Amɔɔsi 5:7 - LAWA A BOO SONBORE

⁷ Á ke, ká taãn-pɛ bɔyaa ká baa kɔɔsɛ, peperebaa ke, ká bɛ naa tán.

LAWA A BOO SONBORE 2011

⁷ Á ke, ká taãn-pɛ bɔyaa ká baa kɔɔsɛ, peperebaa ke, ká bɛ naa tán.

Amɔɔsi 5:7 ပူးပေါင်းရင်းမြစ်များ

Loen 125:5

Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

Loen 36:3

A giala, a n giɛ a din ganaa ka taasiɛ naarɛ nɛ, a ba a din a sã doɛ̃, a wusoo a kio wa.

Suusun 21:7

Min baraan kakaarɛbaa nə ǹ papaɛ̃, a giala maǹ nə n piɛ̃ ka peperebaa nɛ.

Izayii 1:23

N kiãn man gòãn dii wolen lɛa. Maǹ nə n lɛ kiɛ kun ka wurumun ni. Lɛ pii ǹ mànan si n kɔɔ̃nɛ ǹ ganaa. Maǹ baa sii bɛn kio. Ǹ ba bǐɛ̃ zɛnɛɛ nɛ toen ne wa, ǹ ba lɔ giɔɔrɔ a guĩ siɛ wa.

Izayii 10:1

Min mɛnɛn bɛ́ dí-pɛ kɔkɔrɔn koɛ, landa sɛ́wɔn kiɛ̃, koe boe ǹ miãn ganaa nɛ, bɛn wɔ n ka bɔ̀n nɛ.

Izayii 46:12

Mìi laa wolen lɛn, kasɛn mɛnɛn wɔlɔ bɛ́ sɔsɔɔ peperebaa ganaa, ka n too kɔ ma lon!

Izayii 5:20

Kaa wɔ n ka bɔ̀n nɛ, kasɛn mɛnɛn bɛ́ pii mà sii baraa n siĩni, mà sii sonbore n baraa. Ka n penleen bɔyɛɛ ka baa tèlò lɛa, ka tèlò bɔyaa ka baa penleen lɛa. Màn mɛn bɛ́ kɔɔsɛ, ka n bɛ bɔyɛɛ ka baa kɔɔ̃nɛ. Màn mɛn bɛ́ kɔɔ̃nɛ, ka n bɛ bɔyɛɛ ka baa kɔɔsɛ.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Ezekieli 18:24

Sɛnɛ, bɛ̀ min pepere ná a peperebaa toa walan, a n kɔkɔrɔbaa ǹ sii zɛnɛɛ, a n sii bɔbɔnɛɛ zɛnɛɛ ka min baraan kɛn bɛ́ zɛnɛɛ lɔn, bɛa dɛnaa lɛ yii á boe la a goã koo sonbore? Haayii dɛ! A sii sonbore mɛn tumaa zɛnaa, bɛ kɔn a taasiɛ ba re die min yiri-n wa. A n die giɛ̃, a giala, á bɔlɔ tii sii zɛnaa, á sii baraa zɛnaa.

Ezekieli 3:20

A din yii goon ne, bɛ̀ min pepere dɔ ná a peperebaa kaa, á n sii kɔkɔrɔ zɛnɛɛ, a giala mà má n da a gɔ̀ɔ̃ li, ma á re dii a sã lɛ taman yii a gã. Bɛ̀ n nə n gɔn waa-n sɛn wa, a n die giɛ̃ a sii baraan lɛn taman yii. A sii peperen mɛnɛn zɛnaa lɛlɛ, ma bie re giɛ bɛn ganaa wa. Sɛnɛ, man die a gɛ̀ lɛ a sii diɛ n din mìi ni.

Ezekieli 33:18

Bɛ̀ min pepere wusoo a peperebaa kio á sii baraa zɛnaa, a n giɛ̃ a sii baraa lɛ taman yii.

Ozee 10:4

Boo n woe ǹ la. Maǹ lɛ kɔn we kɔn la, maǹ liɛ we soɛ la. Ǹsɛn gɔn, pepere-pɛ na á buu sèwòdɛnaa baa, ka nyankɔrɔ bɛ́ lɔn kantian bii ni wuru-n.

Amɔɔsi 2:3

Ma á re ǹ kii kɛ dii ma bɔ ǹ kiwi, ma á re a kiodɛnan kɛn tumaa dii kun ni. Dɛnaa Lawa na á pɛ miɛ̃.

Amɔɔsi 3:10

Masɛ Dɛnaa-n kɛ pii: Samarii minin lɛn ba sii pepere zɛnaa ǹ gɔn doɛ̃ wa. Maǹ kakaarɛbaa ǹ sii zɛnɛɛ, ǹ nə́ mɛnɛɛ minin la, mànan sii kiɛ kɔn la ǹ kionən ne.

Amɔɔsi 6:12

Ka bin nə́ sùi yɛ baa sii gɛ̀fu la? Ka bin nə́ ǹ yɛ gɛ̀fu kɔsɛ ka diin kána nɛ? Wàa na a baa, ká taãn-pɛ sɛ bɔyaa ká baa sèwò lɛa, ká peperebaa bɔyaa ká baa kɔɔsɛ.

Misee 3:9

Zakɔba tɔrɔn goledɛnan lɛn, ka bǐɛ̃ kɔ, ka n too kɔ kɛ li! Izirayeli mìilandɛnan lɛn, sii pepere a kɔɔ̃n ka ganaa wa. Ka n sii pepere din tumaa kɔrɛ.

Abakuku 1:4

Dí-pɛn pàã nya. Min kɔn ba kiri pepere we wa. Min baraa n yui min pepere gialaa, Kiri-wɔlen man kiri kɔkɔrɔ we.

Sofonii 1:6

Min mɛnɛn bɛ́ n dɔ̀ɔ̃ we masɛ Dɛnaa Lawa nɛ, ǹ laadoo ná a ba ma-a wa ǹ ba maa doreen li wa, ma á re bɛn dɔn bɔ̀n biɛ.

Timəə dí-pɛn 29:18

Bɛ̀ min mɛn dɔ́ bɛa liɛ ǹ boon lɛn ma, yǎa a taasɛ a din gɔ́ɔ̃ nɛ, mà asɛ wɔ na á bǐɛ̃ kɔ, á n pii: «Ma bɛ́ má n tã, má kɔ ma din a taasiɛ lɛ, maa sii tumaa á ke á bǐɛ̃ kɔ!» Sonbore, tán mɛn bɛ́ basiɛ̃ nɛ, mu boro a bɛ ganaa doo wa.