Amɔɔsi 5:18 - LAWA A BOO SONBORE

¹⁸ Kasɛn mɛnɛn la bɛ́ kakaɛ̃ Dɛnaa Lawa a lɛawaa kɛa dɔ pinaa li, kaa wɔ n ka bɔ̀n nɛ! Dɛnaa Lawa a lɛawaa lɛ n die wàa koe ka la? Wɔlɔ tì biribiri ni, wɔlɔ fúlu boo bie wa.

LAWA A BOO SONBORE 2011

¹⁸ Kasɛn mɛnɛn la bɛ́ kakaɛ̃ Dɛnaa Lawa a lɛawaa kɛa dɔ pinaa li, kaa wɔ n ka bɔ̀n nɛ! Dɛnaa Lawa a lɛawaa lɛ n die wàa koe ka la? Wɔlɔ tì biribiri ni, wɔlɔ fúlu boo bie wa.

Amɔɔsi 5:18 ပူးပေါင်းရင်းမြစ်များ

Izayii 13:6

Ka gɛ̀ koa ǹ loe lɔ! A giala, Dɛnaa Lawa a lɛawaa gole kɛ dɔ á nya. Ka koe bɛ́ lɔn, a n màn tumaa ziziɛ̃, Pàãyiidɛnaa na á dia.

Izayii 24:18

Min mɛn bɛ́ baa sii nyɛ́ɛ da ǹ lɛ-dɛ nyɛɛnɛ, bɛa dɛnaa n mɛnɛɛ yala-n. Bɛ̀ min mɛn boo la á soo yala-n, kan tá re kuĩ. Lon a dɔǹɔn manə n lɛ buĩ banabana. Tán tumaa n bìn diɛ a wo a giala wɔ tán a ǹ bǎã yaa.

Izayii 5:19

Ka n pii: «Dɛnaa Lawa, n baa fufuu n sii zɛnaa wɔ yii ni wɔ yɛ. Izirayeli a Lawa sonbore sii mɛn yɔrɔ bɔ, wɔ ǹ li bɛ nə n zɛnaa, wɔ dɔ̃!»

Izayii 5:30

A da yaa, ǹ kɔn pinaa, yìsi mu á ke gini lɔn, ginii wuu n die boe tɔrɔ kɛ ganaa miɛ̃. Bɛ̀ ń giɛ gána lɛ ganaa, á ke, tèlò laanka koe n die n koe lɛ. Labara dadaran tá re n koe lɛawaa a wɔlɔ fúlu lɛ.

Izayii 58:2

Lɛawaa tumaa li, maǹ nɔ̀n diɛ maa taasiɛn nɛ. Maǹ giɛ li ǹ ma foo siin dɔ̃. Maǹ nə́ kɔnbɔ ka tɔrɔ mɛn nə́ ke, koe peperebaa lɛ, ǹ nə́ ǹ ba ǹ Lawa a dí-pɛn tii wa. Maǹ kiri pepere li. Maǹ li ma goã mɔrɛɛ nɛ ǹ ganaa.

Izayii 8:22

bɛ kio, ǹ tá re n yɔrɔ diɛ tán: Sɛnɛ á ke, maǹ die koe dinsɔɔ̃ yii, wɔlɔ tì biribiri ni, nyɛ́ɛ gole ne ka tèlò tì biribiri ni, ǹ bɛ́ re ǹ noɛ̃ ǹ nə ǹ zũ bǎã mɛn nɛ.

Izayii 9:19

Maǹ pɔrɛɛ gusin, ǹ bòo dɔ a nyɛɛ wa. Maǹ pɔrɛɛ gɔsɛ, sɛnɛ ǹ ba kiɛ̃ wa. Didie n yui ǹ dɔɔ̃n gialaa:

Zeremii 13:16

A laan bɛ̀ a n tèlò diɛ kɔ ganaa, bɛ̀ ka n gòã na kɔlɔ ganaa kele mìi ni, ka gugurubaa da Dɛnaa Lawa, kaa Lawa tɔ la. Ka nə n yii diɛ penleen la, sɛnɛ Dɛnaa Lawa n bɔyɛɛ a baa wɔlɔ tì biribiri lɛa, a n furuməə gole koe lɛ.

Zeremii 17:15

Á ke, minin man pii: «Dɛnaa Lawa a dɔlɔ lɛ dɔ? Á maa ke? A zɛnaa wɔ ga a ganaa!»

Zeremii 30:7

Koe n ka kɛ nɛ! Lɛawaa baraa nɛ! A kɔnbɔ ka lɛawaa kɔn nɛ wa! Zakɔba tɔrɔn foo ziziɛ̃ lɛawaa nɛ, sɛnɛ, ǹ tá re kanbiɛ.»

Ezekieli 12:22

Minbuiin a nɛ, wàa na á baa ǹ tá suusu kɛ diɛ Izirayeli gána wɔ paǹ li: – Biikoo á ke kiɛ̃, sii nyaa lɛn kɔn nə́ ke a ná a tɔn nə n zɛnaa wa.

Ezekieli 12:27

– Minbuiin a nɛ, Izirayeli tɔrɔn man kɛ pii n wɔ paǹ li: «Giĩ kɛ lɛ yii bɛ́ sii mɛn ganaa, a bɛ́ boo mɛn diɛ, sisia sii bie wa, a wɔlɔ á tɔn sɔsɔɔ.

Zowɛli 1:15

Haya! Lɛawaa lɛ a mɛn tɔrɔ-n ke! Dɛnaa Lawa a lɛawaa lɛ diri. A n die n biɛ ka basaã-kɔle a basaã bɛ́ lɔn, boe Pàãyiidɛnaa Lawa li.

Zowɛli 2:10

Tán nə bìn diɛ ǹ nyɛɛnɛ, lon nə ka a n die niɛ̃ a mɛnaa, wasa laanka mui ba folon kiɛ doo wa, leeren ba tɛ-pii doo wa.

Zowɛli 2:11

Dɛnaa Lawa na a zia-baalin lɛn nyɛɛnɛ, a n paraa we. A sɔraasin lɛn man gigiã, ǹ ná a bɔlɔ sii. Dɛnaa Lawa a lɛawaa lɛ, lɛawaa gole ne á nyɛ́ɛ dɔ din diɛ. Die n die n boe a nɛ?

Abdiasi 1:15

Á re bǐɛ̃ koe! Dɛnaa Lawa a dɔlɔ bɔ ǹ lɛawaa diri. Tɔrɔn tumaa sii tá a nɛ. Ka dɔn nə zɛnaa lɔn, a n die n zɛnɛɛ ka dɔn man miɛ̃. Ka baraa mɛn zɛnaa, a sii n die kuĩ ka dinin mìi ni.

Timəə dí-pɛn 32:24

Bɛ̀ ǹ nə́ nɔmaa bòo gɔn, bɛ̀ gɔ̀nɔn wɛɛ̃ laanka busu babaraa kɔsɔn nə́ ǹ pàã nya, ma á re don màn babaraan kiɛ ǹ ganaa, ma á re miɛ̃ babaraan kiɛ ǹ ganaa.

Piɛrɛ2 3:10

Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.

Piɛrɛ2 3:4

ǹ pɛ: «Táa Dɛnaa lɛ pɛ mà á die! Á maa die dɔn kəni? A giala, wɔsɛn díin nə́ gã, sɛnɛ, màn kɔ́n tɔn nə n bɔyaa wa, màn tumaa na a tan, ká a bɛ́ á goã kanaa diɛ waáraa lɔn.»