Amɔɔsi 4:13 - LAWA A BOO SONBORE

¹³ Ga le, a din na á kelen zɛnaa, a din nə piɛ̃ diɛ bɔ ganaa, a din na a taasiɛ nyɛɛ minbuiinin manɛ, a din nə wɔlɔ fúlu bɔyɛɛ a baa wɔlɔ tì lɛa, a din nə tɔ we kanaa a kele dadaran kɛn mìi ni kiɛ̃. A tɔ mà Dɛnaa Lawa, Lawa Pàãyiidɛnaa.

LAWA A BOO SONBORE 2011

¹³ Ga le, a din na á kelen zɛnaa, a din nə piɛ̃ diɛ bɔ ganaa, a din na a taasiɛ nyɛɛ minbuiinin manɛ, a din nə wɔlɔ fúlu bɔyɛɛ a baa wɔlɔ tì lɛa, a din nə tɔ we kanaa a kele dadaran kɛn mìi ni kiɛ̃. A tɔ mà Dɛnaa Lawa, Lawa Pàãyiidɛnaa.

Amɔɔsi 4:13 ပူးပေါင်းရင်းမြစ်များ

Zɔbu 9:7

A n boo diɛ ka wasa nɛ, a boe wa, a n leeren lɛ tiɛ̃, ǹ ba soe wa.

Loen 135:7

A din nə labaran goɛ lon kanaa gùrù goon ganaa, a la da tɛ-pɛ ganaa, màn mɛn bɛ́ toɛ la kaa. A din nə piɛ̃ boe a bǎã nɛ, a da bɔ ganaa.

Loen 139:2

N tá maa waa tán laanka maa yoo doɛ̃. N din nə n toɛ sɔsɔɔ n tá maa taasiɛ doɛ̃.

Loen 147:18

Sɛnɛ, bɛ̀ Dɛnaa Lawa boo da, kɛ tumaa n yoe. Bɛ̀ á piɛ̃ bɔ, a tumaa n mu biɛ.

Loen 65:6

Wɔ kirisibaali Lawa, n ba wusii n boo kio wa, ma n wɔa nyankɔn lɛ sii ka sii dadaran nɛ, nsɛ mɛn bɛ́ kanaa gùrù tumaa a minin nə́ n foo doɛ n ganaa, ka mu bii a gána sɔsɔɔn kɛn dɔn minin ni.

Bɔ bɛ̀rɛbaa nɛ 10:22

Muizu nə́ n gɔn saa lon. Lɛawaa sɔɔ gɔ́ɔ̃ nɛ, wɔlɔ tii ka biribiri Ezipti gána lɛ paǹ tumaa ganaa.

Bɔ bɛ̀rɛbaa nɛ 14:20

Bɛa bara lɛ wɔ Ezipti minin lɛn laanka Izirayeli nɛnyaanan bii ni. Bara lɛ na á goã, a n wɔlɔ fúli paǹ goon, bɛ̀ tèlò a wɔlɔ tì tá paǹ kɔsɔ kɛ li. Tèlò lɛ tumaa gɔ́ɔ̃ nɛ, ǹ nə n mɔrɔ kɔn wa.

Izayii 40:12

Die bin na á yìsi mu zɔɔ̃ a gɔn tìsì bii? Die bin na á lon a golebaa zɔɔ̃ ka a gòon yii ni? Die bin na á tán a gusuũ zɔɔ̃ ka sóo ne? Die bin na á kelen gugurubaa zɔɔ̃, á tentenen gugurubaa zɔɔ̃ ka kilo ne?

Izayii 45:7

Man wɔlɔ fúlu koɛ, ma wɔlɔ tì zɛnaa. Man là nyantoro zɛnɛɛ, ma koe dɔ zɛnaa. Hiĩ, ma din Dɛnaa Lawa n bɛ tumaa zɛnɛɛ.

Izayii 47:4

Min mɛn bɛ́ wɔ si sii la wole lɛa, a tɔ n "Dɛnaa Lawa Pàãyiidɛnaa". Izirayeli a Lawa sonbore ne.

Izayii 48:2

A da yaa, ka nə n dinin bíi "kiwi sonbore a minin". Ka nə n doɛ Izirayeli a Lawa ganaa, asɛ mɛn tɔ bɛ́ Lawa Pàãyiidɛnaa.

