Azee 2:22 - LAWA A BOO SONBORE

²² Ma á re kiin nyɛnɛɛ ma ǹ kaa, ma ǹ bɔ kii dankan la, ma á re kiin laanka gánan pàã ziziɛ̃, ma á re ziabaa ǹ wotoron noɛ̃ ma ǹ kaa kɔnlɛ ka ǹ da baa a wolen ne, sùi laanka a dii mala wole á re mɛnɛɛ, dɔɔ̃n tá re ǹ dɔɔ̃n diɛ gɛ̀ nɛ.»

LAWA A BOO SONBORE 2011

²² Ma á re kiin nyɛnɛɛ ma ǹ kaa, ma ǹ bɔ kii dankan la, ma á re kiin laanka gánan pàã ziziɛ̃, ma á re ziabaa ǹ wotoron noɛ̃ ma ǹ kaa kɔnlɛ ka ǹ da baa a wolen ne, sùi laanka a dii mala wole á re mɛnɛɛ, dɔɔ̃n tá re ǹ dɔɔ̃n diɛ gɛ̀ nɛ.»

Azee 2:22 ပူးပေါင်းရင်းမြစ်များ

KZS2 15:6

Maǹ nə́ goã kɔn yɔyɔrɛ gána laanka gána, kiwi laanka kiwi. Lawa na á bìn da ǹ ganaa ka koe tɔrɔ tumaa nɛ.

KZS2 20:22

LOE-lɔlin lɛn bɛ́ a gialaa gɔ̀lɔ̀baa ǹ loe loe ka foo kɔɔ̃nbaa nɛ ǹ mɛn waáraa, Amɔn minin laanka Moabu minin ka Seyiri kele yii minin mɛnɛn nə da zia baa Zudaa minin ganaa, Dɛnaa Lawa nə́ ǹ lɔlɔkɔn, ǹ dininmaan nə́ kɔn dɛ.

KZS2 20:23

Amɔn minin laanka Moabu minin nə́ yiɛ Seyiri kele yii minin gialaa, ǹ nə́ ǹ dɛ yǎa á woo ǹ giala nyɔmiɛ̃ yaa. Bɛ kio, ǹ dinin nə́ n bɔyaa kɔn li ǹ tá kɔn dii.

Loen 46:9

Ka da ga Dɛnaa Lawa a nya ǹ dí ganaa, a kaãbaa ǹ din mɛnɛn nya tán la.

Loen 76:6

Zia-baali dadaran kɛn mànan tumaa nə́ n si ǹ la, gɛ̀ nyuù nə́ ǹ saa. Bɛa zia-dɔ̃li sonboren kɛn lɛn nə boo la ǹ nə sii kɔn zɛnaa wa.

Bɔ bɛ̀rɛbaa nɛ 14:17

Ma á re toɛ Ezipti minin lɛn too kaka kɔ, màn mɛn bɛ́ toɛ, ǹ wɔ mu lɛ li ka kio. Má tɔn ma din tɔ bɔ ǹ sii zɛnaa Faarahɔn ganaa, ka a ziabaa ǹ mànan tumaa nɛ, a wotoron ne, ka a sùi lɛ-kũlin ni.

Bɔ bɛ̀rɛbaa nɛ 14:28

Mu lɛ wusoo á daa, á n kɔ wotoron lɛ, ka sùi lɛ-kũlin ni. Faarahɔn a zia-baalin mɛnɛn tumaa kaa tà lɛ gɔ́ɔ̃ nɛ Izirayeli minin lɛn kio, min kɔ́n bɔ bɛn bii wa.

Bɔ bɛ̀rɛbaa nɛ 15:19

Faarahɔn a sùin ni, a wotoron ne, ka a sùi lɛ-kũlin bɛ́ ǹ nə́ wɔ tà lɛ nɛ ǹ mɛn waáraa, Dɛnaa wusoo á daa ka mu ni á kɔ ǹ lɛ. Sɛnɛ, Izirayeli nɛnyaanan kɛn sɛn nə́ boo la ǹ nə́ tà lɛ kuru, mu ná a mɛ ǹ gòã ganaa wa.

Bɔ bɛ̀rɛbaa nɛ 15:4

Á *Faarahɔn a wotoron laanka a zia-baalin kaa tà mu li; a ná a zia-baali sonboren lɛn papaã Sawɛɛ tà mu li.

Izayii 19:2

Dɛnaa Lawa pɛ: «Man die Ezipti minin yii soe kɔn ganaa, ǹ kɔn dɛ, dɔɔ̃n laanka dɔɔ̃n, giaára laanka giaára, kiwi laanka kiwi, gána laanka gána.

Izayii 60:12

Tɔrɔ hinlaa gána mɛn bɛ́ re n piɛ̃ ma a dí nyɛɛ n nɛ wa, bɛ á re papaɛ̃. Bɛa tɔrɔn lɛn tá re ziziɛ̃ lenlen.

Izayii 9:19

Maǹ pɔrɛɛ gusin, ǹ bòo dɔ a nyɛɛ wa. Maǹ pɔrɛɛ gɔsɛ, sɛnɛ ǹ ba kiɛ̃ wa. Didie n yui ǹ dɔɔ̃n gialaa:

Ezekieli 21:27

Kiɛ lɛ na á mɛnaa a gusin, á nyaa mà Zeruzalɛmu ni. Kii lɛ maǹ ziabaa ǹ lɛ-dɛ wɔ kɔsɛkɔsɛ, ǹ minin dɛ lɛ a gú da ǹ ziabaa ǹ màn dadaran doa kiwi lɛ a kiɛnlɛ-a, ǹ bèlèn dɔ, ǹ nyankɔrɔ fɔ̃!

