Amɔɔsi 5:3 - LAWA A BOO SONBORE

³ Dɛnaa Lawa na á kɛ pɛ Izirayeli tɔrɔn wɔ paǹ li: Bɛ̀ giĩ duu goon (1 000) soo kiwi ǹ nə́ woo zia la, min paabiɛ (100) nə n bɔyɛɛ. Bɛ̀ giĩ paabiɛ soo kiwi ǹ nə́ woo zia la, min fù nə n bɔyɛɛ.

LAWA A BOO SONBORE 2011

³ Dɛnaa Lawa na á kɛ pɛ Izirayeli tɔrɔn wɔ paǹ li: Bɛ̀ giĩ duu goon (1 000) soo kiwi ǹ nə́ woo zia la, min paabiɛ (100) nə n bɔyɛɛ. Bɛ̀ giĩ paabiɛ soo kiwi ǹ nə́ woo zia la, min fù nə n bɔyɛɛ.

Amɔɔsi 5:3 ပူးပေါင်းရင်းမြစ်များ

Loen 144:14

Toa wɔa diin nə kasã parsiini. Wɔ kanbaa bɔ̀n laanka goa a wo bɛ̀rɛbaa-n ganaa, wuu dɔ baran bɔ wɔa gána kɛ paǹ kɔn nɛ doo wa.

Izayii 1:9

Bɛ̀ Dɛnaa Lawa Pàãyiidɛnaa bie á min tɛn yii toa koo wɔ bii wa, bɛ̀ wɔ n die papaɛ̃ lenlen ka Sodɔmu laanka Gomɔɔrɔ kiwi bɛ́ lɔn.

Izayii 10:22

Sɛnɛ Izirayeli, ta n zaman nə mɔnaa-n lɔn, ta a n mɔnaa-n ka yìsi mu lɛ-a ǹ nyɔɔsɔ̃ bɛ́ lɔn, a gialakun boɛɛn dinsɔɔ̃ n die wusii ǹ nə n bɔyaa ǹ da Dɛnaa Lawa li. Bɔ̀n na á n yɔrɔ bɔ. Peperebaa n koe a zii lɛ.

Izayii 6:13

Ta zaman lɛ a talɛɛ fù na á goã gána lɛ nɛ, tɛ á re bɛn kuĩ, ka da mɛn nə́ ke ǹ nə́ kuru ǹ nə́ daa, a giala piri dinsɔɔ̃ goã. Sɛnɛ, bɛa giala piri lɛ n piɛ̃ dii lɛa, a da ten sonbore baa.

Ezekieli 12:16

Min mɛnɛn bɛ́ re liɛ zia kɛ kio, bòo kɛ nɛ ka piɛ̃ busu kɛ nɛ, ma á re bɛn gialakunun toɛ walan. Bɛn bɛ́ re woe tɔrɔ kɔsɔn mɛnɛn bii, ǹ tá re ǹ dinin zɛnaa ǹ sii bɔbɔnɛɛn kɛn laakalɛɛ bɛn yii ni. Bɛn dɔn tá re doɛ̃, mà masɛ din nə Dɛnaa Lawa lɛa.

Amɔɔsi 6:9

Bɛ̀ sumu mɛn a minin nə́ n zɔ̃ ǹ nə́ goã fù, bɛa min fù lɛ dɔ á re giɛ̃.

Rɔmu minin 9:27

Izayii dɔ́ pɛ Izirayeli wɔ gɔn la kɛnɛn: «Ta Izirayeli nɛnyaanan lɛn man mɔnaa-n ka mu lɛ-a ǹ nyɔɔsɔ̃ bɛ́ lɔn, ǹ gialakun boɛɛn dininsɔɔ̃nɔn man die kirisibiɛ.

Timəə dí-pɛn 28:62

A laanɛ ka á mɔnaa nɛ ka lon a leeren bɛ́ lɔn, bɛ̀ ká kaa Lawa, Dɛnaa Lawa bɔlɔ tii, kaa min mɛnɛn bɛ́ goɛ̃, ǹ ba re tɛ koe wa.

Timəə dí-pɛn 28:63

A bɛ́ na á kɔɔ̃n kɔ Dɛnaa Lawa din ganaa á bǐɛ̃ zɛnaa ka nɛ, á ka mɔnaa lɔn ke, a n die kɔɔ̃n koe a ganaa miɛ̃ dɔn, a ka dɛ a ka nya lenlen. Ka bɛ́ re we gána mɛn lɛ nɛ ka si ka baa kaa wɔ lɛa, á re ka wɛɛ ka saɛ, a ka bɔ bɛ nɛ.

Timəə dí-pɛn 4:27

Dɛnaa Lawa á die ka lui a ka kaa tɔrɔ kɔsɔn bii. A bɛ́ re woe ka nɛ tɔrɔn mɛnɛn bii, kaa gialakun boɛɛn nə die goɛ̃ bɛn dɔn bii.