Izayii 5:30

A da yaa, ǹ kɔn pinaa, yìsi mu á ke gini lɔn, ginii wuu n die boe tɔrɔ kɛ ganaa miɛ̃. Bɛ̀ ń giɛ gána lɛ ganaa, á ke, tèlò laanka koe n die n koe lɛ. Labara dadaran tá re n koe lɛawaa a wɔlɔ fúlu lɛ.

Zeremii 10:13

Bɛ̀ á gini, mu pìãn manə n soekɔn lon. A n labaran soekɔn tán lɛ dan ganaa. A n la diɛ tɛ pɛ ganaa màn mɛn bɛ́ toɛ la kaa. A n piɛ̃ boe a duru ǹ bǎãn nɛ a soo ne.

Zeremii 10:16

Sɛnɛ, kanaa tumaa a zɛnaali ke, Zakɔba wɔ gii lɛa, bɛ ba ka ǹ bɛ́ lɔn wa. A wɔ n ka Izirayeli tɔrɔn nɛ. A tɔ n "Dɛnaa Lawa Pàãyiidɛnaa".

Zeremii 13:16

A laan bɛ̀ a n tèlò diɛ kɔ ganaa, bɛ̀ ka n gòã na kɔlɔ ganaa kele mìi ni, ka gugurubaa da Dɛnaa Lawa, kaa Lawa tɔ la. Ka nə n yii diɛ penleen la, sɛnɛ Dɛnaa Lawa n bɔyɛɛ a baa wɔlɔ tì biribiri lɛa, a n furuməə gole koe lɛ.

Zeremii 46:18

Kii mɛn bɛ́ a tɔ n Dɛnaa Lawa Pàãyiidɛnaa, bɛa da ǹ boo á ke: «A ma toa ma yii n koo, zɔ́ɔ lɛ á re die. Sàabaa ba la wa ka Tabɔɔrɔ a kele kɛ bɛ́ lɔn kelen bii, ka Karmɛli kele kɛ bɛ́ lɔn yìsi mu lalan.»

Zeremii 51:16

Bɛ̀ á gini, mu pìãn manə n soekɔn lon. A n labaran soekɔn tán lɛ dan ganaa. A n la diɛ tɛ pɛ ganaa màn mɛn bɛ́ toɛ la kaa. A n piɛ̃ boe a duru ǹ bǎãn nɛ a soo ne.

Zeremii 51:19

Sɛnɛ, Zakɔba a naforo ke, bɛ ba ka ǹ bɛ́ lɔn wa. Asɛ n kanaa tumaa a zɛnaali lɛa. A wɔ n ka Izirayeli tɔrɔn nɛ. A tɔ n: "Dɛnaa Lawa Pàãyiidɛnaa".

Ozee 12:6

«Dɛnaa Lawa, Dɛnaa Lawa Pàãyiidɛnaa,» a tɔ n Dɛnaa Lawa.

Zowɛli 2:2

A pinaa n die wɔlɔ tì biribiri biɛ, min yii a die wɔlɔ yii wa. A n die goɛ̃ wɔlɔ tì lɛa. Á ke tɔrɔ kɔsɔn nə́ kɔn paã ǹ nə́ die. Ka tèlò bɛ́ lɔn, maǹ gigiã, kakaarɛ, ka bisin bɛ́ lɔn. Kɛ miã bin tɔn nə n zɛnaa wa, ǹ miã dɔ din ba re n zɛnɛɛ doo wa.

Amɔɔsi 3:13

Pàã tumaa a Dɛnaa Lawa na á kɛ pɛ: Ka n too kɔ, ka kɛ pɛ Zakɔba tɔrɔn lɛn manɛ.

Amɔɔsi 5:27

Bɛ lɛ nɛ, ma bɛ́ re woe ka nɛ bɛ̀rɛbaa ǹ bǎã mɛn nɛ, ka á re Damaasi kiwi kɛ niɛ̃. Dɛnaa Lawa n bɛ lɛ pii. A tɔ mà Lawa Pàãyiidɛnaa.

Amɔɔsi 5:8

A din na á leeren kɛn zɛnaa, bɛ̀rɛ-sãlin laanka sɔ̀ nɛ. A din nə tèlò bɔyɛɛ a baa baayɛlɛ lɛa, a baayɛlɛ bɔyaa a baa tèlò lɛa. A n yìsi mu bíi bɛ̀ a sɔkɔn, a tɔn bɛ kaa tán la. A tɔ mà Dɛnaa Lawa.

