Amɔɔsi 4:1 - LAWA A BOO SONBORE

¹ Amɔɔsi tɔn pɛ: Kasɛn Samarii lɔn kɛn, ka n too kɔ, ka bɛ́ kasiɛ̃ nɛ ka Basan kiwi a dii daanan kɛn bɛ́ lɔn, buu soɛ̃ a kelen la, ka n mɛnɛɛ nɔmaa-wɔlen la. Ka n boe doobaan yii ni, ka n kɛ pii ka zuũn manɛ: «Ka da nɛ wɔ mi».

LAWA A BOO SONBORE 2011

¹ Amɔɔsi tɔn pɛ: Kasɛn Samarii lɔn kɛn, ka n too kɔ, ka bɛ́ kasiɛ̃ nɛ ka Basan kiwi a dii daanan kɛn bɛ́ lɔn, buu soɛ̃ a kelen la, ka n mɛnɛɛ nɔmaa-wɔlen la. Ka n boe doobaan yii ni, ka n kɛ pii ka zuũn manɛ: «Ka da nɛ wɔ mi».

Amɔɔsi 4:1 ပူးပေါင်းရင်းမြစ်များ

Kiin1 16:24

Bɛ kio á Samarii kele kɛ pii giĩ goon lon wɔrɔ we duu sɔrɔ (6 000), bɛa giĩ lɛ tɔ n Semɛɛrɛ. Á kungɔn dɔ kele lɛ ganaa, a kiwi mɛn giala wɔ kele lɛ la, a ná a tɔ kɔ mà Samarii. A na á bɛa tɔ lɛ zɔɔ̃ kele lɛ a dɛnaa Semɛɛrɛ tɔ li á tɔ́n kɔ.

Zɔbu 20:19

A giala á mɛnaa doobaan la, á n gɔn bɔ ǹ ganaa. Á ǹ kion yu, sɛnɛ, a re doe wa.

Zɔbu 24:4

Maǹ nɔmaa-wɔlen lui ǹ boe zii la, gána lɛ a doobaan tumaa, yǎa bɛn nə n duri.

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 140:12

Lɛwɔn babaraadɛnan kɛn doamaa bie ǹ giã gána lɛ-n wa. Min baraa mɛn bɛ́ kakaarɛbaa ǹ sii zɛnɛɛ, ka loo ka bɔ gána lɛ nɛ, ka nyan makara bɔ a-a wa.

Loen 22:12

N nyan nə n wɔlɔ lui ma ganaa wa. A giala, biikoo baraa diri. Á ke, dɔmalɛ wole dɔ ba ma lon wa.

Suusun 22:7

Pàãma pàã la doobaa wɔ nɛ. Giɔ̀mɔdɛnaa n giɔ̀mɔ-dali lɛ a kòso nɛ lɛa.

Boo-laakalaali 4:1

Bɛ kio, bɔ kɔn yii ni ǹ siin mɛnɛn bɛ́ n zɛnɛɛ kanaa kɛ nɛ, má wusoo má n yii wɔ bɛn nɛ, má ga ǹ ganaa. Sɛnɛ á ke, ǹ bɛ́ boe min mɛnɛn yii ni, bɛn maǹ wuu pii, ǹ lɛ tã wole banban wa. Min mɛnɛn lɛn bɛ́ boe ǹ yii ni, pàã lɛ n bɛn lon, kɛn lɛ tã wole banban wa.

Boo-laakalaali 5:8

Tán a là nə ǹ dinin tumaa ganaa. Tán dí n kii pàã lɛa.

Izayii 28:1

Wàa koe-n ka kɛ nɛ Samarii ganaa! Efrayimu a yɔ-milin man nə n dinin koɛ kiwi k a lɛa. Ǹ dinin yii li a n ka kii bafolo bɛ́ lɔn tenten mìi ni nyankɔrɔ basa sonbore kɛ nɛ. Sɛnɛ, ka da buũ gere bɛ́ lɔn yɔ-milin mìi ni, kiwi lɛ dɔ n die n biɛ miɛ̃.

Izayii 5:8

Kaa wɔ n ka bɔ̀n nɛ kasɛn mɛnɛn bɛ́ kion sii ka da ǹ miã li. Ka wuru si ka da ǹ miã li. Ka bǎã tumaa si ka n kɔ lɛ, yǎa ka dininsɔɔ̃nɔn nə goɛ̃ gána lɛ nɛ!

