Boo-laakalaali 1:2 - LAWA A BOO SONBORE

² A na á pɛ kɛnɛn: A giala din na a banban. Sii woo sii, a giala din na a banban.

LAWA A BOO SONBORE 2011

² A na á pɛ kɛnɛn: A giala din na a banban. Sii woo sii, a giala din na a banban.

Boo-laakalaali 1:2 ပူးပေါင်းရင်းမြစ်များ

Zɔbu 11:12

Sɛnɛ, kɔntan bɛ̀ don dundun nɛ yɛ piɛ wɔ lɛa ǹ mɛn pinaa, gaãnaa dɔ á re yiri yii.

Loen 144:4

Minbuiin nɛ n ka piɛ̃ bɛ́ lɔn, a tá kanaa lɛ n kiɛ̃ ka lɛ̀ wúlu ni.

Loen 89:47

Dɛnaa Lawa, ma n die n duri miɛ̃, yǎa biĩ doo? N foo n die goɛ̃ yoo-n miɛ̃, yǎa biĩ doo?

Boo-laakalaali 11:10

Taásiɛ bɔ n bɔ n foo ne, baraa wɔlɔ lui n gɔ̀nɔn ganaa. A giala, tɔntɔraabaa lɛ n kiɛ̃ fufuu, ka wɔlɔ fulii biikoo bɛ́ lɔn.

Boo-laakalaali 11:8

Bɛ lɛ n ke, bɛ̀ min yii á koo lɛ̀ didi gɔ́ɔ̃ nɛ, a doamaa nɛ, a n nyɛnyɛɛ bɛa lɛ̀n kɛn lɛn tumaa gɔ́ɔ̃ nɛ, a n yiri dɔ kɔ, mà lɛawaa kakan tá mɔnaa nɛ, mà sii mɛn yii bɛ́ die, mà yii ba doe a-n wa.

Boo-laakalaali 12:8

Sii-dɔ̃li lɛ na á pɛ mà: a giala din na a banban, sii woo sii, a giala din na a banban.

Boo-laakalaali 2:11

Bɛ kio, ma goã má dín mɛnɛn tumaa nya, ma goã má fuu mɛn yɛ ka ǹ nya nɛ, má daa n yii wɔ bɛ nɛ má ga a ganaa. Sɛnɛ á ke! Bɛ kɔn giala banban, a n piɛ̃ loo lɛa. Là goon ba ǹ nɛ, kanaa kɛ-n wa.

Boo-laakalaali 2:15

Masɛ tɔ́n pɛ ma din gɔ́ɔ̃-n máa: sii mɛn bɛ́ re gàãnaa yii, bɛ lɛ n die ma dɔ yii, máa wàa na á baa má sii-dɔ̃li din baa kɛnɛn? Má pɛ ma din gɔ́ɔ̃-n, máa bɛ dɔ giala banban.

Boo-laakalaali 2:17

Bɛ lɛ n ke, yiikoonaabaa tìĩ bɔ ma nɛ. A giala sii mɛn bɛ́ n zɛnɛɛ kanaa kɛ nɛ, má yɛ a ba siĩn wa. Ǹ kɔn giala banban, piɛ̃ loo ne.

Boo-laakalaali 2:19

Bɛa dɛnaa kɛ lɛ n die goɛ̃ baãnaa lɛa hinlaa sii-dɔ̃li lɛa, die n doɛ̃? Ma dí kaka mɛn tumaa nya, ma dí kaka mɛn tumaa nya kanaa kɛ nɛ, ka maa sii-doɛ̃ nɛ, ǹ dɛnaa n die goɛ̃ bɛ mìi la. Bɛ dɔ giala banban.

Boo-laakalaali 2:21

A giala min nə ke, á ná a dí nya, ka sii-doɛ̃ nɛ, ka doɛ̃ nɛ, á bǐɛ̃ kɔ: a màn mɛn yɛ, bɛ yoo a dɔ min kɔsɔ-a. A da yaa bɛa dɛnaa kɛ lɛ gɔn goã dí lɛ-n wa. Bɛ dɔ giala banban, a n foo busi a tɔ-a.

