Abdiasi 1:14 - LAWA A BOO SONBORE

¹⁴ Nɔmaa bɛ́ maa minin lɛn mìi ni ǹ mɛn pinaa, ǹ mɛnɛn nə baa si ǹ nə́ la, bɛ̀ kasɛn kɛn doamaa bie, ka n doa zii gialaa, ka bɛn dɛ doo wa. Ǹ mɛnɛn nə goã ǹ yii n koo, bɛ̀ kasɛn kɛn doamaa bie, ka bɛn kũ, ka ǹ kɔ ǹ zɔ́ɔn la doo wa.

LAWA A BOO SONBORE 2011

¹⁴ Nɔmaa bɛ́ maa minin lɛn mìi ni ǹ mɛn pinaa, ǹ mɛnɛn nə baa si ǹ nə́ la, bɛ̀ kasɛn kɛn doamaa bie, ka n doa zii gialaa, ka bɛn dɛ doo wa. Ǹ mɛnɛn nə goã ǹ yii n koo, bɛ̀ kasɛn kɛn doamaa bie, ka bɛn kũ, ka ǹ kɔ ǹ zɔ́ɔn la doo wa.

Abdiasi 1:14 ပူးပေါင်းရင်းမြစ်များ

Siin Giala 35:3

Ka yoo wɔ n ta Betɛli. Lawa mɛn bɛ́, á maa nyankɔ lɛ si, maa nɔmaa biikoo li, man die wúlu bɔ ǹ bǎã doe bɛ-n walan. Ma bɛ́ woe bǎã woo bǎã nɛ, a din Lawa lɛ n kun ka ma nɛ.»

Loen 31:8

Foo kɔɔ̃nbaa gɔ́ɔ̃ nɛ, manə n nyɛnyɛɛ, n din a kɔn-narɛɛ gole kɛ taman yii. A giala, n bɛ́ ń maa nɔmaa yɛ, ń maa fuu gole kɛ dɔ̃,

Izayii 16:3

Ka yiri kɔ wɔ la, ka golee goon la. Penleen, ka n wúlu kɔ wɔ lɛ, ka tèlò bɛ́ lɔn. Ka n kɔ wɔa baasi wolen lɛ, ka nyan nə ǹ giala da kanaa wa.

Izayii 16:4

Lɛ kɔ Moabu a baasi wolen kɛn ganaa, n toa ǹ nə n yu n la. Ǹ kanbaa ziziɛ̃ wole kɛ ganaa. Min mɛn bɛ ǹ kio lui, bɛa re goɛ̃ yǎa duduu wa. Basaã lɛ á re nyɛɛ. Ǹ dɛnaa á re woe a wɔa gána lɛ toa walan.

Izayii 37:3

Ǹ nə́ pɛ Lawa a dia dí-a wole lɛ-n kɛnɛn: – Ezekiasi a boo á ke: «Pelo á lɛawaa kɛ n foo ziziɛ̃ ǹ lɛawaa lɛa. Dɔlɔ lɛawaa nɛ, sìi lɛawaa nɛ. Ká ǹ bɛ pii lɔn, nɛnyaan lɛ a yɛ dɔ, sɛnɛ, pàã ba ǹ dan lon á yii wa.

Zeremii 30:7

Koe n ka kɛ nɛ! Lɛawaa baraa nɛ! A kɔnbɔ ka lɛawaa kɔn nɛ wa! Zakɔba tɔrɔn foo ziziɛ̃ lɛawaa nɛ, sɛnɛ, ǹ tá re kanbiɛ.»

Amɔɔsi 1:6

Dɛnaa Lawa na á pɛ kɛnɛn: Gaazaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala, ǹ nə́ zaman tumaa goa, Ǹ nə́ woo ǹ kɔ Edɔmu minin kɛn la. Bɛ lɛ nɛ, ma á ǹ zɛ̀rɛ biɛ. Ma a re wusii maa da ǹ boo dɔ kio wa.

Amɔɔsi 1:9

Dɛnaa Lawa na á pɛ kɛnɛn: Tiiri minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ zaman tumaa goa ǹ nə́ woo ǹ kɔ Edɔmu minin kɛn la. Ǹ lɛlɛ a lɛ kɔ kɔn la kɛ tamaa wa. Bɛ lɛ nɛ, ma á ǹ zɛ̀rɛ biɛ, ma á re wusii maa da ǹ boo dɔ kio wa.

Abdiasi 1:12

A da yaa, ka dɔɔ̃nɔn lɛn bɛ́ koe ne ǹ mɛn pinaa, bɛ̀ ka doamaa bie ka golee ka ga ǹ ganaa wa. Zudaa tɔrɔn kɛn bɛ́ bɔ̀n biɛ ǹ mɛn pinaa, bɛ̀ ka doamaa bie ka golee, ka yaa wɔ ǹ ganaa wa. Ǹ bɛ́ nɔmaa gɔ́ɔ̃ nɛ ǹ mɛn pinaa, bɛ̀ ka doamaa bie ka n lɛ wɔ ǹ ganaa wa.

Matiə 22:9

Bɛ̀ á miɛ̃, ka wo ziin sawaa kɔn-a ǹ bǎã nɛ, ka bɛ́ re min mɛn tumaa yii, ka ǹ bíi ǹ da kɔn wɔ ǹ màn bii.»