Amɔɔsi 5:21 - LAWA A BOO SONBORE

²¹ Kaa zɔ́nɔn kɛn lɛn bɛ̀ ká n zɛnaa, ma ba ǹ li wa, ǹ tìĩ bɔ ma nyin ni. Kaa lɛ-sɔkɔnɔn kɛn bɛ̀ ka ǹ wɔ, á ma gɔ̀nɔn bɔ.

LAWA A BOO SONBORE 2011

²¹ Kaa zɔ́nɔn kɛn lɛn bɛ̀ ká n zɛnaa, ma ba ǹ li wa, ǹ tìĩ bɔ ma nyin ni. Kaa lɛ-sɔkɔnɔn kɛn bɛ̀ ka ǹ wɔ, á ma gɔ̀nɔn bɔ.

Amɔɔsi 5:21 ပူးပေါင်းရင်းမြစ်များ

Siin Giala 8:21

Dɛnaa bɛa wúlu màn gìĩ kɔ́ɔ̃n lɛ ma, á tɔ́n pɛ a din gɔ́ɔ̃ nɛ kɛnɛn: «Ma a re lɛn pipiã bíi tán li doo duduu, minbuiin nɛ a zɛnaa ǹ sii taman yii wa. Minbuiin nɛ n yui tán ka sii baraa zɛnaa nɛ a foo-n sɛn, sɛnɛ, ma a re dɔlɔ boe màn yiikoonaa tumaa ganaa doo duduu, ka ma bɛ́ má zɛnaa lɔn wa.

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Suusun 21:27

Min baraan wúlu màn nə màn bɔnɛɛ lɛa, sanparɛ bɛ́ ǹ nə́ zɛnaa ka gɔ́ɔ̃ tìbaa nɛ.

Suusun 28:9

Min mɛn bɛ́ n too tiɛ̃ màn mɛn bɛ́ toɛ a nyan dí-pɛn ma wa, a Lawa nyankɔ dɔ din nə sii bɔbɔnɛɛ lɛa.

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Zeremii 14:12

Ta ǹ nə́ n lɛ sɔɔ, ma a re n too koe ǹ nyankɔ li wa. Ta ǹ nə́ *wúlu màn tiɛ̃ laanka wúlu màn gìĩ kɔɔ̃n kɔ ma la, ma a re lɛ koe ǹ ganaa wa. Sɛnɛ, man die ǹ bɔ̀n biɛ ka zia nɛ, bòo ne ka piɛ̃ busu ni.»

Zeremii 6:20

Ka bɛ́ boe da yon gìĩ kɔɔ̃n nɛ Sabaa ka n die ne, ka gána sɔsɔɔ buu gìĩ kɔɔ̃n kɛ nɛ masɛ wɔ lɛa, bɛ là n ka wàa-n kəni? Kaa *wúlu màn tiɛ̃n kɛn, ma ba ǹ li wa. Kaa wúlu mànan kɛn ba kɔɔ̃n ma ganaa wa.

Ezekieli 23:18

Á n din tontoro da minin yii ni, a ná a kɔrɔbaa lɛ da wɔlɔ fúlu-a. Bɛ lɛ n ke a tìĩ bɔ ma dɔ nyin ni, ka ǹ dɔɔ̃nlɔ Oholaa lɛ tìĩ á ke á bɔ masɛ Dɛnaa Lawa nyin ni lɔn.

Ozee 2:11

Bɛ lɛ na á toa, ma á re maa belee kuĩ ma si la, a kurii biikoo li, ma á re maa rezɛ̃ kuĩ ma si la, a ma biikoo li. Sère ka mɔnaa laanka gɛ̀sɛ sonbore mɔnaa ke, ǹ mɛnɛn lɛn bɛ́ a sìi duri, ma á re bɛn wɛɛ, ma ǹ bɔ a ganaa.

Ozee 5:6

Ǹ tá re die ka ǹ tɔɔ dadaran laanka ǹ tɔɔ bisinin ni mà maǹ giɛ Dɛnaa Lawa li. Sɛnɛ, ǹ ba re yii wa. A giala á soo á n bɔ ǹ bii.

Ozee 8:13

Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Lawa a wúlu-bɔlen 26:31

Ma á die kaa kiwin kɛn yui lenlen. Kaa dìn guguru kɔ ǹ bǎãn kɛn, man die bɛn wurii, min ná a ba woe walan doo wa. Kaa wúlu mànan kɛn tɛmaa din gìĩ ba re kɔɔ̃n koe masɛ-n doo wa.

Amɔɔsi 4:4

Amɔɔsi pɛ: Ka da Betɛli ka piã ǹ siin lɛn zɛnaa, ka da Gilgaali ka màn da kaa piã ǹ siin lɛn li. Bɛ̀ lɛ̀ waa lɔn, ka kaa wúlun lɛn bɔbɔ, a lɛawaa sɔɔbaa ǹ wɔ, ka Lawa wɔ gii bɔ.

Amɔɔsi 4:5

Izirayeli minin lɛn, ka kaa yɔ bù buurun lɛn tã, ka kaa Lawa gɔ ǹ mànan lɛn boo da, ka lɛn gole ne, a giala, bɛ lɛ n kɔɔ̃n ka ganaa. Dɛnaa Lawa a da ǹ boo ne.

Amɔɔsi 6:8

Dɛnaa Lawa Pàãyiidɛnaa nə́ n liɛ ka a din tɔ nɛ á pɛ kɛnɛn: Zakɔba tɔrɔn kɛn din gole kɔ kɛ tìĩ bɔ ma nyin ni, ǹ kion sonboren kɛn sii goon ba ma-a wa. Ma á re kiwi lɛ we a zɔ́ɔn gɔn, kɔnlɛ ka a gɔ́ɔ̃gɔɔ̃ ǹ mànan tumaa nɛ.

Amɔɔsi 8:10

Ma á die kaa zɔ́nɔn kɛn bɔyɛɛ, ma ǹ baa foo-ziziɛ̃ pinaa lɛa. Ma á die kaa loen kɛn tumaa bɔyɛɛ, ma ǹ baa gɛ̀ wuu lɛa. Min tumaa á die gɛ̀ koa ǹ mɔnaa we, min tumaa á die n mìi koɛ̃, ka nɛgiĩ goon toto na á gã. Sii mɛn bɛ́ re koɛ bɛ la kəni, bɛa re koe biɛ.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Filipi minin 4:18

Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.