Izayii 56:12

Maǹ pii: «Ka daa wɔ n tan wɔ ga duvɛ̃ li, wɔ yɔ kakaarɛn mi a wɔ yii kũ. Biɛ̃ ǹ nə die goɛ̃ ka pelo ǹ bɛ́ lɔn: Duvɛ̃ gigiã goã.»

Izayii 58:6

Lɛ sɔɔ mɛn bɛ́ kɔɔ̃n ma ganaa, á ke: Ǹ mɛnaa min mɛnɛn la, ka bɛn si ka ǹ kaa. Zǔu mɛn bɛ ǹ wìi li, ka bɛ bɔ ka bɔ ǹ ganaa. Ǹ bɛ́ min mɛnɛn nɔmɛɛ, ka bɛn si ka ǹ kaa. Sii mɛn tumaa bɛ́ ǹ biɛ bɛ̀rɛn lɛa, ka bɛ yii sàabaa.

Zeremii 50:11

Ka n nyɛnyɛɛ ka bɛ̀ baa ka foo kɔɔ̃n nɛ, kasɛn mɛnɛn nə maa kíɛ̃ lɛ ziziɛ̃. Ka paparɛ ka dii nɛ ten bɛ́ lɔn, buu sɔ̃ ǹ bǎã nɛ. Ka lɛ baa ka sùin wɔ bɛ́ lɔn!

Zeremii 50:27

Ka a sɔraasi sonboren tumaa dɛ, ka wo ǹ ne ǹ bɔlɔ kuru ǹ bǎã nɛ! Ǹ wɔ n ka bɔ̀n nɛ, a giala ǹ dɔlɔ bɔ biikoo na á dɔ.

Zeremii 51:34

Baabiloniin kii Nebukadenezɔɔrɔ ma ziziɛ̃ lenlen, á n la bɔ ma ganaa ka tasa gɔ́ɔ̃ kooro bɛ́ lɔn. Á ma mui ka mu li ǹ màn babaraa kɛ bɛ́ lɔn. Ma gɔn màn giɔ̀mɔ kakan kɛn, á n nɔ̀ kã ka bɛn nɛ. Bɛ kio, á ma loo.

Zeremii 6:6

Dɛnaa Lawa Pàãyiidɛnaa a da ǹ boo á ke: «Ka dan kuru, ka ziabaa ǹ kungɔn dɔ Zeruzalɛmu ganaa.» Kiwi mɛn doamaa bɛ-n ka dɔlɔ nɛ, asɛ mɛn a sii tumaa bɛ́ ka kakaarɛbaa nɛ.

Zeremii 7:6

Ka nyan mɛnaa tiin la, nɛ toenən ne ka lɔ giɔɔrɔn nɛ wa. Ka nyan yii tì-a mà kaa wa. Ka nyan kɔ lawa kɔsɔn lɛ wa, ǹ mɛnɛn lɛn bɛ́ koe boe ka-a.

Ezekieli 18:12

A n mɛnɛɛ nɔmaa wolen laanka doobaan la, á n wurumu biɛ, a giɔ̀mɔ lɛ koa ǹ màn koe wa. A n dìn guguru koe, á n sii bɔbɔnɛɛ zɛnɛɛ.

Ezekieli 22:12

N kiwi kɛ nɛ Zeruzalɛmu, minin man lɛ koe ǹ lɛ pii ǹ màn si, ǹ gɛ̀ dɛ. Maǹ giɔ̀mɔ diɛ ǹ nə́ giɛ là babaraa li, maǹ mɛnɛɛ ǹ miãn la, ǹ nə́ giɛ màn li. Sɛnɛ, ǹ yiri n boe ka ma dinmaa kɛ nɛ! Ma din Dɛnaa Lawa a da ǹ boo ne.

Ezekieli 22:27

Kiwi lɛ a nyɛɛnaandɛnan man ka don ginin bɛ́ lɔn siĩ soɛ̃. Ǹ yɔrɔ boemaa nɛ gɛ̀-dɛ taman yii, maǹ minin dii, ǹ nə́ giɛ pàãmaabaa li.

Ezekieli 22:29

Gána lɛ a minin man kakaarɛbaa ǹ sii zɛnɛɛ, ǹ nə́ wurumu dɔ biɛ. Maǹ boe nɔmaa wolen laanka doobaan yii ni, maǹ mɛnɛɛ gùli la, haalɛ ta sonbore na a lon.

