Azee 2:5 - LAWA A BOO SONBORE

⁵ Ma lɛ kɔ kɔn la mɛn wɔ ka ka nɛ bɛ̀ ka bɛ́ ka soo Ezipti gána nɛ, ma yiri tá kun ka nɛ biikoo tumaa li, ka nyan nyɛ́ɛ baa màn kɔn nɛ wa.

LAWA A BOO SONBORE 2011

⁵ Ma lɛ kɔ kɔn la mɛn wɔ ka ka nɛ bɛ̀ ka bɛ́ ka soo Ezipti gána nɛ, ma yiri tá kun ka nɛ biikoo tumaa li, ka nyan nyɛ́ɛ baa màn kɔn nɛ wa.

Azee 2:5 ပူးပေါင်းရင်းမြစ်များ

KZS2 20:17

Ka laadoo á re goɛ̃ ǹ ziabaa ganaa wa. Ka giã walan, ka golee, ka ga masɛ Dɛnaa Lawa bɛ́ re ka kirisibiɛ lɔn. Zeruzalɛmu laanka Zudaa minin lɛn, ka nyan nyɛ́ɛ baa wa, ka nyan toa nyɛ́ɛ ka kũ wa! Biɛ̃, ka wo n da ǹ lɛ, masɛ Dɛnaa Lawa á re goɛ̃ kun ká ka nɛ!»

Nehemii 9:20

Ń nə́ n yiri sonbore kɛ kɔ ǹ la, màn mɛn bɛ́ toɛ ǹ sii bɔkɔnlɛ doɛ̃. N nə ǹ nu ka *maanə n wa, ń mu kɔ ǹ la ǹ mu boro a lɛa.

Nehemii 9:30

Ń nə́ ǹ sii si n ganaa lɛ̀ damata gɔ́ɔ̃ nɛ, ń nə́ n din yiri kɛ kɔ n boo gii-dalin la, bɛn nə́ goã miɛ ǹ ganaa. Sɛnɛ ǹ dɔ̃ mà boo-n wa. Ń tɔ́n nə ǹ wɔ gána kɔsɔn minin gɔn.

Bɔ bɛ̀rɛbaa nɛ 19:4

«Ǹ dinin nə́ sii kɛ lɛ yɛ ma zɛnaa Ezipti gána nɛ. Ka sia bɛ́ a nɛnyaanan guĩ lɔn, man má ka goa miɛ̃, má ka gũ, má daa dɔ ka nɛ ma din li.

Bɔ bɛ̀rɛbaa nɛ 24:3

Muizu daa bɛa boon kɛn lɛn tumaa pɛ zaman lɛ nɛ, ka bɛa sii zɛnaa ǹ gɔnɔn kɛn lɛn tumaa nɛ. Zaman lɛ tumaa ná a lɛ si ka lɛn goon ne: «Dɛnaa boon mɛnɛn tumaa da, wɔsɛn tá re bɛn tumaa a siin zɛnɛɛ.»

Bɔ bɛ̀rɛbaa nɛ 24:8

Muizu mà lɛ saa, á pɛpɛsɛ̃ zaman lɛ ganaa, á pɛ: «Dɛnaa lɛ kɔ mɛn wɔ ka ka nɛ, a ná a boon kɔ ka la, kɛ n bɛa sonborebaa nyɛɛ.»

Bɔ bɛ̀rɛbaa nɛ 34:10

Dɛnaa pɛ Muizu-n kəni: «Man die lɛ kɔ kɔn la we ka ka nɛ. N zaman kɛ lɛ yɔrɔ-a, man die sii dadaran zɛnɛɛ, siin mɛnɛn miã bɛ́ a tɔn nə n zɛnaa kanaa paǹ kɔ́n nɛ wa, ka gána kɔ́n dɔ-n wa. Zaman lɛ tumaa á re yii, mà pàã tá masɛ Dɛnaa a dí lɛ nɛ, ma bɛ́ re ǹ mɛn lɛ nyɛɛ n gɔn lɛn.

Bɔ bɛ̀rɛbaa nɛ 34:8

A din bǎã-n gɔrɔ, Muizu kaa tán, á Dɛnaa guguru kɔ,

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 41:13

A giala, masɛ Dɛnaa Lawa nə n Lawa lɛa. Má n gusin-a gɔn kũ kaka. Man wusii pii n ni: «Nyɛ́ɛ nyan nə n kũ wa, man die n gú ganaa.»

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Zakarii 8:13

Zudaa laanka Izirayeli zaman, ka bɛ́ ka goã sii a kɔnboe lɛa, liɛ baraa we a paǹ li tɔrɔn bii, kanna kəni, man die ka kirisibiɛ ma barka da ka ganaa. Nyɛ́ɛ nyan ka kũ doo wa, ka n foo taã!»

Zakarii 8:15

Sɛnɛ, kanna, Zeruzalɛmu minin laanka Zudaa minin lɛn, má golee li máa man die bǐɛ̃ zɛnɛɛ ka nɛ. Nyɛ́ɛ nyan ka kũ wa.

Matiə 28:5

Lon a dia dí-a wole lɛ tɔ́n pɛ lɔn lɛn manɛ: – Ka baran nyɛ́ɛ baa wa. Masɛ á doɛ̃ máa minin nə Yezu mɛn dere gɔn ganaa, ka ǹ giɛ bɛ lɛ li.

Nya ǹ dín 27:24

Á pɛ ma nɛ: «Nsɛ Pooli baran nyɛ́ɛ baa wa, pàã nɛ, nsɛ golee Rɔmu kii gole gole lɛ yɔrɔ-a, kiri nə n wɔ n ganaa. Á pɛ dɔn, ma ma miãn mɛnɛn bɛ́ kun ka ma nɛ mu-kurii kɛ lɛ gɔ́ɔ̃ nɛ, mà Lawa á die bɛn dɔn boe a nɛ maa lɛa.»

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»

Zozoe 8:1

Dɛnaa Lawa pɛ Zozoe ne: «N baran nyɛ́ɛ baa wa, n foo baran biɛ na wa. Zia-baali zaman lɛ tumaa bii n nə ǹ kaa kun ka n din ni, n yoo n wo Ayii minin lɛn gialaa. Á ke, má Ayii kiwi a kii kɛ wɔ n gɔn, a zaman nɛ, kiwi lɛ din ni, ka a bǎã tumaa nɛ.

Sii-nyaan 1:17

Ma bɛ́ má yɛ, má bɔ má mɛnaa a giulun ka gere bɛ́ lɔn. Á n gusin da ma la, á pɛ: «N nyan nyɛ́ɛ baa wa! Ma din nə bibinaa lɛa, ma din nə giala-nyɔmɔɔ dɔ lɛa.

Samayeli1 12:20

Samayeli pɛ zaman lɛ nɛ: «Ka baran nyɛ́ɛ baa wa! A laanɛ ka dinin man ka sii baraa bɔbɔnɛɛ kɛ zɛnaa ke, ka baran n paǹ kɔ Dɛnaa Lawa-n wa. Sɛnɛ ka Dɛnaa Lawa guguru kɔ ka ka foo din tumaa nɛ.