Amɔɔsi 1:3 - LAWA A BOO SONBORE

³ Dɛnaa Lawa na á pɛ kɛnɛn: Damaasi minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala ǹ nə́ boo Galaati minin kɛn la ka fɔlɔ mànan nɛ, ǹ nə́ ǹ kakã. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

LAWA A BOO SONBORE 2011

³ Dɛnaa Lawa na á pɛ kɛnɛn: Damaasi minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala ǹ nə́ boo Galaati minin kɛn la ka fɔlɔ mànan nɛ, ǹ nə́ ǹ kakã. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 1:3 ပူးပေါင်းရင်းမြစ်များ

Kiin1 19:17

Bɛ̀ min woo min kanbaa Azayeli a gɔya sa ganaa, Zewu tá re bɛa dɛnaa dii. Bɛ̀ min woo min kanbaa Zewu dɔ a gɔya sa ganaa, Yiliizee tá re bɛa dɛnaa dii.

Kiin2 13:3

Dɛnaa Lawa foo yoo Izirayeli minin li, a na á goã ǹ we Siirii gána a kii Azayeli gɔn duduu miɛ̃ ka Azayeli a nɛgiĩ Bɛn-Adaadi ni.

Kiin2 13:7

Zoakazi a zia-baali zaman lɛ tumaa bii, ǹ mɛnɛn nə kanbaa, sùidɛnaa posooro dinsɔɔ̃ nɛ, ka ziabaa ǹ wotoro fù ni, ka zia-baali duu fù ni. A giala, Siirii gána a kii na á goã á gialakunun kɛn dɛ. A na á goã á ǹ baa ka tán tii kɛ nɛ minin nə́ tɔrɛ la ǹ gòã giulun.

Kiin2 16:9

Asiirii gána a kii lɛ lɛ kɔ Ahaazi a boo lɛ ganaa, a dinmaa tɔ́n yoo á woo Damaasi kiwi gialaa, á si á nɔmɔ a ganaa. Á kiwi minin lɛn goa á kiɛ̃ ǹ nɛ Kiiri. Á Resini dɛ á gã.

Kiin2 8:12

Azayeli nə́ n toa mà wàa na á baa asɛ a dɛnaagiĩ tá wuu pii? Yiliizee ná a lɛ si kɛnɛn: «A giala, n bɛ́ re dí baraa mɛn nyɛɛ Izirayeli minin lɛn ganaa, ma á bɛ doɛ̃. Izirayeli minin kiwin mɛnɛn bɛ́, kungɔn nə́ ǹ ganaa, n tá re tɛ diɛ bɛn ganaa. N tá re ǹ nɛ tenən dii ka gɔya sa nɛ, n nə ǹ nɛnyaan bɔnboɛɛnɛn yɔyɔrɛ, n nə ǹ lɔ nɔ̀nɔ-an nɔ̀ wɔsɔ.»

Zɔbu 19:3

Á ke, ká dɔ gunyin fù gɔrɔ sɔ koe ma ganaa. Ka n nyɛɛ ma yii-n miɛ̃, a sìi diɛ ka-a wa?

Zɔbu 5:19

Ta nɔmaa sɔrɔ nɛ, á die n kirisibiɛ ǹ ganaa. Ta a din na á dɔ sɔbaa, baraa ba re doe n ganaa wa.

Suusun 6:16

Sii sɔrɔ na a tan ǹ tìĩ n boe ne Dɛnaa Lawa nɛ, a ná a ba ǹ sii a ganaa duduu wa. Yii tá lon wole ne, soɛ-bɔle ne, yii tì-a dɛ wole ne, tán dù-bosoli ni, min mɛn goã bɛ́ siɛ sii baraa zɛnaa li, siére baraa-pɛli ni. Sɛnɛ, a sɔbaabaa ǹ wɔ tan: Min mɛn bɛ́ dɔɔ̃ngiĩ hinlaa dɔɔ̃lɔn kiɛ kɔn, bɛa dɛnaa tìĩ n boe ne Dɛnaa Lawa nɛ.

Boo-laakalaali 11:2

Ka bɛ dɔ nɛ, n gɔn màn gii kɔn ka min gigiã nɛ, a giala, koe sii mɛn bɛ́ boe la, a n zɛnaa kanaa kɛ nɛ, n ba bɛ doɛ̃ wa.

Izayii 28:27

Min kɔn ba nyansan duwii ka ɛrsi n wa, ǹ ba boe la ka wotoro-n wa. Sɛnɛ, maǹ nigɛli duwii ka bàlà nɛ, ǹ kumɛ̃ duwəə ka lasa nɛ.