Ezekieli 22:7

Maǹ díi laanka náa puusə koe n piɛ Zeruzalɛmu. Maǹ mɛnɛɛ tiin la kiwi lɛ nɛ, ǹ nə́ boe nɛ-toenən laanka lɔ giɔɔrɔn yii ni.

Ezekieli 34:16

Bɛ̀ tɔɔ lɛ mɛn papaã, ma á re woe giɛ li, bɛ̀ ǹ mɛn nə́ n na, ma á re woe lui ma da nɛ. Bɛ̀ ǹ mɛn gòã yiɛ, ma á re màn yii a ganaa, bɛ̀ ǹ mɛn ba lon wa, ma á re dagòã boe ne. Sɛnɛ, ǹ mɛn bɛ́ kasiɛ̃ nɛ, pàã ná a lon, ma á re bɛ dii ma bɔ ǹ bii. Ma á re maa tɔɔn lɛn nyɛɛnaan boe ka peperebaa nɛ.»

Ezekieli 39:18

Ǹ tá re sɛ̀mɔɔn kɛn siĩ soɛ̃, ǹ kanaa a nyɛɛnaandɛnan kɛn mà mi. Maǹ die goɛ̃ ka sère gɔ̀lɔ̀n bɛ́ lɔn, sère tenən ne, butumun laanka dii gɔ̀lɔ̀n nɛ, ǹ tumaa n ka Basan a tɔɔ nyɔɔnaan kɛn bɛ́ lɔn, bɛ̀ ǹ wúlu bɔ ǹ nɛ.

Zowɛli 3:3

Ma á re kaãbaa ǹ siin zɛnɛɛ lon, ma á re ǹ zɛnɛɛ tán. Minin tá re mà yii, ka tɛ nɛ, ka tɛmaa bara nɛ.

Amɔɔsi 3:1

Izirayeli minin lɛn, ka n too kɔ Dɛnaa Lawa kasɛn sɔmɔ lɛ a minin mɛnɛn waa, á ǹ bɔ Ezipti gána nɛ, a na á boo kɛ da ka dinin wɔ paǹ li, á pɛ kɛnɛn:

Amɔɔsi 3:3

Bɛ̀ ń min paa yaa koɛ kun, maǹ nə́ kɔn wɔ ma.

Amɔɔsi 5:11

Á ke, ka n mɛnɛɛ doobaan la, bɛ̀ ǹ nə́ dí nya don ǹ nə́ màn mɛn yɛ, ka n bɛ kuĩ sii ǹ la ka pàã nɛ. Bɛ lɛ na á toa, ka kionən mɛnɛn dɔ ka kɔlɔ sonboren ne, ka á re giɛ̃ ǹ nɛ wa. Ka *rezɛ̃ da tɔrɔ sonboren mɛnɛn zumu, ka a re ǹ duvɛ̃ mii wa.

Amɔɔsi 6:1

Amɔɔsi tɔn pɛ: Kasɛn mɛnɛn bɛ́ giã-n *Siɔn, yii-nyɛɛ la, kasɛn mɛnɛn bɛ́ là nyantoro gɔ́ɔ̃ nɛ, Samarii kele kɛ la, bɔ̀n na á ka yɛ. Ka dinin lɛn man tɔrɔn tumaa a nyɛɛnaandɛnan goledɛnan lɛa. E, Izirayeli tɔrɔn man baa sii die kasɛn kɛn lɛn miãn li!

Amɔɔsi 6:6

Ka n duvɛ̃ kɛ mii màn dadaran nɛ, ka n nyɔɔ gìĩ kɔɔ̃n kɛ loe, sɛnɛ, sii mɛn bɛ́ re Zozɛfu tɔrɔn kɛn yii, bɛa taasiɛ diɛ ka ganaa wa.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Minin nimi 21:33

Izirayeli minin lɛn nə́ wusoo, ǹ nə́ n yɔrɔ dia paǹ kɔsɔ li, ǹ nə́ Basan zii kɛ saa ǹ nə́ woo. Basan gána a kii Ɔgu laanka a minin tumaa tɔ́n soo, ǹ nə́ woo wɔ ǹ lɛ, màn mɛn bɛ́ toɛ ǹ zia da ǹ ganaa Edreyii kiwi.

Timəə dí-pɛn 24:14

Ka nyan toa ka bɔ dí-nyali yii ni, a nɔmaa laanka a doobaabaa taman yii wa. Ta ka dinin miã Izirayeli min ni, hinlaa ta gùli ni, giã-n kaa gána lɛ a kiwi kɔn nɛ.

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.