Boo-laakalaali 1:3 - LAWA A BOO SONBORE

³ Minbuiin nɛ bɛ́ dí kaka mɛn tumaa nyɛɛ kanaa kɛ nɛ, a n wàa là yii a nɛ?

LAWA A BOO SONBORE 2011

³ Minbuiin nɛ bɛ́ dí kaka mɛn tumaa nyɛɛ kanaa kɛ nɛ, a n wàa là yii a nɛ?

Boo-laakalaali 1:3 ပူးပေါင်းရင်းမြစ်များ

Boo-laakalaali 2:11

Bɛ kio, ma goã má dín mɛnɛn tumaa nya, ma goã má fuu mɛn yɛ ka ǹ nya nɛ, má daa n yii wɔ bɛ nɛ má ga a ganaa. Sɛnɛ á ke! Bɛ kɔn giala banban, a n piɛ̃ loo lɛa. Là goon ba ǹ nɛ, kanaa kɛ-n wa.

Boo-laakalaali 2:18

Ma dí kaka mɛn tumaa nya kanaa kɛ nɛ, bɛ tìĩ bɔ ma nɛ, a giala min kɔsɔ mɛn bɛ́ re ma bǎã siɛ, ma doamaa nɛ ma toa bɛ gɔn.

Boo-laakalaali 2:19

Bɛa dɛnaa kɛ lɛ n die goɛ̃ baãnaa lɛa hinlaa sii-dɔ̃li lɛa, die n doɛ̃? Ma dí kaka mɛn tumaa nya, ma dí kaka mɛn tumaa nya kanaa kɛ nɛ, ka maa sii-doɛ̃ nɛ, ǹ dɛnaa n die goɛ̃ bɛ mìi la. Bɛ dɔ giala banban.

Boo-laakalaali 2:22

Sonbore, minbuiin nɛ bɛ́ dí kaka mɛn tumaa nyɛɛ, màn mɛn tumaa bɛ́ a yii li ǹ sii lɛa, á n nɔmiɛ̃-n kanaa kɛ nɛ, a n wàa boe a nɛ?

Boo-laakalaali 3:9

Dí-nyali bɛ́ dí mɛn nyɛɛ, a n wàa là yii a nɛ?

Boo-laakalaali 4:3

Máa min mɛn bɛ́ a tɔn yɛ duduu wa, máa bɛ dɔ wɔ á soɛ doo, á la geren lɛn laanka yiikoonaan lɛn wɔ nɛ, a giala dí baraa mɛn bɛ́ n nyɛɛ kanaa kɛ nɛ, asɛ bɛ yɛ ka a yii-n wa.

Boo-laakalaali 4:7

Má wusoo doo, má sii lɛ a kɔsɔ yɛ kanaa kɛ nɛ, á n piɛ̃ loo lɛa.

Boo-laakalaali 5:16

Ka bɛ dɔ nɛ, a na a yiikoonaabaa biikoo tumaa zɛnɛɛ wɔlɔ tì li, a n taasiɛ gigiã we, busu na a ganaa, a foo dɔ n yoo ne.

Boo-laakalaali 5:18

Sɛnɛ, bɛ̀ Lawa naforo laanka gɔn màn kɔ min mɛn la, á ná a bii ǹ lɛ dɔ kɔ la, á baa a wɔ gii lɛa, mà a n nyɛnyɛɛ a dí gɔ́ɔ̃ nɛ, bɛ n Lawa a bǐɛ̃ lɛa.

Boo-laakalaali 6:12

A minbuiin nɛ toa a yii ń koo, a bɛ́ lɛawaan mɛnɛn zɛnɛɛ kanaa, yii ná a doe ǹ gɔ́ɔ̃-n wa, bɛn man kiɛ̃ fufuu ka wúlu bɛ́ lɔn. Bɛa lɛawaan lɛn gɔ́ɔ̃ nɛ, màn mɛn bɛ́ siĩn minbuiin nɛ wɔ lɛa, die n bɛ doɛ̃? Sii mɛn bɛ́ re minbuiin nɛ yii a kanaa toa kio, die n boe la a bɛ pɛ nɛ?

Boo-laakalaali 7:11

Sii-doɛ̃ lɛ n kɔɔ̃n ka kíɛ̃ bɛ́ lɔn, Min mɛnɛn yii bɛ́ koo, a là n bɛn ganaa.

Boo-laakalaali 9:13

Sii-doɛ̃ wɔ paǹ li, má n yiri kɔ sii kɔn li kanaa kɛ nɛ, á sii gole lɛa ma yii li.

Boo-laakalaali 9:3

A din sii goon a min tumaa yɛ ke, ǹ nə́ giɛ̃, bɛ n sii kaka lɛa, siin kɛn bii, n zɛnɛɛ kanaa. Bɛ lɛ dɔ nɛ, minbuiin nɛn foo pã ka sii baraa nɛ. A ǹ toa ǹ yii n koo, gàãnaabaa nə ǹ ganaa. Bɛ kio, ǹ gɔn nyɔmɔɔ ǹ bǎã n geren li.

Boo-laakalaali 9:6

Ǹ kɔn-narɛɛ nɛ, ǹ baa zɔ́ɔbaa nɛ, ǹ foo a wuu pɛ nɛ, bɛn nə́ nya gɔrɔ. Màn mɛn din tumaa bɛ́ n zɛnɛɛ kanaa kɛ nɛ, ǹ ba re, ǹ wɔ gii yii bɛ-n doo duduu wa.

Izayii 55:2

Màn mɛn bɛ́ a min toe wa, a n siɛ lɔn ka á wɔrɔ ziziɛ̃ bɛ ganaa? Màn mɛn bɛ́ a min kiɛ̃ wa, a n siɛ lɔn ka á n dinin nɔmɛɛ bɛ taman yii? Ka n too kɔ ma lon taãnɛ. Ka bɛ nɛ, ka á re màn-bii sonbore yii ka bii, ka màn-bii kɔɔ̃n-kɔɔ̃n bii.

Abakuku 2:13

Á ke, minbuiin nɛn dí tumaa n die n gɔn nyɔmiɛ tɛ-n. Minbuiin nɛn man nɔmaa kooro we. Bɛ tumaa bie boe Dɛnaa Lawa Pàãyiidɛnaa din li wa?

Abakuku 2:18

Dì zɛnaa a là n ka wàa nɛ? Gɔn kooro ne ǹ nə́ sɛlɛ. Fɔlɔ màn nyín zɛnaa nɛ, a n minin kiɛ golee soɛ li ganaa. Gɔn dí-nyali na á zɛnaa, a ba boo diɛ wa. A n siɛ lɔn kəni gɔn dí-nyali kɛ tá n foo doɛ a ganaa.

Matiə 16:26

A là n ka wàa nɛ min kanaa gɔn màn tumaa yɛ, a din nyin wusoo a papaã. Hinlaa bɛ̀ min mɛn nyin papaã, ǹ dɛnaa n die wàa koe Lawa la a tɔn wusoo a yɛ?

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Korɛnti1 16:16

Bɛa min sonboren kɛn miãn laanka min mɛnɛn bɛ́ dí nyɛɛ kunun ǹ ni, ǹ nə́ ǹ nɔmaa gii kɔn, ka n doa ka bɛn lɛ si.