Amɔɔsi 5:12 - LAWA A BOO SONBORE

¹² Ma á doɛ̃, kaa piã ǹ siin nə́ la yii ni, kaa sii baraan tá mɔnaa nɛ. Ka n mɛnɛɛ min peperen la. Ka n lɛ pii ǹ mànan sii, ka n nɔmaa-wɔlen sonbore bɔyɛɛ, kiri wɔ ǹ bǎã nɛ.

LAWA A BOO SONBORE 2011

¹² Ma á doɛ̃, kaa piã ǹ siin nə́ la yii ni, kaa sii baraan tá mɔnaa nɛ. Ka n mɛnɛɛ min peperen la. Ka n lɛ pii ǹ mànan sii, ka n nɔmaa-wɔlen sonbore bɔyɛɛ, kiri wɔ ǹ bǎã nɛ.

Amɔɔsi 5:12 ပူးပေါင်းရင်းမြစ်များ

Zɔbu 20:19

A giala á mɛnaa doobaan la, á n gɔn bɔ ǹ ganaa. Á ǹ kion yu, sɛnɛ, a re doe wa.

Zɔbu 31:21

Bɛ̀ má n foo doa kiri-kurulin kɛn ganaa, má n gɔn saa nɛ toen li,

Loen 127:5

Bɛ̀ min mɛn ná a koã pã ka bɛ miã kiɛn lɛn nɛ, bɛ wɔ na á bǐɛ̃ kɔ! Ta a zɔ́ɔ n boo diɛ a ganaa kiwi a kiri wɔ ǹ bǎã nɛ, sìi á re kuĩ wa.

Bɔ bɛ̀rɛbaa nɛ 23:3

Ka baran boo da ka kaa pàãwɛɛnaa lon kiri wɔ ǹ bǎã-n wa.

Bɔ bɛ̀rɛbaa nɛ 23:6

«Ka baran mɛnaa doobaa la kiri wɔ ǹ bǎã-n wa.

Suusun 17:8

Min tɛn a taasiɛ nɛ mà lɛ pii ǹ màn nə mìi kɔɔ̃nbaa lɛa asɛ ganaa. A n taasɛ mà á boe la a kiɛnlɛ tumaa bũ asɛ nɛ.

Suusun 22:22

N nyan doobaa koã a giala mà doobaa n wa. N nyan mɛnaa nɔmaa-wɔle la kiri wɔ ǹ bǎã-n wa.

Izayii 1:23

N kiãn man gòãn dii wolen lɛa. Maǹ nə n lɛ kiɛ kun ka wurumun ni. Lɛ pii ǹ mànan si n kɔɔ̃nɛ ǹ ganaa. Maǹ baa sii bɛn kio. Ǹ ba bǐɛ̃ zɛnɛɛ nɛ toen ne wa, ǹ ba lɔ giɔɔrɔ a guĩ siɛ wa.

Izayii 10:2

Bɛa yɔrɔ lɛ la, ǹ ba kiri pepere we doobaan man wa. Min mɛnɛn bɛ́ pàãwɛɛnaan lɛa maa zaman bii, maǹ pàã nyɛɛ bɛn manɛ. Maǹ lɔ giɔɔrɔn lon dudui, ǹ nə́ mɛnɛɛ nɛ toenən la.

Izayii 29:21

ǹ nə́ soɛ diɛ ǹ miãn la, ǹ nə́ kan koe kiri-kuruli ni, ǹ nə́ toɛ ǹ nə́ yii tì-a kuĩ, bɛn wɔ n die goɛ̃ ka gɛ̀ nɛ.

Izayii 33:15

Min mɛn bɛ́ sii sonbore zɛnɛɛ, a n peperebaa boo diɛ, bɛa dɛnaa a lɛ koe kakaarɛbaa ǹ màn ganaa wa, a nə n dɔ̀ɔ̃ we lɛ pii wolen manɛ, bɛ̀ ǹ tá gɛ̀ dɛ boo diɛ, a nə n too tiɛ̃. A nə n yii tiɛ̃ màn mɛn bɛ́ toɛ, a yii nyan sii baraa yɛ wa.

