Amɔɔsi 3:13 - LAWA A BOO SONBORE

¹³ Pàã tumaa a Dɛnaa Lawa na á kɛ pɛ: Ka n too kɔ, ka kɛ pɛ Zakɔba tɔrɔn lɛn manɛ.

LAWA A BOO SONBORE 2011

¹³ Pàã tumaa a Dɛnaa Lawa na á kɛ pɛ: Ka n too kɔ, ka kɛ pɛ Zakɔba tɔrɔn lɛn manɛ.

Amɔɔsi 3:13 ပူးပေါင်းရင်းမြစ်များ

Kiin2 17:13

Dɛnaa Lawa goã á n gɔn waa Izirayeli gána laanka Zudaa gána nɛ. A na á goã a ná a boo gii-dalin tumaa laanka sii-nyaalin tumaa kaa bɛa gɔn waa ǹ boo lɛ a diɛ ganaa kɛnɛn: «Ka wusoo kaa tɔ wɔ ǹ gɔn babaraan kɛn kio, ka masɛ a gɔn waa ǹ boon laanka maa landa boon kɛn tamaa a kɔnpɛ ka dí-pɛn sɛ́wɔ kɛa boo tumaa nɛ. Man má bɛa dí-pɛn boon lɛn kiɛ̃, má ǹ kɔ ka digolon la. Maa dí-nyalin kɛn maa boo gii diɛ, man má kɔ bɛn la, máa ǹ pɛ ka dɔn manɛ.»

Kiin2 17:15

Ǹ ná a landa boon lɛn toa walan ka lɛ kɔ kɔn la boon kɛn dɔ nɛ, á doa kɔn ka ǹ digolon ne. A ǹ yiri gisĩ ka siin mɛnɛn nɛ, ǹ zɛnaa boo n kaka a gɔn, ǹ nə́ bɛn dɔn toa walan. Maǹ nə́ baa si màn kokooron kio, á ke ǹ dɔn nə́ màn kooron baa. Gánan mɛnɛn nə ǹ lɛnpɛnɛ, maǹ nə́ bɛn sii zɛnaa ǹ gɔn saa, a da yaa, Dɛnaa Lawa goã á n gɔn waa ǹ nɛ mà ǹ baran bɛa gánan lɛn gòɛ̃ saa wa.

KZS2 24:19

Bɛ kio, Dɛnaa Lawa na a boo gii-dalin dia mà ǹ da boo da ǹ nɛ ǹ wusoo ǹ da asɛ li, sɛnɛ, min kɔn ba n too koe ǹ lon wa.

Izayii 1:24

Bɛ lɛ nɛ, Pàãyiidɛnaa Lawa, Izirayeli a Lawa Kaka a daǹ boo á ke: Koe n ka kɛ nɛ! Ma á re yui gòãn dii wolen kɛn gialaa, ma maa gɛ̀ dòo bɔ maa zɔ́ɔn ganaa!

Ezekieli 2:7

Sɛnɛ, maa boon kɛn pɛ ǹ nɛ, á kɔɔ̃nɛ ǹ nə n too kɔ li hinlaa ǹ baran n too kɔ li wa: Piã-wɔlen manɛ.

Amɔɔsi 3:14

Bɛ̀ má yoo Izirayeli minin kɛn gialaa ǹ mɛn waáraa, ǹ sii baraan kɛn taman yii, má á re yui Betɛli a wúlu bɔ ǹ bǎãn kɛn dɔn gialaa. Ǹ tá re *wúlu bɔ ǹ bǎã lɛ a lon a gùrùn kɛn yiyiɛ, bɛn tá re boe ǹ kakaa tán.

Amɔɔsi 5:27

Bɛ lɛ nɛ, ma bɛ́ re woe ka nɛ bɛ̀rɛbaa ǹ bǎã mɛn nɛ, ka á re Damaasi kiwi kɛ niɛ̃. Dɛnaa Lawa n bɛ lɛ pii. A tɔ mà Lawa Pàãyiidɛnaa.

Nya ǹ dín 2:40

Piɛrɛ boo gigiã kɔsɔn da á Lawa a boo nyaa nɛ, á minin lɛn dɔn nyankɔ, á pɛ ǹ nɛ: «Ka baa si, ka n bɔ busii kɛ li die mɛnɛɛ min kɔkɔrɔn kɛn la.»

Nya ǹ dín 20:21

Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li.

Efɛɛzi minin 4:17

Ma bɛ́ màn mɛn pii ka nɛ ma á laɛ, ka Dɛnaa tɔ nɛ, bɛ á ke: Ka nyan ka dinin baa ka min kooron bɛ́ lɔn wa. Bɛn man koe ǹ dinin taasiɛ kooron lɛ,

Timəə dí-pɛn 8:19

Sɛnɛ, bɛ̀ ka yiri bɔ ka kaa Lawa, Dɛnaa Lawa kɛ nɛ, bɛ̀ ká kɔ lawa kɔsɔn kio lɛ, bɛ̀ ká kaa tán bɛn giulun ká ǹ guguru kɔ, man diɛ ka yiri-a pelo: ka á re papaɛ̃ lenlen.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Zozoe 22:22

– Dɛnaa Lawa n lawan Lawa lɛa. Wɔsɛn nə sii mɛn zɛnaa ke, màn mɛn nə wɔsɛn da a ganaa, Dɛnaa Lawa, lawan Lawa lɛ á doɛ̃. Izirayeli minin lɛn tumaa dɔ á re doɛ̃. Bɛ̀ á daa yaa sonbore wɔsɛn nə́ n piã ka Dɛnaa Lawa nɛ, wɔ sii babaraa la la, a nyan toa pelo a lɛawaa kɛ kiɛ̃ wɔsɛn la wa.