Amɔɔsi 5:8 - LAWA A BOO SONBORE

⁸ A din na á leeren kɛn zɛnaa, bɛ̀rɛ-sãlin laanka sɔ̀ nɛ. A din nə tèlò bɔyɛɛ a baa baayɛlɛ lɛa, a baayɛlɛ bɔyaa a baa tèlò lɛa. A n yìsi mu bíi bɛ̀ a sɔkɔn, a tɔn bɛ kaa tán la. A tɔ mà Dɛnaa Lawa.

LAWA A BOO SONBORE 2011

⁸ A din na á leeren kɛn zɛnaa, bɛ̀rɛ-sãlin laanka sɔ̀ nɛ. A din nə tèlò bɔyɛɛ a baa baayɛlɛ lɛa, a baayɛlɛ bɔyaa a baa tèlò lɛa. A n yìsi mu bíi bɛ̀ a sɔkɔn, a tɔn bɛ kaa tán la. A tɔ mà Dɛnaa Lawa.

Amɔɔsi 5:8 ပူးပေါင်းရင်းမြစ်များ

Zɔbu 12:22

Wɔlɔ tì siin kɛn, a n pìi boe bɛn lɛ. Gɛ̀ dɛ ǹ sii tìtìn kɛn, a n bɛn diɛ wɔlɔ fúlu-a.

Zɔbu 37:13

Bɛ̀ a tá li a dɔlɔ bɔ kanaa ganaa, hinlaa a bǐɛ̃ zɛnaa nɛ, a n labaran lɛn boe a ǹ dia.

Zɔbu 38:34

Nsɛ n nɛn bɛ̀ n lɛ dia labaran kɛn la haalɛ lon, bɛ̀ la tɔn kaa a mu n gigiã?

Zɔbu 9:9

A din na á Leere Sɔrɔ laanka Bɛ̀rɛ-sãlin zɛnaa, gusin a lɛ̀gɔn la wɔn nɛ, ka gɔsɛ a lɛ̀gɔn la wɔn nɛ.

Loen 104:20

Bɛ̀ n din wɔlɔ tii, tèlò na á kɔ. Don mànan tumaa nə n bibiĩ bɛa biikoo li.

Loen 105:28

Á wɔlɔ tì dia, á tán tii ni, min kɔn nə n piã ka a boo lɛ-n wa.

Izayii 42:16

Yii tere-an bɛ́ ǹ ba zii mɛn doɛ̃ wa, man diɛ ǹ kiɛ bɛ la. Man die ǹ kiɛ tɔ wɔ ganaa zii la, zii mɛn bɛ ǹ ba doɛ̃ wa. Man die tèlò bɔyɛɛ ma baa wɔlɔ fúlu lɛa ǹ nyɛɛnɛ. Ǹ bɛ́ n gòã niɛ̃ màn mɛn ganaa, man bɛ boe ma bɔ ǹ nyɛɛnɛ. Ma sii mɛn taasɛ, a din nə ke. Ma a re wusii ma kio-n wa.

Izayii 59:10

Wɔ ǹ tɔ we ka yii tere-an bɛ́ lɔn, wɔ nə n gɔnɔn tatalɛɛ kigiala gɔ̀nɔn ganaa. Wɔ ǹ woe wɔ mìi gialaa ka min mɛn bɛ́ a yii ná a banban. Penleen, wɔ nə n gòã niniɛ̃ ka tèlò bɛ́ lɔn. Wɔ ǹ kakabaa la, sɛnɛ, wɔ ǹ wɔ kɔnbɔ ka geren ne.

Zeremii 16:21

Dɛnaa Lawa pɛ: Á bǐɛ̃ kɔ! Kanna kəni ma á re ma pàã laanka maa boo sii la baa nyɛɛ ǹ nɛ taãn-taãnɛ. Ǹ tá re doɛ̃ ka bɛ-n kəni mà ma tɔ n "Dɛnaa Lawa".

Zeremii 33:2

«Dɛnaa Lawa n kɛ pii asɛ mɛn bɛ́ màn tumaa a zɛnaali lɛa, á ǹ yɔrɔ boe, á ǹ koɛ. A tɔ n Dɛnaa Lawa.

Amɔɔsi 4:13

Ga le, a din na á kelen zɛnaa, a din nə piɛ̃ diɛ bɔ ganaa, a din na a taasiɛ nyɛɛ minbuiinin manɛ, a din nə wɔlɔ fúlu bɔyɛɛ a baa wɔlɔ tì lɛa, a din nə tɔ we kanaa a kele dadaran kɛn mìi ni kiɛ̃. A tɔ mà Dɛnaa Lawa, Lawa Pàãyiidɛnaa.

Amɔɔsi 8:9

Dɛnaa Lawa wusoo á pɛ kɛnɛn: Bɛa pinaa kɛ lɛ nɛ, ma á re wasa diɛ yii-sã ganaa penleen tiɛɛ̃n nɛ. Ma á re wɔlɔ tii tán la wasa yii ni.

Amɔɔsi 9:6

Min mɛn a giã ǹ bǎã á ke lon, asɛ mɛn bɛ́ á lon zɛnaa á kɔ tán lɛ, yìsi mu bíi bɛ̀ a kaa tán la, a tɔ mà Dɛnaa Lawa.

Matiə 4:16

Tɔrɔ mɛn nə́ ke tɔ we wɔlɔ tì li, bɛ á re wɔlɔ fúlu gole yii. Min mɛnɛn bɛ́ gána tì ni, geren piɛ, wɔlɔ fúlu á re boe bɛn manɛ.

Luku 1:79

Min mɛnɛn bɛ́ wɔlɔ tì li, ǹ nə́ nyɛ́ɛ biɛ gɛ̀ nɛ, a n wɔlɔ fúlu kiɛ bɛn ganaa. A n là nyantoro zii nyɛɛ wɔ nɛ.»