Amɔɔsi 4:12 - LAWA A BOO SONBORE

¹² Bɛ lɛ na á toa, Izirayeli minin lɛn, ka sii mɛn zɛnaa, man die a dɔlɔ boe ka ganaa. A bɛ́ miɛ̃, Izirayeli minin lɛn, ma din bɛ́ n kaa Lawa lɛa, ka n yɔrɔ bɔ, ka da n da kaa Lawa lɛ.

LAWA A BOO SONBORE 2011

¹² Bɛ lɛ na á toa, Izirayeli minin lɛn, ka sii mɛn zɛnaa, man die a dɔlɔ boe ka ganaa. A bɛ́ miɛ̃, Izirayeli minin lɛn, ma din bɛ́ n kaa Lawa lɛa, ka n yɔrɔ bɔ, ka da n da kaa Lawa lɛ.

Amɔɔsi 4:12 ပူးပေါင်းရင်းမြစ်များ

Izayii 32:11

Lɔ din narɛɛ wolen lɛn, ka gɔ̀nɔn tá re bìn diɛ, kasɛn mɛnɛn bɛ́ n dinin koɛ ka yɔrɔ á re kɔsɛ! Ka n sɔlɔ, ka n gɔ̀nɔn kooro da, ka gɛ̀ koa ǹ mɔnaan wɔ.

Izayii 47:3

Minin tá re n tontoro yii. Màn mɛn bɛ́ sìi diɛ n ganaa, ǹ tá re bɛ yii. Man die gɛ̀ dòo boe. Min kɔn dɔ a boe la a ma kurəə a ganaa wa.

Izayii 64:2

Ń sii kakan zɛnaa. Ń gisĩ, kelen nə bìn da n nyɛɛnɛ.

Zeremii 5:22

Ka a ma guguru koe wa? Ka a nyɛ́ɛ biɛ ma-n wa? Dɛnaa Lawa a da ǹ boo ne. Ma din ni má nyɔɔsɔ̃ kaa tán yìsi mu gole lɛdan lɛa yǎa duduu, sɛnɛ a ba a la boe ǹ kɔn pinaa wa. A mu á boe la a yoo, sɛnɛ pàã n nyaabiɛ a ganaa. Á boe la a gini, sɛnɛ a ba re a la boe wa.

Ezekieli 13:5

Kungɔn lɛ a yalan mɛnɛn bɛ́ ǹ tan, ǹ bɛn tã wa, ǹ kungɔn dɔ ǹ nə́ Izirayeli tɔrɔn lɛn lɛnpɛnɛ nɛ wa, màn mɛn bɛ́ toɛ, ka n gòãn doa Dɛnaa Lawa a foo-yoo pinaa kɛ-n wa.

Ezekieli 22:30

Má ga min li ǹ bii, min mɛn bɛ́ re boe la a kungɔn dɔ a kiwi lɛ lɛnpɛnɛ nɛ, hinlaa a golee kungɔn lɛ a yala koo bǎã kɛ nɛ ma nyɛɛnɛ, gána lɛ a lɛa, màn mɛn bɛ́ toɛ ma baran gána lɛ yu wa. Sɛnɛ, ma min goon din yɛ wa.

Ozee 13:8

Ma á re ka kuĩ ka gòon màn babaraa nɛn dan bɛ́ lɔn ǹ ná a nɛ si la, ma á re ka tìãbii toɛ̃ kɔn. Man die ka soɛ̃ ka yàra nɛn dan bɛ́ lɔn, don mànan tá re ka geren wɔ̃woɛ̃ kɔn.

Amɔɔsi 2:14

Ma á boe baa la, bɛa re n boe a-n wa, pàã tá ma lon, bɛa là á re yii n na-a wa, maa boe zia la, bɛa re n nyin sii wa.

Matiə 24:44

Bɛ lɛ taman yii, ka dɔn nə n yii dɔraa, a giala, ka yiri bɛ́ a ba biikoo mɛn li wa, Min a Nɛgiĩ n die die bɛa biikoo lɛ li.

Matiə 5:25

Bɛ̀ min nə n bíi kiri ganaa, bɛ̀ kaa zii la kun woe kiri wɔ ǹ bǎã nɛ, n nanaa n nə n lɛ kaa kun ka ǹ dɛnaa nɛ, màn mɛn bɛ́ toɛ, a baran n kɔ kiri-kuruli la, bɛ dɔ yaa n koe pàãdɛnan la ǹ nə ǹ da kòso-n wa.

Sii-nyaan 3:3

N Boo Tii Kɔɔ̃n mɛn ma, a si ka we ne, n nə n yiri koa bɛ li. N foo doa a ganaa, n wusoo n sii baraan kio. Bɛ̀ n nə n gù kaa wa, n ba re maa daa biikoo doɛ̃ wa, ma á re die n tɔwɛɛ tán ka wurumu wɔ bɛ́ lɔn.