛ̀ waa.