Amɔɔsi 1:14 - LAWA A BOO SONBORE

¹⁴ Man diɛ tɛ kiɛ Rabaa kiwi a kungɔnɔn kɛn ganaa. Tɛ á re a duru ǹ bǎã kakan kɛn kuĩ, zia nɛn lɛ-dɛ wuu li zia la, piɛ̃ gole wuu li piɛ̃ a bɔ pinaa.

LAWA A BOO SONBORE 2011

¹⁴ Man diɛ tɛ kiɛ Rabaa kiwi a kungɔnɔn kɛn ganaa. Tɛ á re a duru ǹ bǎã kakan kɛn kuĩ, zia nɛn lɛ-dɛ wuu li zia la, piɛ̃ gole wuu li piɛ̃ a bɔ pinaa.

Amɔɔsi 1:14 ပူးပေါင်းရင်းမြစ်များ

Samayeli2 11:1

Lɛ̀ bɛ́ á bɔ, kiin wo zia baa biikoo li, Davida Zoabu dia kun ka a dí-nyalin ni, ka Izirayeli minin lɛn zia-baalin tumaa nɛ. Ǹ nə́ Amɔn tɔrɔn lɛn dɛ, ǹ nə́ ǹ kiwi gole Rabaa kɛ kũ. Sɛnɛ, Davida din giã Zeruzalɛmu.

Samayeli2 12:26

Bɛa biikoo li, Zoabu na á goã zia biɛ Rabaa ganaa. Amɔn tɔrɔn lɛn kiwi gole ne. Ǹ kii lɛ goã giã-n bǎã mɛn nɛ, á bɛ kũ.

Samayeli2 12:31

Kiwi minin kɛn, á bɛn kũ á woo ǹ kaa pàã dí ganaa: Gɔn wɔsiɛ nɛ, sukun wɔ nɛ, sɛ̀miɛ̃ wɔ nɛ, ka toopaabɔ nɛ. A na á goã Amɔn tɔrɔn lɛn kiwin tumaa a minin biɛ miɛ̃. Bɛ kio, Davida laanka zaman lɛ tumaa nə́ n bɔyaa, ǹ nə́ daa Zeruzalɛmu.

KZS1 20:1

Lɛ̀ a wusoo a bɔyaa a daa li, kiin bɛ́ nɛn bɛ̀ ǹ wo zia la biikoo mɛn li, Zoabu ná a zia nɛn kũ ǹ nə́ woo Amɔn nɛn gána yu. Ǹ nə́ Rabaa lɛnpɛnɛ, bɛ̀ Davida tá Zeruzalɛmu. Zoabu Rabaa kũ á ziziɛ̃.

Zɔbu 39:25

Bɛ̀ bɛn wuu bɔ lɔn, a nə n toɛ mà: Wãnana! A nə n toɛ sɔsɔɔ a zia gìĩ kɔ, a n kiãn lɛ miɛ ka zia nɛn nɛ.

Loen 83:15

Ka tɛ bɛ́ daã kuĩ lɔn, ka tɛ lɛwɔnɔn bɛ́ yui kelen la lɔn,

Izayii 29:6

Dɛnaa Lawa Pàãyiidɛnaa á re sii zɛnɛɛ n wɔ a paǹ li, ka la a ginii ni, tán a bìn diɛ nɛ, ka bìn diɛ gole ne piɛ̃ gole giulun, la giulun ka la a tɛ-pɛ nɛ.

Izayii 30:30

Dɛnaa Lawa lɛn tá re boe ka paraa gole ne. Á re n pàã nyɛɛ, ka a foo-yoo ne ka kurukuru, á re nyɛɛ tɛ bii la gole li kiɛ ka la gii ni.

Izayii 9:5

A giala, nɛnyaan tiɛɛ̃n na á yɛ, nɛginin ni, wɔa wɔ lɛa. Kiibaa nə́ n kɔ la. A tɔ n die goɛ̃: Doroo wole sonbore, Lawa Pàãyiidɛnaa, Díi lɛa, yǎa duduu, là nyantoro kii.

Zeremii 23:19

Piɛ̃ gole yoo, Dɛnaa Lawa a foo-yoo ne. A n kurunkurun lɛa, min baraan mìi la.