Izayii 47:9

A bɛ́ miɛ̃, koe màn paa kɛ n die n yii bǎã goon ne. Lɛawaa goon gɔ́ɔ̃ nɛ, n nɛnyaanan tá re bɔ̀n biɛ n nə n bɔyaa n giɔɔrɔ baa. Bɛa koen lɛn tá re die n la ka pàã nɛ, n wɔ-kũ kɛn tumaa ka n gɔn nɔɔn kɛn tumaa a re boe la ǹ nə ǹ sàabaa wa.

Izayii 5:23

Lɛ pii ǹ màn taman yii, ka n zɛ̀rɛdɛnaa toɛ walan. Sɛnɛ, ka nə n piɛ̃, ka sonbore kɔ min pepere la nɛ.

Izayii 66:18

Dɛnaa Lawa pɛ: «Ma tá ǹ zɛnaa ǹ siin laanka ǹ taasiɛ doɛ̃. Man die bɔlɔ tumaa a tɔrɔn soekɔn. Ǹ tá re die, ǹ maa gugurubaa yɛ.

Zeremii 29:23

Kɛa sii kɛ n die ǹ yii, a giala, maǹ nə́ sii bɔbɔnɛɛ zɛnaa Izirayeli gána nɛ, maǹ nə́ naarɛbaa zɛnaa ka ǹ miãn lɔn nɛ. Maǹ nə́ goã mà maǹ boo diɛ ka masɛ tɔ nɛ, sɛnɛ soɛ nɛ. A da yaa, ma màn kɔn pɛ ǹ nɛ wa. Ma tá a tumaa doɛ̃ ma tá a siére-a dɔn. Dɛnaa Lawa a da ǹ boo ne.

Busii pɛ 3:34

Bɛ̀ n tɔtɔrɔ gána goon a kòso nɛn tumaa la, Dɛnaa Lawa yii ba a ganaa wa?

Ezekieli 13:22

A giala ka n min sonbore foo ziziɛ̃ ka kaa soɛ boon kɛn lɛn nɛ. A da yaa, masɛ ba li, ma sii baraa zɛnaa min sonbore-n wa. Ka n min baraa foo taɛ̃, bɛ lɛ nɛ, a ba wusii a sii baraa zɛnaa kio, ń giɛ a yii á goɛ̃ koo wa.

Ozee 5:3

Masɛ á Efrayimu tɔrɔn kɛn doɛ̃, Izirayeli tɔrɔn kɛn sii kɔn ba durii-n masɛ ganaa wa. Efrayimu tɔrɔn, ka kɔrɔbaa zɛnaa. Izirayeli tɔrɔn, ka *gɔ̀ da ka dinin ganaa.

Amɔɔsi 2:16

Bɛa pinaa kɛ lɛ nɛ, min mɛn foo bɛ́ tã boo zia la wolen lɛn bii, bɛ á re baa sii ka a tontoro ne. Dɛnaa Lawa a da ǹ boo ne.

Amɔɔsi 2:3

Ma á re ǹ kii kɛ dii ma bɔ ǹ kiwi, ma á re a kiodɛnan kɛn tumaa dii kun ni. Dɛnaa Lawa na á pɛ miɛ̃.

Amɔɔsi 5:10

Min mɛn bɛa lɛ koe mɛnaa mala-a wa, bɛa dɛnaa tìĩ n boe ne ka nyin ni. Bɛ̀ min mɛn tá taãn pii, bɛa dɛnaa tìĩ n boe kasɛn nyin ni.

Amɔɔsi 5:7

Á ke, ká taãn-pɛ bɔyaa ká baa kɔɔsɛ, peperebaa ke, ká bɛ naa tán.