Ezekieli 26:16

Tɔrɔn mɛnɛn bɛ́ yìsi mu lɛ-a, bɛn goledɛnan tumaa á re gisĩ ǹ nə n bɔ ǹ kii dankanan la, ǹ tá re ǹ dɔnkɛ dadaran wɛɛ, ǹ nə ǹ mɔnaa sɛsian kɛn sɔlɔ, ǹ nə ǹ bɔ ǹ dinin ganaa. Nyɛ́ɛ á re ǹ kuĩ. Ǹ tá re giɛ̃ tán-a, ǹ gɔ̀nɔn nə́ bìn diɛ duduu. N sii lɛ á re nyɛ́ɛ diɛ ǹ ganaa.

Ezekieli 38:21

Dɛnaa Lawa a da ǹ boo á ke: Ma á re zia yui ma kaa nsɛ Gɔgu ganaa, ma din a kelen kɛn tumaa la. N sɔraasin lɛn tá re kɔn dii.

Ezekieli 39:20

Màn bii ǹ bǎã lɛ nɛ, ǹ tá re n dinin toe ka sùin laanka ǹ da baa-a wolen siĩ ni, ka sɔraasin kɛn tumaa siĩ ni. Ma din Dɛnaa Lawa a da ǹ boo ne.

Amɔɔsi 2:15

Sa zũ doɛ̃ wole a re n gòãn doɛ wa, boo baa la wole a re baa sii a la wa, sùi da-baali a re boe la a n din nyin si wa.

Misee 5:10

Ma á die kaa gána lɛ a kiwin yui, kungɔnɔn mɛnɛn bɛ́ ǹ lɛnpɛnɛ, ma á die bɛn tumaa wurii.

Misee 5:8

N gɔn saa n baa zɔ́ɔbaa wolen lɛn li miɛ̃, toa n zɔ́ɔn lɛn tumaa papaã.

Misee 5:9

Dɛnaa Lawa a da ǹ boo á ke: «Bɛa pinaa kɛ lɛ nɛ, ma á die kaa sùin kɛn wɛɛ ma ǹ bɔ ka bii, ma á die kaa wotoron kɛn papaɛ̃ ma ǹ bɔ ka bii.

Misee 7:16

Tɔrɔ kɔsɔn lɛn dɔn dinin tá re yii, sìi á die ǹ kuĩ, ǹ laanka ǹ pàãdɛnaabaa kɛ lɛ din tumaa nɛ. Ǹ tá re n kaãbiɛ, boo din ná a re n diɛ ǹ la wa. Ǹ tá re goɛ̃ ka too tere-an bɛ́ lɔn.

Sofonii 3:8

Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

Zakarii 10:11

Ǹ tá re koe yìsi mu kɛ kuri. Masɛ Dɛnaa Lawa, ma á re yìsi mu gole a mu duwii. Haalɛ Niili tà gɔ́ɔ̃ din tá re laɛ. Asiirii gána, din gole-kɔle kɛ á re mɛnɛɛ. Ezipti a pàã á re nyɛɛ.

Zakarii 10:5

Maǹ die goɛ̃ ka sɔraasi foo taãnaan bɛ́ lɔn. Min mɛnɛn bɛ́ zia biɛ ǹ ganaa, ǹ tá re bɛn tɔtɔrɛ ka zii la ǹ bɛrɛɛ bɛ́ lɔn. Maǹ die yɔ boe miɛ̃, a giala, Dɛnaa Lawa á re goɛ̃ kunun ǹ ni. Sìi á re n koe zɔ́ɔn sùi da baa-a wolen lɛ.

Zakarii 12:9

Dɛnaa Lawa pɛ: «Bɛa waáraa kəni, tɔrɔn mɛnɛn tumaa bɛ́ re yui Zeruzalɛmu gialaa, man die bɛn tumaa dii lenlen.

Zakarii 14:3

Dɛnaa Lawa tɔn zia baa tɔrɔn gialakunun kɛn ganaa, ka a bɛ́ zia biɛ lɔn lɛlɛ, zia biikoo li.

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Zakarii 9:10

Ma á re ziabaa ǹ wotoron boe ma ǹ bɔ Efrayimu, ma ziabaa ǹ sùin bɔ ma ǹ bɔ Zeruzalɛmu. Ma á re ziabaa ǹ san yiyiɛ. Kii lɛ á re là nyantoro koe tɔrɔn la. A n die Dɛnaa biɛ, a kũ Yìsi mu kɔsɛ kɔsɛ ganaa a wo Yìsi mu gole kɔsɔn yaa, a kũ Efrati tà ganaa, a wo kanaa lɛ dan yaa.

Matiə 24:7

A giala tɔrɔn tá re zia biɛ tɔrɔ kɔsɔn ganaa, gánan tá re zia biɛ gána kɔsɔn ganaa. Bǎã gigiã nɛ, bòo á re we, tán tá re bìn diɛ.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii yɔrɔ-bɔlen 7:22

Bɛn biɛ sɔɔ lɛ lɛn bɛ́ boe, Dɛnaa Lawa toa ǹ dinin nə́ n bɔyaa kɔn li bǎã tumaa nɛ, ǹ nə́ kɔn dɛdɛ ka gɔya san nɛ. Zia-baalin lɛn tumaa baa si yǎa Bɛti-Sitaa, Sereraa paǹ li, ǹ nə́ woo yǎa Abeli-Mewolaa tà lɛ-a, kunu Tabati li.

Samayeli1 14:16

Gibeya kiwi, Bɛnzamɛn tɔrɔn tán la, Sayulu a bǎã-lɛduə̃lin lɛn kɔnɔn nə́ goã walan. Ǹ bɛ́ giɛ, bɛ̀ Filisiti minin lɛn bɛ́ sawɛɛ n lɛ koe bǎã yii ni.