Amɔɔsi 2:8 - LAWA A BOO SONBORE

⁸ Ǹ mɔnaan mɛnɛn si doobaan la giɔ̀mɔ lɛ koa ǹ mànan lɛa, maǹ bɛn naɛ tán wúlu bɔ ǹ bǎãn nɛ, ǹ nə́ wɛɛ ǹ la. Ǹ duvɛ̃ mɛn si ka pàã nɛ, maǹ bɛ mii ǹ dì kionən kɛn nɛ.

LAWA A BOO SONBORE 2011

⁸ Ǹ mɔnaan mɛnɛn si doobaan la giɔ̀mɔ lɛ koa ǹ mànan lɛa, maǹ bɛn naɛ tán wúlu bɔ ǹ bǎãn nɛ, ǹ nə́ wɛɛ ǹ la. Ǹ duvɛ̃ mɛn si ka pàã nɛ, maǹ bɛ mii ǹ dì kionən kɛn nɛ.

Amɔɔsi 2:8 ပူးပေါင်းရင်းမြစ်များ

Bɔ bɛ̀rɛbaa nɛ 22:25

Bɛ̀ min ná a dɔnkɛ gole kɔ n la, á màn si, mà asɛ á re n sarɛɛ a tɔn si, ka kɔ la bɛ̀ wasa baa miɛ̃.

Izayii 57:7

Kele sasa mìi ni, ń waa ǹ bǎãn zɛnaa. Walan lɛ nɛ n tá dii bɛ̀ n wúlu bɔ.

Ezekieli 18:12

A n mɛnɛɛ nɔmaa wolen laanka doobaan la, á n wurumu biɛ, a giɔ̀mɔ lɛ koa ǹ màn koe wa. A n dìn guguru koe, á n sii bɔbɔnɛɛ zɛnɛɛ.

Ezekieli 18:7

A mɛnɛɛ min la wa, a n giɔ̀mɔ lɛ koa ǹ màn koe giɔ̀mɔ-saali la, a wurumu biɛ wa. Bòo bɛ́ min mɛn ganaa, a n màn-bii koe bɛ la, min mɛn gɔ̀nɔn kooro bɛ́ nɛ, a n mɔnaa koe bɛ la.

Ezekieli 23:41

Bɛ kio, ǹ nə́ giã tán pìi sonbore la, tabala n tán-a ǹ nyɛɛnɛ, ǹ nə́ maa da yon gìĩ kɔɔ̃n kɛ laanka maa nyɔɔ kɛ kaa bɛ la.

Ozee 4:8

Maǹ nə́ n dinin toe ka maa zaman lɛ a wúlu mànan nɛ. Maa zaman a sii baraan kɛn, bɛn man kɔɔ̃nɛ ǹ ganaa.

Ozee 7:14

Ǹ bɛ́ n lɛ mɛn dii ma li ke, bɛ̀ ǹ nə n duduwəə ǹ piìn la, taãn bie wa. Maǹ nə́ n kiɛ kun, màn mɛn bɛ́ toɛ ǹ *belee laanka duvɛ̃ yɛ. Sɛnɛ ǹ nə́ wusoo ǹ nə́ n bɔ ma kio.

Amɔɔsi 3:14

Bɛ̀ má yoo Izirayeli minin kɛn gialaa ǹ mɛn waáraa, ǹ sii baraan kɛn taman yii, má á re yui Betɛli a wúlu bɔ ǹ bǎãn kɛn dɔn gialaa. Ǹ tá re *wúlu bɔ ǹ bǎã lɛ a lon a gùrùn kɛn yiyiɛ, bɛn tá re boe ǹ kakaa tán.

Amɔɔsi 4:1

Amɔɔsi tɔn pɛ: Kasɛn Samarii lɔn kɛn, ka n too kɔ, ka bɛ́ kasiɛ̃ nɛ ka Basan kiwi a dii daanan kɛn bɛ́ lɔn, buu soɛ̃ a kelen la, ka n mɛnɛɛ nɔmaa-wɔlen la. Ka n boe doobaan yii ni, ka n kɛ pii ka zuũn manɛ: «Ka da nɛ wɔ mi».

Amɔɔsi 6:4

Ka n wɛɛ piìn la, ǹ nə ǹ mɛnɛn nyaǹ kɔ ka don a díi sɔn nɛ, ka n giɛ̃ dankanan la, ǹ mɛnɛn bɛ́ mumuu. Ka dinin lɛn man tɔɔ kuru lɛ a sère ten sonboren soɛ̃, ka dinin lɛn man zìã lɛ a dii ten kasiɛ̃ wolen soɛ̃.

Amɔɔsi 6:6

Ka n duvɛ̃ kɛ mii màn dadaran nɛ, ka n nyɔɔ gìĩ kɔɔ̃n kɛ loe, sɛnɛ, sii mɛn bɛ́ re Zozɛfu tɔrɔn kɛn yii, bɛa taasiɛ diɛ ka ganaa wa.

Korɛnti1 10:21

Ka a boe la ka màn mi ka Dɛnaa a paan nɛ, ka wusoo ka màn mi yiri baraan paan nɛ wa. Ka a boe la ka màn bii Dɛnaa a kùnu ni, ka wusoo ka màn bii yiri baraan dɔn kùnu-n wa.

Korɛnti1 10:7

Ka dɔn baran dì guguru kɔlen baa, ka ǹ dɔn min tɛnɛn bɛ́ ǹ nə́ zɛnaa lɔn wa. Lawa a sɛ́wɔ n bɛ lɛ pii kɛnɛn: «Zaman lɛ kaa tán, ǹ nə́ màn bii ǹ nə́ màn mi, ǹ nə́ yoo ǹ nə́ dì lɛ a bɛ̀ baa.»

Korɛnti1 8:10

A giala, bɛ̀ goleemali boɛɛndɛnaa nə́ nsɛ yiridɛnaa lɛ yɛ, màn bii dì wúlu bɔ ǹ kion, á re pàã koe a gɔ́ɔ̃gɔ́ɔ̃ ǹ taasiɛ la, a pɛ mà asɛ dɔ n kɔnboe a dì wúlu bɔ ǹ siĩ sɔ̃ wa?

Sii yɔrɔ-bɔlen 9:27

Ǹ nə́ soo ǹ nə́ woo don, ǹ nə́ woo rezɛ̃ da nɛ na, ǹ ná a mu bɔ, ǹ nə́ zɔ́n zɛnaa nɛ. Bɛ kio, ǹ nə́ woo kaa ǹ dì kion, ǹ nə́ màn bii, ǹ nə́ duvɛ̃ mi, ǹ nə́ lɛn baraa bíi Abimelɛki li.