Amɔɔsi 9:1 - LAWA A BOO SONBORE

¹ Má maa Dɛnaa yɛ golee-n lon *wúlu bɔ ǹ bǎã kɛ lalan. A na á goã kɛ pii: «Bìbìn kɛn mìi yiyiɛ, kiɛnlɛn kɛn nə bìn dada. A wuru a n kɔ ǹ tumaa lɛ. Ta ǹ mɛnɛn nə́ la, ma á re bɛn dii ka gɔya sa nɛ. Ǹ kɔn ba re boe la a baa si a la wa, ǹ kɔn ba re n boe a-n wa.

LAWA A BOO SONBORE 2011

¹ Má maa Dɛnaa yɛ golee-n lon *wúlu bɔ ǹ bǎã kɛ lalan. A na á goã kɛ pii: «Bìbìn kɛn mìi yiyiɛ, kiɛnlɛn kɛn nə bìn dada. A wuru a n kɔ ǹ tumaa lɛ. Ta ǹ mɛnɛn nə́ la, ma á re bɛn dii ka gɔya sa nɛ. Ǹ kɔn ba re boe la a baa si a la wa, ǹ kɔn ba re n boe a-n wa.

Amɔɔsi 9:1 ပူးပေါင်းရင်းမြစ်များ

KZS2 18:18

Misee woo ka boo-n nyɛɛnɛ: – Haya, Dɛnaa Lawa bɛ́ boo mɛn pii, ka n too kɔ bɛ li: Á ke, má Dɛnaa Lawa yɛ giã-n tán a kii dankan la ka a dí-nyalin tumaa nɛ golee-n a gusin ka a gɔsɛ nɛ lon gɔ́ɔ̃ nɛ.

Loen 68:21

Lawa lɛ n kirisibaali lɛa wɔsɛn nɛ. A din mɛn bɛ́ Dɛnaa lɛa, wɔsɛn si gɛ̀ la ǹ gɔn na a din lon.

Loen 68:22

Sɛnɛ, wɔ á waa-n la taãn-taãnɛ, wáa Lawa á re a zɔ́ɔn mìi yui, ka min mìi ka sɔsɔrɔdɛnan mɛnɛn dɔn bɛ́ baraabaa biɛ ǹ dí lɛa.

Izayii 30:16

Ka ǹ pii: «Haayii, wɔ n die baa sii ka sùin ni.» Sonbore, ka á re baa sii. Ka n pii dɔn: «Wɔa sùin lɛn tá boe baa la.» Taãn nɛ. Min mɛnɛn bɛ́ ka kialan lui, bɛn dɔn yii á re fuu koe ǹ la ka nɛ.

Izayii 6:1

Ǹ kɔn pinaa, kii Oziasi a gɛ̀ lɛ̀ ganaa, má sii-nyaa yɛ: Dɛnaa na á goã giã-n tán kii dankan la, ǹ mɛn la bɛ́ lon taãn-taãnɛ, a mɔnaan nə́ Lawa a kion pã.

Zeremii 11:11

Bɛ lɛ nɛ, masɛ Dɛnaa Lawa á kɛ pii: «Á ke, man die koe diɛ ǹ la, ǹ bɛ́ ǹ ba re n boe ǹ mɛn nɛ wa. Bɛ̀ ǹ tá gú diɛ, ma a re n too koe ǹ lon wa.

Zeremii 42:16

ka bɛ́ nyɛ́ɛ biɛ zia mɛn lɛ nɛ, bɛ á die ka kio lui yǎa walan. Bòo mɛn lɛ á ke ka foo biɛ niɛ̃, bɛ á re doe ka-a Ezipti gána nɛ. Walan lɛ nɛ ka á re giɛ̃.

Zeremii 48:44

Min mɛn bɛ́ baa sii nyɛ́ɛ taman yii, bɛa dɛnaa n die mɛnɛɛ nyankɔrɔ zuzulu ni. Bɛ̀ á boo la á soo, kan kũ. Taãn nɛ, ma bɛ́ re yui Moabu gialaa lɛ̀ mɛn-a, man die kɛa sii kɛ lɛ tumaa diɛ a mìi ni. Masɛ Dɛnaa Lawa a da ǹ boo ne.

Ezekieli 1:28

Wɔlɔ fúlu mɛn lɛ goã a lɛnpɛnɛ, bɛ na á goã ka lamɛn bɛ́ lɔn, la a kaa pinaa. Bɛa wɔlɔ fúlu lɛ na á goã Dɛnaa Lawa a siĩnbaa kɛa kɔnboe lɛa. Ma bɛ yɛ lɔn, má bɔ má mɛnaa tán ma lɛ la. Má tɔ́n min goon lɛ ma boo diɛ.

Ezekieli 10:4

Dɛnaa Lawa a siĩnbaa yoo á n bɔ lon màn yiikoonaan lɛn la, á woo kion lɛ a kiɛnlɛ-a. Kion lɛ gɔ́ɔ̃ ná goã piɛ̃-n ka tɛmaa nɛ, a sumu gɔ́ɔ̃ kɛ dɔ na á goã piɛ̃-n ka Dɛnaa Lawa a siĩnbaa kɛa tɛ-pɛ nɛ.

Ezekieli 15:7

Man die n yɔrɔ bɔyɛɛ ma da ǹ la. Maǹ nə́ soo tɛ-n, sɛnɛ, tɛ á re wusii a ǹ kũ. Bɛ̀ má n yɔrɔ bɔyaa má da ǹ la ǹ mɛn waáraa, ka á re doɛ̃ kəni, mà ma din nə Dɛnaa Lawa lɛa.