Amɔɔsi 6:8

Dɛnaa Lawa Pàãyiidɛnaa nə́ n liɛ ka a din tɔ nɛ á pɛ kɛnɛn: Zakɔba tɔrɔn kɛn din gole kɔ kɛ tìĩ bɔ ma nyin ni, ǹ kion sonboren kɛn sii goon ba ma-a wa. Ma á re kiwi lɛ we a zɔ́ɔn gɔn, kɔnlɛ ka a gɔ́ɔ̃gɔɔ̃ ǹ mànan tumaa nɛ.

Amɔɔsi 8:9

Dɛnaa Lawa wusoo á pɛ kɛnɛn: Bɛa pinaa kɛ lɛ nɛ, ma á re wasa diɛ yii-sã ganaa penleen tiɛɛ̃n nɛ. Ma á re wɔlɔ tii tán la wasa yii ni.

Amɔɔsi 9:6

Min mɛn a giã ǹ bǎã á ke lon, asɛ mɛn bɛ́ á lon zɛnaa á kɔ tán lɛ, yìsi mu bíi bɛ̀ a kaa tán la, a tɔ mà Dɛnaa Lawa.

Misee 1:3

Haya, Dɛnaa Lawa á ke soe a giã ǹ bǎã nɛ! Á ke die gisĩ, a n tɔ we kele sɔsɔrɔn la, die gisĩ tán.

Abakuku 3:19

Dɛnaa Lawa n ma pàã lɛa. Á ma gù kaa ka yuùn bɛ́ lɔn. A n toɛ ma á tɔ woe kelen mìi ni. Ǹ loe mɛn lɔ LOE-saalin goledɛnaa wɔ lɛa, ǹ nə́ da zii ka loe lɔ ǹ mànan nɛ, biɛn nə́ ǹ ganaa.

Zakarii 12:1

Dɛnaa Lawa a da ǹ boo á ke Izirayeli a paǹ li, asɛ mɛn nə lon lɛ bɔ, a ná a gòã daa, á fɔfoã kɔ minbuiin nɛ la, a da ǹ boo á ke:

Matiə 9:4

Yezu nə́ ǹ taasiɛ dɔ̃, á pɛ ǹ nɛ: – Wàa na á baa ka tá bɛa taasiɛ naarɛn kɛn we?

Zaã a sɛ́wɔ 2:25

a laadoo din ba a ganaa mà min siére pɛ asɛ nɛ minbuiin nɛ wɔ gɔn la wa; taasiɛ mɛn bɛ́ minbuiin nɛ gɔ́ɔ̃ nɛ, asɛ á doɛ̃.

Zaã a sɛ́wɔ 3:8

Bǎã mɛn bɛ́ kɔɔ̃n piɛ̃ ganaa, a n boe a wo walan. Min na á wuu miɛ, sɛnɛ a bɛ́ boe maa, a n woe maa, min ba bɛ doɛ̃ wa. Bɛ̀ min mɛn yɛ ka Yiri Fu pàã nɛ, a n miɛ̃; Lawa a nya ǹ dí ni, minbuiin nɛ a boe la a na a giala ma wa.»

Timəə dí-pɛn 32:13

Á giã ǹ bǎã kɔ ǹ la kele yii ni, ǹ nə́ wuru bɔ, ǹ nə́ màn yɛ ǹ nə́ bii. Á zoo bɔ kele yala-n á kɔ ǹ la ǹ nə́ bii, á *olivie dan kaa bɔ ganaa pára kaka la.

Timəə dí-pɛn 33:29

Izirayeli minin, kasɛn wɔ bǐɛ̃ kɔ! Dɛnaa Lawa na á tɔrɔ kɔsɔ mɛn kirisibaa ka kasɛn kɛn bɛ́ lɔn? A din nə goóro lɛa ka tamaɛ, a din dɔ n gɔya sa lɛa, pàã koe ka la. Kaa zɔ́ɔn tá re ka bebele ka yɔrɔ yii ni, sɛnɛ, kasɛn tá re tɔ we ǹ dɔ̀ɔ̃ la.»