Amɔɔsi 5:1 - LAWA A BOO SONBORE

¹ Amɔɔsi tɔn pɛ: Izirayeli minin lɛn, ka n too kɔ boo kɛ li, ka n too kɔ gɛ̀ loe kɛ li, ma á loe kaa wɔ paǹ li:

LAWA A BOO SONBORE 2011

¹ Amɔɔsi tɔn pɛ: Izirayeli minin lɛn, ka n too kɔ boo kɛ li, ka n too kɔ gɛ̀ loe kɛ li, ma á loe kaa wɔ paǹ li:

Amɔɔsi 5:1 ပူးပေါင်းရင်းမြစ်များ

Zeremii 18:13

Dɛnaa Lawa n kɛ pii: Ka nɔ̀n da tɔrɔ kɔsɔ minin la: Ka bin tɔn boon kɛn miãn ma? Izirayeli zaman lɛ na á sii bɔbɔnɛɛn zɛnaa.

Zeremii 7:29

Dɛnaa Lawa pɛ: Zudaa a zaman, ń mìi ka sɔsɔrɔ kɛ kuru, n zũ, ǹ mɛn lɛ bɛ́ nyɛɛ mà maǹ nə́ n bɔ ǹ nə́ n koa ma din wɔ lɛa. Gɛ̀ loen lɔ tenten mìi kooro-an kɛn la. N miãlɛ tumaa ma foo yoo. Ma ba n li doo wa, Má n tii.

Zeremii 9:10

Man die Zeruzalɛmu biɛ kɛbɔlɔ gole lɛa, tolokan susu ǹ bǎã lɛa. Man die Zudaa kiwin bɔyɛɛ, ma ǹ baa kɛbɔlɔ lɛa, min ná a giã a-n doɛ̃ wa.

Zeremii 9:17

Ǹ foo busu ǹ loe lɔ wɔ la fufuu! Wɔ yii mu pã, a kaa suuu.

Zeremii 9:20

«Gɛ̀ n we ka wɔa fenɛtərə ne, a n we wɔa kion sonboren kɛn nɛ, a n nɛnyaanan dii ziin la, a nɛ tenən dɛ bǎã dadaran nɛ.»

Zeremii 9:9

Kelen mìi ni, man wuu pii, má n gini. Man gɛ̀ loe loe gána lɛ a tɔɔn lɛduə̃ ǹ bǎã nɛ. A giala, tɛ ná a tumaa kũ. Min kɔn ba boe walan wa. Tɔɔn bìn diɛ á boe walan doo wa. Ǹ tumaa sasawaa, bàanan nɛ ka tɔɔ gialakunun tumaa nɛ, ǹ goon din banban.

Ezekieli 19:1

Dɛnaa Lawa tɔ́n pɛ ma nɛ mà ma foo ziziɛ̃ ǹ loe kɛ lɔ Izirayeli minin nyɛɛnaandɛnan kɛn wɔ paǹ li:

Ezekieli 19:14

Tɛ soo da lɛ gùrùn ni, a ná a gùrùn laanka a nɛ kũ. Gùrù dadaran ba rezɛ̃ da lɛ ganaa doo wa, kiin kiibaa ǹ bàlà a yii a ganaa doo wa. Kɛa loe kɛ n siĩni a n lɔ foo ziziɛ̃ ǹ loe lɛa.

Ezekieli 26:17

Ǹ tá re gɛ̀ loe loe n la, ǹ kɛ pɛ n wɔ paǹ li: Yìsi mu lɛ-a minin kiwi lɛ, kiwi sonbore lɛ, a na á saa lɔn ń papaã? N laanka n minin pàã na á goã ka yìsi mu kɛ nɛ, Ma nə n goã nyɛ́ɛ diɛ min tumaa ganaa.

Ezekieli 27:2

Minbuiin a nɛ, gɛ̀ loe lɔ Tiiri kiwi kɛ la.