Boo-laakalaali 2:23

A giala, a lɛawaan tumaa gɔ́ɔ̃ nɛ, nɔmaa dinsɔɔ̃ nɛ. Taásiɛ na a dí lɛa. A laan tèlò-n, susui ba la wa. Bɛ dɔ giala banban.

Boo-laakalaali 2:26

A giala, min mɛn bɛ́ kɔɔ̃n Lawa ganaa, a n sii-doɛ̃ laanka doɛ̃ koe bɛ la, ka nyɛnyɛɛ nɛ. Sɛnɛ min mɛn bɛ́ sii baraa zɛnɛɛ, Lawa n diɛ bɛ mìi ni, a ga màn li a sɔkɔn, màn mɛn bɛ́ toɛ min mɛn bɛ́ kɔɔ̃n Lawa ganaa, a kɔ bɛ la. Bɛ dɔ giala banban, a n piɛ̃ loo lɛa.

Boo-laakalaali 2:8

Má wɔrɔ laanka sana sɔkɔn mɔnaa nɛ ma din wɔ lɛa, boe kiin gɔn mànan nɛ, ka gánan gɔn mànan nɛ. Má giĩ kɔlɔn laanka lɔ kɔlɔn koa ma din wɔn lɛa. Màn mɛn dɔ bɛ́ kɔɔ̃n giĩn ganaa taãn-taãnɛ, má bɛ dɔ yɛ: lɔ siĩn damata.

Boo-laakalaali 3:19

A giala sii mɛn bɛ́ minbuiinin yii, a din lɛ dɔ n tɔɔn yii. Sii goon nə ǹ dinin tumaa yii. Tɔɔn bɛ́ giɛ̃ lɔn, minbuiin nɛn dɔn man giɛ̃ miɛ̃. Fɔfoã mɛn bɛ́ ǹ nɛ, a n goon. Minbuiin nɛ ba soɛ tɔɔ-n wa. Sii kɔn din giala banban.

Boo-laakalaali 4:16

Zaman mɛn tumaa bɛ́ nɛginin lɛ ń die goɛ̃ ǹ mìi la, bɛn man die mɔnɛɛ a tɔ-a. Sɛnɛ, min kɔsɔn mɛnɛn bɛ́ kio die, bɛn nə́ boe la ǹ nə́ ǹ ba n nyɛnyɛɛ ka nɛginin lɛ a sii-n wa. Bɛ dɔ giala banban, a n piɛ̃ loo lɛa.

Boo-laakalaali 4:4

Má yɛ dɔn, máa dí din tumaa, sii a bǐɛ̃-kɔ din tumaa, foo a wuu pɛ kɔn li ni. Bɛ dɔ giala banban, a n piɛ̃ loo lɛa.

Boo-laakalaali 4:8

Min nə ke a dinsɔɔ̃, a min kɔsɔ banban wa. A banban nɛ lɛa wa, a banban dɔɔ̃n lɛa wa. A da yaa, bɛa dɛnaa kɛ lɛ n kɔn ka di-n miɛ̃ duduu, gɔn màn ba doe a yii li wa. Die a lɛa nɛ, á n dí nyɛɛ, á n nyɛnyɛɛ lɛ tiɛ̃ a din ganaa? Bɛ dɔ giala banban, a n foo busi a tɔ-a.

Boo-laakalaali 5:10

Bɛ̀ gɔn màn mɔnaa, a biili dɔ n mɔnɛɛ. Wàa là nə ǹ dɛnaa wɔ lɛa? Bɛ̀ á n bɔ a yii mɛn bɛ́ a ganaa.

Boo-laakalaali 6:11

Bɛ̀ boo tá mɔnaa nɛ, a n die ka sii kooro gigiã nɛ. Minbuiin nɛ a wàa là n bɛ nɛ?

Rɔmu minin 8:20

Kanaa màn din tumaa na a gialaa ziziɛ̃. A din a sii baraa a lɛa bie wa, a giala, Lawa na á ná a dɔ da minbuiin nɛ a dɔlɔ lɛ nɛ. Sɛnɛ, Lawa wusoo á foo-doa kɔ a din a da ǹ màn kɛ la.