Amɔɔsi 8:4

Kasɛn mɛnɛn bɛ́ mɛnɛɛ doobaan la ka ń giɛ li mà ka nɔmaa-wɔlen dɛ ka n bɔ gána lɛ nɛ, ka n too kɔ boo kɛ li:

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Misee 7:3

Ǹ gɔn bɛ́ yui sii mɛn a zɛnaa li, baraa nɛ. Goledɛnaa a bǐɛ̃ zɛnɛɛ kooro wa, yǎa màn. Sii yɔrɔ-bɔle a sii yɔrɔ boe kooro wa, yǎa là. Min gole a boo diɛ kooro wa, yǎa a din dùũ sii. Maǹ nə́ n lɛ kiɛ kun ǹ sii baraa zɛnaa.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Nya ǹ dín 7:52

Lawa a boo gii-dali kɛ mɛn nɛ, mà ka digolon manə ǹ fuu nyaa-n wa? Minin mɛnɛn nə goã Min Pepere kɛ a daa boo diɛ, táa ka digolon lɛn nə́ bɛn dɛ ǹ nə́ gã. Sisia, ka dininmaan dɔn nə́ bɛa Min Pepere kɛ lɛ kɔ a zɔ́ɔn la ǹ ná a nyin bɔ.

Timəə dí-pɛn 16:18

Ka die ka sii yɔrɔ-bɔlen laanka zaman-lɛduə̃lin koa kaa tɔrɔn lɛn wɔ lɛa, kiwin lɛn tumaa nɛ, kaa Lawa, Dɛnaa Lawa bɛ́ re kiwin mɛnɛn koe ka la. Bɛn tá re zaman lɛ a sii yɔrɔ boe ka peperebaa nɛ.

Timəə dí-pɛn 31:21

Bɛ̀ bɔ̀n gigiã laanka nɔmaa dadaran nə́ ǹ yɛ ǹ mɛn waáraa, bɛa loe lɛ á re siére pii ǹ ganaa masɛ wɔ paǹ li. A giala, ǹ nɛnyaanan yiri a re boe ka bɛa loe lɛ a lɔ-n duduu wa. Sonbore ne, masɛ nə n lɛ kɔ ka la ka gána mɛn lɛ a sii ni, a laanɛ masɛ tɔn wo ka kaa walan bɔrɔ wa, sii mɛn a taasiɛ bɛ́ ka gɔ́ɔ̃ nɛ, ma á doɛ̃ pelo dinin gɔrɔ.

Zaaki 5:4

A da yaa, ka dí-nyalin mɛnɛn goa ka ǹ kaa kaa wuru dí ganaa, bɛn saraa ǹ giɔ̀mɔ á ka bɔlɔ-a. Bɛ lɛ nɛ ǹ tá n lɛ dii ka ganaa. Kaa *belee-kurulin lɛn lɛ-dɛ kaa Dɛnaa Lawa Pàãyiidɛnaa too ne.

Zaaki 5:6

Min mɛnɛn bɛ́ ǹ sii la wa, ka dɔlɔ da bɛn mìi ni, ka ǹ dɛ ǹ nə́ gã, ǹ zia dɔ baa ka ganaa wa.

Uruti 4:1

Boazi woo sii yɔrɔ bɔ ǹ bǎã nɛ, kiwi lɛ a kiɛnlɛ-a á giã tán walan. Á ke, Boazi goã á giĩ mɛn boo da mà Uruti a sii n doe a ganaa, bɛ daa kiɛ̃. Boazi lɛ dia la ka koee á pɛ: «Min kɛ, n zɔ̃ n dɔ, n giã tán kànaa.» Á n zɔ̃ á dɔ á giã tán.

Samayeli1 8:3

Sɛnɛ a nɛgiĩn lɛn na a tɔ wɔ ǹ gɔn saa wa. Bii kooro na á goã kɔɔ̃nɛ ǹ ganaa. Ǹ nə́ goã lɛ koe lɛ pii ǹ mànan sii, ǹ goã sii yɔrɔ boe a peperebaa li wa.