Ezekieli 28:12

«Minbuiin a nɛ, foo ziziɛ̃ ǹ loe lɔ Tiiri kiwi lɛ la. N pɛ ǹ nɛ, mà masɛ Dɛnaa Lawa n kɛ pii: Nsɛ lɛ a sii tumaa lɛ na á goã piɛ̃ nɛ, n sii-doɛ̃ ke, bɛ dɔ kɔn, n siĩnbaa kɛ dɔ lɛ pã.

Ezekieli 32:16

«Foo ziziɛ̃ ǹ loe lɛ n ka bɛ nɛ, a n die n loe, là-paparɛɛ taman yii. Tɔrɔn lɔn die ǹ lɔ, ǹ bɛa foo ziziɛ̃ ǹ loe lɛ lɔ Ezipti gána laanka a zaman tumaa la. Ma din Dɛnaa Lawa a da ǹ boo ne.»

Ezekieli 32:2

«Minbuiin a nɛ, foo ziziɛ̃ ǹ loe lɔ Eziptin kii *Faarahɔn la, n pɛ: Ma nə́ n goã ka yàra ten bɛ́ lɔn tɔrɔn bii, ma nə́ n goã ka mu li ǹ màn babaraa bɛ́ lɔn mu gole li. Ma nə́ n goã n doe n tàn kɛn mu li, bɛ̀ n nə ǹ mu yii lɔlɔkɔn ka n gòãn nɛ, bɛ̀ n nə ǹ mu yii gɔgɔrɛ kɔ.

Amɔɔsi 3:1

Izirayeli minin lɛn, ka n too kɔ Dɛnaa Lawa kasɛn sɔmɔ lɛ a minin mɛnɛn waa, á ǹ bɔ Ezipti gána nɛ, a na á boo kɛ da ka dinin wɔ paǹ li, á pɛ kɛnɛn:

Amɔɔsi 4:1

Amɔɔsi tɔn pɛ: Kasɛn Samarii lɔn kɛn, ka n too kɔ, ka bɛ́ kasiɛ̃ nɛ ka Basan kiwi a dii daanan kɛn bɛ́ lɔn, buu soɛ̃ a kelen la, ka n mɛnɛɛ nɔmaa-wɔlen la. Ka n boe doobaan yii ni, ka n kɛ pii ka zuũn manɛ: «Ka da nɛ wɔ mi».

Amɔɔsi 5:16

Bɛ lɛ nɛ, Dɛnaa Lawa Pàãyiidɛnaa lɛ n kɛ pii: Zaman paã ǹ bǎã tumaa nɛ, minin tá re gɛ̀ loe loe. Kiɛ̃ ǹ ziin tumaa la, minin tá re n lɛ didi: Má sàabaa wooo, má sàabaa! Ǹ tá re woe lɛ diɛ min la wuru-n, mà a da gɛ̀ wuu pɛ. Ǹ tá re woe gɛ̀ wuu-pɛlen bíi, mà ǹ da loe lɔ gere la.

Amɔɔsi 8:14

Min mɛnɛn bɛ́ n liɛ ka Samarii kiwi a dì kɛ tɔ nɛ, ǹ mɛnɛn bɛ́ pii mà Dan tɔrɔn dì kɛ yii die a goã koo, ǹ mɛnɛn bɛ́ mà Bɛɛr-Sebaa a wùlu-bɔ kɛ a sii die a goã a gòãn la miɛ̃, bɛn tá re boe ǹ kaa, ǹ nə́ ǹ ba re boe la ǹ yoo doo duduu wa.

Misee 2:4

Bɛa pinaa kɛ lɛ nɛ, minin tá re suusu diɛ ka ganaa, ǹ tá re wuu pii ǹ gù wɔ ka la ǹ pɛ: «Wɔsɛn nə́ ziziɛ̃ lenlen, á ke, á ma tɔrɔn lɛn bǎã si ǹ la, á kɔ min kɔsɔn la. Kɛ mìi n ka wàa nɛ? Ǹ nə́ ke wɔa wurun gii piã-wɔlen manɛ!»