Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Boo-laakalaali 1:13 - LAWA A BOO SONBORE

13 Sii mɛn tumaa bɛ́ n zɛnɛɛ kanaa kɛ nɛ, má da ma foo ne, má bɛ yii gɔsɛ ka sii-doɛ̃ nɛ, máa ma a giala ma: dí kaka n ka kɛ nɛ, Lawa da minbuiin nɛ mìi ni.

အခန်းကိုကြည့်ပါ။ ကော်ပီ

LAWA A BOO SONBORE 2011

13 Sii mɛn tumaa bɛ́ n zɛnɛɛ kanaa kɛ nɛ, má da ma foo ne, má bɛ yii gɔsɛ ka sii-doɛ̃ nɛ, máa ma a giala ma: dí kaka n ka kɛ nɛ, Lawa da minbuiin nɛ mìi ni.

အခန်းကိုကြည့်ပါ။ ကော်ပီ




Boo-laakalaali 1:13
22 ပူးပေါင်းရင်းမြစ်များ  

N tá re sɛ̀fuu koɛ̃ n pɛsɛ̃ n tɔn nə n lɛ-a ǹ bii yɛ, yǎa n wusii n woe tán, n bɛ́ ń bɔ tán mɛn lɛ nɛ. N nə ǹ tii lɛa, n nə ǹ die wusii n wo tii li.»


Minbuiin nɛ n tɛ lɛ siɛ̃, a tán guguru yǎa a woe doe kɔlɔ durii kɛ-a wɔlɔ tì li yala-n.


Dɛnaa Lawa a nya ǹ dín lɛn man dadara. Min mɛnɛn tumaa bɛ́ ǹ narɛ, bɛn manə n taasɛ ǹ ganaa.


Min mɛn bɛ́ giɛ̃ tìãlɛa ǹ miãn ganaa, a n giɛ a dinsɔɔ̃ a bǐɛ̃ kɔ li. A nə n piɛ̃ ka yiri kɔmala nɛ.


Min yiridɛnaa n giɛ doɛ̃ li, sii-dɔ̃li too n zoɛ̃ li.


Maa nɛ, n foo doa ma ganaa. Kɔ maa giã ǹ gɔn lɛ ka foo kɔɔ̃n nɛ.


Dɛnaa Lawa a sii zɛnaa ka durii-n na a tɔ guguru koe. Sii duriin doɛ̃ n tɔ koe kiin la.


Sii-doɛ̃ lɛ a giala kɔ n ka kɛ nɛ: Sii tumaa zɛnaa n sii-doɛ̃ yɛ. N gɔn màn tumaa wɔ yiridɛnaabaa nɛ.


Má da ma foo ne, máa ma yii dɔ sii-doɛ̃ laanka doɛ̃ gɔ́ɔ̃ nɛ, baãnaabaa laanka gàãnaabaa nɛ. Sɛnɛ má yɛ, bɛ dɔ n piɛ̃ loo lɛa.


N bɛ́ n ba piɛ̃ a kiɛ̃ ǹ zii doɛ̃ lɔn wa, ń nə́ n ba wen zɛnaa ǹ gɔn doɛ̃ lɔ nɔnɔ-a gɔ́ɔ̃-n lɔn wa, bɛa yɔrɔ kɛ lɛ dɔ la, n ba Lawa a nya ǹ dí giala miɛ wa, asɛ mɛn bɛ́ sii tumaa zɛnɛɛ.


Bɛ lɛ nɛ, maa nɛgiĩ, toa n daraa bɔ ǹ nɛ. Sɛ́wɔn mɛnɛn bɛ́ boe la ǹ nə n kiɛ̃, gigiãbaa dan bie wa. Daraa gigiã tá gɔ̀nɔn siĩ nɔmiɛ̃.


A giala, a lɛawaan tumaa gɔ́ɔ̃ nɛ, nɔmaa dinsɔɔ̃ nɛ. Taásiɛ na a dí lɛa. A laan tèlò-n, susui ba la wa. Bɛ dɔ giala banban.


A giala, min mɛn bɛ́ kɔɔ̃n Lawa ganaa, a n sii-doɛ̃ laanka doɛ̃ koe bɛ la, ka nyɛnyɛɛ nɛ. Sɛnɛ min mɛn bɛ́ sii baraa zɛnɛɛ, Lawa n diɛ bɛ mìi ni, a ga màn li a sɔkɔn, màn mɛn bɛ́ toɛ min mɛn bɛ́ kɔɔ̃n Lawa ganaa, a kɔ bɛ la. Bɛ dɔ giala banban, a n piɛ̃ loo lɛa.


Lawa bɛ́ dí mɛn koe minbuiin nɛ la, mà a nɔmaa la, ma yii tá bɛ ganaa.


Lawa n sii tumaa zɛnɛɛ siĩni, a kɔnpɛ ka a biikoo ne. Ka bɛ dɔ nɛ, biikoo mɛn bɛ́ nyɛɛn sɔsɔɔ, Lawa bɛ dɔ din a doɛ̃ a taasiɛ wɔ minbuiin nɛ foo ne, a laanɛ ǹ ba boe la ǹ tá Lawa a sii zɛnaa giala miɛ wa, a saa a giala-kɔ ganaa, a wo kaa a gɔn nyɔmiɛ̃ lɛ.


Má yɛ dɔn, máa dí din tumaa, sii a bǐɛ̃-kɔ din tumaa, foo a wuu pɛ kɔn li ni. Bɛ dɔ giala banban, a n piɛ̃ loo lɛa.


Min nə ke a dinsɔɔ̃, a min kɔsɔ banban wa. A banban nɛ lɛa wa, a banban dɔɔ̃n lɛa wa. A da yaa, bɛa dɛnaa kɛ lɛ n kɔn ka di-n miɛ̃ duduu, gɔn màn ba doe a yii li wa. Die a lɛa nɛ, á n dí nyɛɛ, á n nyɛnyɛɛ lɛ tiɛ̃ a din ganaa? Bɛ dɔ giala banban, a n foo busi a tɔ-a.


Má tɔ́n nə n din kɔ, daraa laanka ga sii giala li la. Sii-doɛ̃ bɛ́ màn mɛn lɛa, man má goã zoɛ̃ bɛ li, ka siin woo ǹ bǎã dɔ nɛ. Má yɛ, máa baraabaa hinlaa baãnaabaa n gàãnaabaa lɛa.


Má bɛ tumaa yɛ. Sii mɛn tumaa bɛ́ n zɛnɛɛ kanaa kɛ nɛ, má n yiri kɔ li doɛ̃. Biikoo na a tan, minbuiin nɛ n boe ǹ miã minbuiin nɛ yii ni, a baa koe-yele lɛa.


N doa n bɛa dí lɛ nya, n nə n we bɔ li parsiini, màn mɛn bɛ́ toɛ, min tumaa dɔ̃ mà n tá woe nyɛɛnɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