Amɔɔsi 1:2 - LAWA A BOO SONBORE

² Amɔɔsi na á goã kɛ pii: Dɛnaa Lawa nə n toɛ *Siɔn kele la á n wɔɔsaa we, a nə n toɛ Zeruzalɛmu kiwi á n paraa we. Tɔɔn-lɛduə̃lin tɔɔn lɛduə̃ ǹ bǎãn kɛn nə́ ziziɛ̃, Karmɛli kele mìi kɛ bǎã gere baa.

LAWA A BOO SONBORE 2011

² Amɔɔsi na á goã kɛ pii: Dɛnaa Lawa nə n toɛ *Siɔn kele la á n wɔɔsaa we, a nə n toɛ Zeruzalɛmu kiwi á n paraa we. Tɔɔn-lɛduə̃lin tɔɔn lɛduə̃ ǹ bǎãn kɛn nə́ ziziɛ̃, Karmɛli kele mìi kɛ bǎã gere baa.

Amɔɔsi 1:2 ပူးပေါင်းရင်းမြစ်များ

Loen 29:4

Dɛnaa Lawa lɛn lɛ n kaka, Dɛnaa Lawa lɛn lɛ n gole.

Loen 46:6

Lawa n bɛa kiwi lɛ bii, màn kɔn ba bìn diɛ a ganaa wa. Lawa nə n doe lɛ lɛlɛbaanɛ.

Suusun 20:2

Bɛ̀ kii foo yoo, a n ka yàra bɛ́ lɔn wɔɔsiɛ̃. Bɛ̀ min mɛn màn da bɛa foo-yoo kɛ li, a nə n din nyin boe.

Izayii 33:9

Gána lɛ n gɛ̀ koa gɔ́ɔ̃ nɛ. A n bǎã gere lɛa. Sìi nə n kɔ Liban a kelen kɛn lɛ. Ǹ tumaa n laa nɛ. Saarɔn a wuru bǎãn kɛn man ka diə gole bɛ́ lɔn. Da ba Basan laanka Karmɛli kelen kɛn la wa.

Izayii 35:2

Buũ kɔ! N nyɛnyɛɛ, n bɛ̀ baa n nə n lɛ dɛ ka foo kɔɔ̃n nɛ! Dɛnaa Lawa á re n siĩn koe ka Liban a kelen kɛn bɛ́ lɔn. Á re Karmɛli kele laanka Saron a bɔmɔn siĩnbaa kɛ koe n la. Bɛa biikoo li, min tumaa á re Dɛnaa Lawa a gugurubaa yii, a wɔa Lawa a siĩnbaa yɛ.

Izayii 42:13

Dɛnaa Lawa nə n zoɛ̃ woe ka sɔraasi foo kaka-a bɛ́ lɔn. Foo tãbaa na a nɛ ka zia-baali zanbia bɛ́ lɔn. A n gɔ̀lɔ̀baa ǹ lɛ-dɛ we, a n ziabaa ǹ lɛ dɛ gole we, a n boe a zɔ́ɔn la.

Zeremii 12:4

Gána lɛn die goɛ̃ koe ne yǎa biĩ kəni? Wurun man die goɛ̃ tán gere lɛa yǎa biĩ? Tɔɔn laanka bàanan man bɔ̀n biɛ minbuiin nɛn baraabaa taman yii. Maǹ pii: «Sii mɛn bɛ́ re wɔ yii, Dɛnaa Lawa yii ba re bɛ yii wa.»

Zeremii 14:2

Zudaa zaman nə gɛ̀ koɛ, ǹ kiwin pàã nya. Min tumaa foo n zizɛ̃ nɛ. Zeruzalɛmu a lɛ-dɛ n dii lon.

Zeremii 25:30

Dɛnaa Lawa pɛ ma-n doo: Maa boo kɛ da ǹ nɛ, n pɛ kɛnɛn: Dɛnaa Lawa nə n toɛ lon wɔɔsaa we. A kion mɛn bɔ á koa a wɔ lɛa, a nə n toɛ walan n lɛn siɛ lon. A din a bǎã ke, a n paraa we bɛ li. A n paraa we gána lɛ a min tumaa li, ka rezɛ̃ tɔrɛɛ wolen bɛ́ n lɛ dii lɔn.

Zeremii 28:8

«Lawa a boo gii-dalin nə́ goã ǹ tan haalɛ bibi n laanka masɛ nyɛɛnɛ. Ǹ nə́ boo da gána gigiã wɔ paǹ li ka tɔrɔ yii guguru-an nɛ. Ǹ nə́ boo da ǹ nɛ zia wɔ paǹ li, koe ne ka piɛ̃ busu ni.

Zeremii 50:19

Man die wusii ma wo ka Izirayeli ni a lɛduə̃ ǹ bǎã nɛ. Karmɛli kele la, Basan a wuru bǎãn nɛ, Efrayimu a kele yiin ni, ka Galaati gána nɛ, á re màn-bii yii a bii, a kã.

Ozee 11:10

A nɛn tá re tɔ we Dɛnaa Lawa kio, asɛ áre lɛ biɛ ka yàra bɛ́ lɔn, Á re lɛ biɛ sonbore! Ǹ tá re n toɛ lɛ̀nyɛɛnɛ ǹ da ka baa nɛ, ǹ gɔ̀nɔn nə́ bìn diɛ.

Ozee 13:8

Ma á re ka kuĩ ka gòon màn babaraa nɛn dan bɛ́ lɔn ǹ ná a nɛ si la, ma á re ka tìãbii toɛ̃ kɔn. Man die ka soɛ̃ ka yàra nɛn dan bɛ́ lɔn, don mànan tá re ka geren wɔ̃woɛ̃ kɔn.

Zowɛli 1:19

Dɛnaa Lawa, ma nə n lɛ dii n din li. Tɛ á ke á tɔɔn buu sɔ̃ ǹ bǎã lɛ kũ don, tɛ lɛ da tumaa kũ don.

Zowɛli 2:11

Dɛnaa Lawa na a zia-baalin lɛn nyɛɛnɛ, a n paraa we. A sɔraasin lɛn man gigiã, ǹ ná a bɔlɔ sii. Dɛnaa Lawa a lɛawaa lɛ, lɛawaa gole ne á nyɛ́ɛ dɔ din diɛ. Die n die n boe a nɛ?

Amɔɔsi 9:3

Ta maǹ nə́ woo n duru Karmɛli kele kɛ mìi ni, ma á re woe giɛ ǹ li walan, ma ǹ kũ ma gisĩ ǹ ni. Ta maǹ nə́ n duru masɛ la yìsi mu giulun, ma á re yìsi mu li ǹ miɛ̃ kɛ diɛ ǹ ganaa, bɛ á re sɔn dodoe ǹ ganaa walan.

Nahumu 1:4

A n boo diɛ yìsi mu gole ne, a piɛ̃ ka daɛ̃. A n tàn mu piɛ̃, a bɔ ǹ nɛ. Basan a buu bǎã nyantoto ke ka Karmɛli kele kɛ nɛ, bɛn tumaa n damɛ ǹ taã ka bon, Liban a da buũ kɛ tumaa n bɛbɛnɛ.

Samayeli1 25:2

Giĩ goon na á goã, a tɔ n Naabaali a lɔ tɔ n Abigayili, a n boe Maahɔ̃ kiwi, Kalɛbu a tanlɛ min ni. Dí nya ǹ bǎã goã a lon Karmɛli kiwi. A na á goã pàãma lɛa taãn-taãnɛ. Sère duu sɔɔ (3 000) na á goã a lon ka bòe duu goon (1 000) ne.