Ezekieli 9:2

Má tɔ́n giĩ sɔrɔ yɛ ǹ nə́ soo Lawa a kion gɔ́ɔ̃ li a kiɛnlɛ kɛ nɛ, ǹ mɛn lɛ yɔrɔ bɛ́ dia-n gɔsɛ a lɛ̀gɔn la. Didie a basaã kɔ ǹ màn na á goã a gɔn. Giĩ goon ná a goã ǹ bii ka mɔnaa gole ná a ganaa, sɛ́wɔ-kiɛ̃lin sɛ́wɔ kiɛ̃ ǹ màn kɛ n lɔɔ nɛ a maabɛlɛ ganaa. *Wúlu bɔ ǹ bǎã ke zan lɛa, ǹ nə́ daa, ǹ nə́ golee bɛ genli.

Amɔɔsi 3:14

Bɛ̀ má yoo Izirayeli minin kɛn gialaa ǹ mɛn waáraa, ǹ sii baraan kɛn taman yii, má á re yui Betɛli a wúlu bɔ ǹ bǎãn kɛn dɔn gialaa. Ǹ tá re *wúlu bɔ ǹ bǎã lɛ a lon a gùrùn kɛn yiyiɛ, bɛn tá re boe ǹ kakaa tán.

Amɔɔsi 7:17

Bɛ lɛ na á toa Dɛnaa Lawa á kɛ pii: N lɔ á re kɔrɔbaa zɛnɛɛ kiwi lɛ gɔ́ɔ̃ nɛ, ǹ tá re n nɛgiĩn laanka n nɛlɔn dii zia la, ǹ tá re n tán zoɛ̃ ka biɛ nɛ, ǹ gii min kɔsɔn bii. N dinmaa kɛ á re giɛ̃ Lawa doɛ̃baã wolen gána nɛ. Ǹ tá re Izirayeli minin kɛn goɛ ǹ wo ǹ ne bɛ̀rɛbaa ǹ bǎã nɛ, ǹ wɔlɔ á re lui ǹ gána kɛ ganaa.»

Amɔɔsi 7:9

Ma á re Izaaki tɔrɔn kɛn laanka Izirayeli tɔrɔn wúlu bɔ ǹ bǎãn ziziɛ̃, ma á re zia biɛ Zeroboamu tɔrɔn kɛn ganaa.»

Abakuku 3:13

N soo n tá n zaman kirisibiɛ, ka min mɛn bɛ́ n bɔ n koa n wɔ lɛa. Man min baraan kiã yɔyɔrɛ, n na a kion ziziɛ̃ lenlen. Doa

Sofonii 1:12

Bɛa biikoo li, man die bolon diɛ ma Zeruzalɛmu kiwi guusi. Min mɛnɛn bɛ́ n dinin narɛ, ma á re dɔlɔ boe bɛn ganaa. Maǹ taasɛ ǹ gɔ́ɔ̃ nɛ: «Dɛnaa Lawa a boe màn kɔn la a zɛnaa wa, sii bǐɛ̃ lɛa hinlaa sii baraa lɛa.»

Sofonii 2:14

A n die tɔɔn waa tán-a ǹ bǎã biɛ. Tɔɔ tɔrɔ tumaa, kɔlɔn nɛ, tèlò bàanan nɛ, bɛn man die lɛ̀ wɛɛ ǹ kion a mɛnɛn mala. Bàanan lɛ á re boe ǹ fenɛtərən lɛ-a. Foo-ziziɛ̃ tá re goɛ̃ ǹ kiɛnlɛ-a, ǹ tá re ǹ bìbìn woɛ̃ ǹ zũ.

Zaã a sɛ́wɔ 1:18

Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

Zaã a sɛ́wɔ 1:32

ZAÃ wusoo á pɛ doo: «Má Lawa a Yiri Fu yɛ ka zɛrɛkatoan bɛ́ lɔn, boe lon die miɛ la.

Nya ǹ dín 26:13

Kii lɛ ganaa, ma bɛ́ zii la woe penleen ne, má wɔlɔ fúlu kɔ́n yɛ á bɔ lon, a tɛ-pɛ la wasa wɔ nɛ, á daa kaa ma laanka maa tá kun wolen la.

Zozoe 10:18

Zozoe tɔ́n pɛ: «Ka kɔlɔ dadaran birikəə̃ ka kele yala lɛ tã nɛ, ka minin doa a li, ǹ na a lɛduə̃.

Sii-nyaan 1:17

Ma bɛ́ má yɛ, má bɔ má mɛnaa a giulun ka gere bɛ́ lɔn. Á n gusin da ma la, á pɛ: «N nyan nyɛ́ɛ baa wa! Ma din nə bibinaa lɛa, ma din nə giala-nyɔmɔɔ dɔ lɛa.

Sii-nyaan 8:3

Lon a dia dí-a wole goon kɔsɔ daa golee wúlu bɔ ǹ bǎã yɔrɔ-a, ka da gón gìĩ kɔɔ̃n tã ǹ màn ná a gɔn, a n sana lɛa. Da gón gìĩ kɔɔ̃n gigiã nə́ n kɔ la, mà a kaa kun ka Lawa a min sonboren tumaa a Lawa nyankɔ nɛ, a ǹ kɔ Lawa la. *Wúlu bɔ ǹ bǎã mɛn bɛ́ sana lɛa doa-n kii dankan yɔrɔ-a, mà a ǹ kaa bɛ la.