Izayii 41:15

Á ke man die n biɛ dí nya ǹ màn dii lɛa, a sɔn nə́ sosolo, a n tii nyui, a sɔn nə màn papaa kɔn la. N tá re kelen yɔyɔrɛ, n nə ǹ bɔyaa n nə ǹ baa gusuũ lɛa. Tentenən kɛn, n tá re bɛn biɛ buu gere lɛa.

Izayii 7:16

Nɛnyaan lɛ laan bɛ̀ a n sii baraa laanka sii sonbore bɔkɔnlɛ doɛ̃, kii màn paan kɛn lɛn nyɛ́ɛ diɛ n ganaa, ǹ zaman tá re ǹ gánan toɛ walan.

Izayii 7:8

A giala, Damaasi ke Siirii a kiwi gole lɛa, Resini n kiã lɛa walan. Kànaa ka lɛ pɔsɔrɔ ka sooro, Efrayimu á re yui, a re tɔrɔ biɛ doo wa.

Izayii 8:4

A giala, nɛ lɛ laan bɛ̀ a n pii doɛ̃ mà "díi" hinlaa "náa", ǹ tá re Damaasi a naforon laanka Samarii gɔn mànan sii ǹ da ǹ kɔ Asiiriin kii la.

Amɔɔsi 1:11

Dɛnaa Lawa na á pɛ kɛnɛn: Edɔmu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ ǹ dɔɔ̃n Izirayeli minin lɛn loo ka gɔya sa nɛ, ǹ makara din nə ǹ kũ boɛɛn dinin wa. Ǹ foo na á goã yoo ne ǹ li miɛ̃, sii lɛ na á goã ǹ gɔ́ɔ̃-n miɛ̃. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 1:13

Dɛnaa Lawa na á pɛ kɛnɛn: Amɔn tɔrɔn kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, Galaati lɔn mɛnɛn bɛ́ nɔ̀ nɛ, ǹ nə́ bɛn nɔ̀ wɔsɔ, màn mɛn bɛ́ toɛ, ǹsɛn gána gole kɔ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 1:6

Dɛnaa Lawa na á pɛ kɛnɛn: Gaazaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala, ǹ nə́ zaman tumaa goa, Ǹ nə́ woo ǹ kɔ Edɔmu minin kɛn la. Bɛ lɛ nɛ, ma á ǹ zɛ̀rɛ biɛ. Ma a re wusii maa da ǹ boo dɔ kio wa.

Amɔɔsi 1:9

Dɛnaa Lawa na á pɛ kɛnɛn: Tiiri minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ zaman tumaa goa ǹ nə́ woo ǹ kɔ Edɔmu minin kɛn la. Ǹ lɛlɛ a lɛ kɔ kɔn la kɛ tamaa wa. Bɛ lɛ nɛ, ma á ǹ zɛ̀rɛ biɛ, ma á re wusii maa da ǹ boo dɔ kio wa.

Amɔɔsi 2:1

Dɛnaa Lawa na á pɛ kɛnɛn: Moabu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ Edɔmu minin kii kɛ wen tã, ǹ nə́ baa ton lɛa. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo kio wa.

Amɔɔsi 2:4

Dɛnaa Lawa na á pɛ kɛnɛn: Zudaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala ǹ nə́ Dɛnaa Lawa a dí-pɛn kɛn tii, ǹ na a landa boon kɛn tamaa wa. A giala, ǹ nə́ n saa soɛ siin li, ǹ digolon nə kɔ soɛ siin mɛnɛn lɛ, bɛ lɛ na á toa ǹ nə́ papaã. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 2:6

Dɛnaa Lawa na á pɛ kɛnɛn: Izirayeli minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ min pepere kũ ǹ nə́ sã wɔrɔ-a, ǹ nə́ doobaa lonkɔ ka kɔsɔ nɛ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo kio wa.

Zakarii 9:1

Dɛnaa Lawa a da ǹ boo á ke: Dɛnaa Lawa a boo dɔ Adraki gána nɛ, á dɔ yǎa Damaasi kiwi. A giala, Dɛnaa Lawa bie n yiin doɛ Izirayeli tɔrɔn dininsɔɔ̃nɔn la wa, sɛnɛ, a n doɛ minbuiin nɛ tumaa la.

Zakarii 9:2

A n boo diɛ ka Amaati ni, kunu Damaasi kiwi ganaa, ka Tiiri kiwi laanka Sidɔn kiwi ni, ǹsɛn mɛnɛn doɛ̃ bɛ́ gole.