Zeremii 49:2

«Dɛnaa Lawa a da ǹ boo á ke, lɛawaan tá re doe, man die toɛ, ziabaa ǹ lɛ dɛ bɔ Rabaa, Amɔn tɔrɔn kiwi gole kɛ nɛ. Bɛa kiwi gole lɛ á re kɛbɔlɔ biɛ. Tɛ á re a lɛkoro lɛ-a kiwin kuĩ. Bǎãn mɛnɛn bɛ́ Izirayeli wɔ lɛa, á re ǹ sii.»

Ezekieli 21:20

Má min doa ǹ kiɛnlɛn tumaa lɛ-a, ka gɛ̀ dɛ ǹ gɔya sa ná a gɔn. A n tɛ zuĩ ka la a tɛ-pɛ bɛ́ lɔn, a lɛ na á n lɔ gɛ̀-dɛ taman yii, màn mɛn bɛ́ toɛ nyɛ́ɛ minin kũ, màn mɛn bɛ́ toɛ min gigiã mɛnaa.

Ezekieli 21:22

Masɛ dɔ n die gɛ̀ dii ka ma gɔnɔn paanan nɛ, ma foo mɛn yoo ke, yǎa man foo nyɛɛ. Ma din Dɛnaa Lawa a da ǹ boo ne.»

Ezekieli 21:25

Zia nɛn lɛn man die Zii lɛa goon siɛ ǹ wo Amɔn tɔrɔn kiwi Rabaa kɛ gialaa, ǹ kɔsɔ dɔ saa, ǹ wo Zeruzalɛmu kiwi kɛ gialaa Zudaa gána nɛ, kiwi mɛn lɛ bɛ́, ǹ nə́ kungɔn dɔ ǹ ná a lɛnpɛnɛ nɛ.

Ezekieli 25:5

Kaa kiwi gole Rabaa ke, ma á re bɛ biɛ nyɔɔmaan buu sɔ̃ ǹ bǎã lɛa, ma kaa Amɔn tɔrɔn gána lɛ din baa sèren kaa ǹ bǎã lɛa. Ka á re doɛ̃ bɛa waáraa kəni, mà masɛ din nə Dɛnaa Lawa lɛa.»

Ezekieli 25:7

Ka bɛ mɛn zɛnaa ke, ma á re yui ka gialaa, ma ka wɔ tɔrɔ kɔsɔn gɔn, bɛn nə ka gɔn mànan kũ ǹ nə ǹ si ka la. Ma á re ka wɛɛ ma ka bɔ tɔrɔn bii, ma ka dɛ lenlen, ma kaa gána kɛ papaã. Ka á re doɛ̃ ka bɛ-n kəni, mà masɛ din nə Dɛnaa Lawa lɛa.»

Amɔɔsi 2:2

Man die tɛ diɛ Moabu kiwi kɛ ganaa, tɛ á re Keriyɔti kiwi a duru ǹ bǎã kakan kɛn kuĩ. Moabu minin kɛn tá re giɛ̃ lɛ-dɛ wuu li, zia nɛn lɛ-dɛ wuu li, bɛn wuu li.

Zakarii 7:14

Má ǹ sasawaa tɔrɔn bii, ǹ bɛ́ ǹ ba ǹ mɛnɛn dinin doɛ̃ wa. Ǹ goa lɛ kio, ǹ gána lɛ yu. Min kɔn ba woe walan wa, min kɔn dɔ a boe a-n wa. Bɛa gána kɔɔ̃n-kɔɔ̃n kɛ lɛ, ǹ nə́ bɔyaa ǹ nə́ baa kɛbɔlɔ lɛa.»

Timəə dí-pɛn 3:11

Basanan kii Ɔgu dinsɔɔ̃ na á goã Refayimu tɔrɔn lɛn min giala-nyɔmiɛ̃ lɛa. Ǹ na a gere da goo mɛn nɛ, fɔlɔ goo ne. A din lɛ n ke tɔn Amɔn tɔrɔn kɛn kiwi Rabaa. A sasabaa n mɛtərə sii ka talɛɛ, a gɔ́ɔ̃ a golebaa n mɛtərə paa.