Amɔɔsi 7:7 - LAWA A BOO SONBORE

⁷ A màn mɛn nyaa ma-n bɛ kio, bɛ á ke: Maa Dɛnaa Lawa na á goã golee-n lon kungɔn pepere goon lalan, ka màn zɔɔ̃ ǹ biɛ ná a gɔn.

LAWA A BOO SONBORE 2011

⁷ A màn mɛn nyaa ma-n bɛ kio, bɛ á ke: Maa Dɛnaa Lawa na á goã golee-n lon kungɔn pepere goon lalan, ka màn zɔɔ̃ ǹ biɛ ná a gɔn.

Amɔɔsi 7:7 ပူးပေါင်းရင်းမြစ်များ

Siin Giala 28:13

A yii n Dɛnaa ganaa golee-n a nyɛɛnɛ, á n pii ni: «Masɛ n Dɛnaa, Abrahamu a Lawa lɛa, man Izaaki a Lawa lɛa. Ń bɛ́ waa-n tán mɛn la, man die koe n din laanka n tɔrɔn la.

Samayeli2 8:2

Davida boo Moabu minin kɛn dɔn la. A na á goã ǹ kuĩ, bɛ̀ a ǹ naa tán ka pàã nɛ. Bɛ̀ á ǹ nimi min sɔɔ, a n màn paa dii a goon toa walan. Moabu minin lɛn nə́ nɔmaa ǹ nə́ Davida a dí-nyalin baa, ǹ nə́ goã nyin giɔ̀mɔ din sarɛɛ la.

Kiin2 21:13

Man die Samarii kiwi tele ǹ biɛ kɛ laanka Akaabu a kion minin tele ǹ màn kɛ diɛ Zeruzalɛmu kiwi li. Man die Zeruzalɛmu tuturi ka ǹ bɛ́ tasa tuturi lɔn, ǹ saa ǹ na a lɛ kuməə tán.

Izayii 28:17

Peperebaa n die goɛ̃ maa màn zɔ́ɔ̃ ǹ màn lɛa, kiri pepere n die goɛ̃ maa biɛ nàn lɛa.» La gii á re kaa minin sã ǹ mìi duru ǹ bǎã kɛ ziziɛ̃. Mu á re n koe kaa duru ǹ bǎã kɛ lɛ.

Izayii 34:11

Kɔlɔn laanka bàanan tá re giɛ̃ a nɛ. Á re kɔlɔ kuunun laanka zankoon giã ǹ bǎã biɛ. Dɛnaa Lawa á re gána lɛ bɔ̀n biɛ. A n die goɛ̃ ka wɔlɔ kooro á ke á goã lɔn, bɛ̀ tán ná a tɔn nə n zɛnaa wa.

Busii pɛ 2:8

Dɛnaa Lawa golee li, mà a n die Siɔn a kungɔn wurii. Á biɛ nàn nyoã, a n die zɛnɛ kɔnlɛ. Á yuyu miɛ̃, yǎa a tumaa wuru. Kiwi lɛnpɛnɛ ǹ kungɔn bibinaa laanka a paabaa ǹ wɔ lɛ yu. Bɛ foo-ziziɛ̃ baa.

Ezekieli 40:3

A bɛ́ á woo ma-n walan, ma bɛ́ giɛ, bɛ̀ giĩ goon nə́ ke golee-n kiɛnlɛ-a. A gɔ̀nɔn na á goã tɛ pii ka zan bɛ́ lɔn. Màn kɔn nə́ goã a gɔn ka bòosa biɛ bɛ́ lɔn, kun ka màn zɔɔ̃ ǹ bàlà nɛ.

Amɔɔsi 7:6

Dɛnaa Lawa tɔ́n sii lɛ a zɛnaa lɛ da. Á pɛ mà bɛa re n zɛnɛɛ doo wa.

Amɔɔsi 7:8

Dɛnaa Lawa tɔ́n nɔ̀n da ma la: «Amɔɔsi, n yii n wàa mɛn ganaa?» Má tɔ́n pɛ nɛ: «Màn zɔɔ̃ ǹ biɛ nɛ.» Dɛnaa Lawa tɔ́n pɛ ma nɛ: «Á ke, man die biɛ diɛ maa zaman Izirayeli minin lɛn li ma ga ǹ ganaa. Ǹ kɔkɔrɔbaa lɛ taman yii, ma a re ǹ toɛ walan doo wa.

Zakarii 4:10

Doa boɛɛn mɛn nə n wɔ sii giala kɔ waáraa, ka nyan zín bɔ bɛ-n wa. Zorobabeli bɛ́ re Lawa a kion lɛ a doe giala koe, ka doamaa-n ka n nyanyaa. «Bolon sɔbaa kɛ n goon ka Dɛnaa Lawa yiin ni. Maǹ giɛ tán tumaa walan.»

Sii-nyaan 11:1

Ǹ nə́ tɔ́n kàwɔ buu kɔ ma la màn zɔɔ̃ ǹ màn lɛa, ǹ nə́ pɛ ma nɛ: «Yoo n Lawa a Kion kɛ laanka *wúlu bɔ ǹ bǎã kɛ zɔɔ̃, n Lawa-nyankɔlen tumaa nimi.

Sii-nyaan 21:15

Lon a dia dí-a wole mɛn goã boo diɛ ma nɛ, màn zɔɔ̃ ǹ bàbàla ná a gɔn, sana lɛa, a n kiwi lɛ zoɛ̃ nɛ, a kungɔn nɛ, ká a kiɛnlɛn nɛ.