Amɔɔsi 1:5 - LAWA A BOO SONBORE

⁵ Fɔlɔ bàlà mɛn bɛ́ Damaasi *kiwi a kiɛnlɛ kɛ la, ma á re bɛ yiɛ. Kii mɛn lɛ á ke, sii baraa nyankɔrɔ basa kɛ nɛ, ma á re bɛ dii. Kii mɛn lɛ á ke foo kɔɔ̃nbaa ǹ kiwi kɛ nɛ, ma á re dii. Bɛa biikoo li, ǹ tá re Siirii minin kɛn goɛ, ǹ wo ǹ ne Kiiri. Dɛnaa Lawa na á pɛ miɛ̃.

LAWA A BOO SONBORE 2011

⁵ Fɔlɔ bàlà mɛn bɛ́ Damaasi *kiwi a kiɛnlɛ kɛ la, ma á re bɛ yiɛ. Kii mɛn lɛ á ke, sii baraa nyankɔrɔ basa kɛ nɛ, ma á re bɛ dii. Kii mɛn lɛ á ke foo kɔɔ̃nbaa ǹ kiwi kɛ nɛ, ma á re dii. Bɛa biikoo li, ǹ tá re Siirii minin kɛn goɛ, ǹ wo ǹ ne Kiiri. Dɛnaa Lawa na á pɛ miɛ̃.

Amɔɔsi 1:5 ပူးပေါင်းရင်းမြစ်များ

Kiin2 14:28

Zeroboamu sii gialakunun mɛnɛn zɛnaa, a tɔ bɔ ǹ siin mɛnɛn zɛnaa, a zian mɛnɛn da, Damaasi laanka Amaati kiwin kɛn nɛ, Zeroboamu wusoo á bɛn si ka yɔrɔ mɛn nɛ, á ǹ kɔ Izirayeli gána la, bɛ yii tá kiɛ̃ nɛ sɛ́wɔ kɛ nɛ boo diɛ Izirayeli kiin wɔ gɔn la.

Kiin2 16:9

Asiirii gána a kii lɛ lɛ kɔ Ahaazi a boo lɛ ganaa, a dinmaa tɔ́n yoo á woo Damaasi kiwi gialaa, á si á nɔmɔ a ganaa. Á kiwi minin lɛn goa á kiɛ̃ ǹ nɛ Kiiri. Á Resini dɛ á gã.

Izayii 22:6

San laanka kiɛn man Elamu gána a zia kurun gɔn. Ziabaa ǹ wotoron laanka ǹ da baa-a wolen manə ǹ tan, ka sùidɛnan nɛ. Kiiri sɔraasin manə ǹ goóron yɔrɔ boe.

Izayii 43:14

Dɛnaa Lawa, kaa si sii la wole, Izirayeli a Lawa sonbore n kɛ pii: «Ka dinin taman yii, man die min diɛ *Baabilonii. Kiɛnlɛ-a ǹ goon mɛnɛn bɛ́ kiwi lɛ tamɛɛ, man die bɛn woɛ̃. Baabilonii minin li, foo kɔɔ̃n lɛ-dɛ á re n bɔyɛɛ a gɛ̀ loe baa.

Izayii 8:4

A giala, nɛ lɛ laan bɛ̀ a n pii doɛ̃ mà "díi" hinlaa "náa", ǹ tá re Damaasi a naforon laanka Samarii gɔn mànan sii ǹ da ǹ kɔ Asiiriin kii la.

Zeremii 50:36

Ka zia baa a wɔ-kũlin ganaa, kɛn baãnaan lɛa. Ka zia baa a sɔraasin ganaa, ka ǹ foo ziziɛ̃!

Zeremii 51:30

Baabilonii a sɔraasi sonboren nə́ n piã ka ziabaa nɛ. Maǹ nə n duri bǎã kakan nɛ. Ǹ foo tãbaa nya. Maǹ ka lɔ bɛ́ lɔn. Kiwi lɛ a kiɛnlɛn buĩmaa nɛ, tɛ na a kionən kuĩ.

Busii pɛ 2:9

Kiwi lɛa kiɛnlɛn nə́ kaa, ǹ nə́ wɔ tán tii li. Dɛnaa Lawa nə́ ǹ kii la ǹ bàlà yiyiɛ. A kii laanka a nyɛɛnaandɛnan man gùlin lɛa tɔrɔ kɔsɔn bii. Dí-pɛ banban doo wa, a boo gii-dalin ba Dɛnaa Lawa a sii-nyaa yii doo wa.

Ezekieli 27:23

Karan minin kɛn nə́ goã pii koe kunun n ni, Kanee wɔn nɛ, Edɛn wɔn nɛ, Sabaa a pii-kɔlen ne, ka Asuuru kiwi laanka Kilimaadi kiwi wɔn nɛ.

Ezekieli 30:17

Onu kiwi laanka Pibesɛti kiwi a giĩ tenən kɛn tá re giɛ̃ zia la. Ǹ tá re ǹ min gialakunun kɛn goɛ, ǹ wo ǹ ne bɛ̀rɛbaa ǹ bǎã nɛ.

Ozee 10:8

Ǹ wúlu bɔ ǹ bǎãn kɛn Avɛn bɛ́n tá re ziziɛ̃, Izirayeli sii baraa zɛnaa bǎã mɛn lɛ nɛ. Buu laanka nyan tá re boe ǹ wúlu bɔ ǹ bǎãn nɛ. Ǹ tá re pii bɛa biikoo li kəni: «Kelen lɛn, ka n kɔ wɔ lɛ! Tentenen lɛn ka bɔ ka mɛ wɔ la!»

Amɔɔsi 5:5

Sɛnɛ, ka nyan ga ma li Betɛli wa, ka nyan wo ma guguru kɔ Gilgaali wa, ka nyan nə n gòã da Bɛɛr-Sebaa dɔn wa. A giala, ǹ tá re Gilgaali minin tumaa goɛ ǹ wo ǹ ne bǎã kɔsɔ nɛ. Lawa a kion ke, a tɔ n Betɛli, bɛ á re kion kooro biɛ.

Amɔɔsi 9:7

Dɛnaa Lawa n kɛ pii: Izirayeli minin lɛn, ka dɔn laanka Etiopii minin kɛn man goon masɛ gɔn. Má ka waa má ka bɔ Ezipti gána nɛ. Má Filisiti minin kɛn dɔn waa má ǹ bɔ Kafutɔɔrɔ kiwi, má Siirii minin kɛn waa má ǹ bɔ Kiiri kiwi.

Nahumu 3:13

N sɔraasin lɛn man ka lɔn bɛ lɔn, pàã ba ǹ lon wa. N gána lɛ a kiɛnlɛn buĩ maa nɛ n zɔ́ɔn nyɛɛnɛ. Tɛ nə n goo-nɛ daanan lɛn tumaa kũ.