Abakuku 3:8 - LAWA A BOO SONBORE

⁸ Dɛnaa Lawa, n foo n yoo-n tàn li? N foo n yoo-n tàn li sonbore? Bɛ̀ n tá kiɛ̃ n gɔ̀lɔ̀baa ǹ wotoro kɛ nɛ ka n sùin ni, n foo n busi yìsi mu gole kɛ li?

LAWA A BOO SONBORE 2011

⁸ Dɛnaa Lawa, n foo n yoo-n tàn li? N foo n yoo-n tàn li sonbore? Bɛ̀ n tá kiɛ̃ n gɔ̀lɔ̀baa ǹ wotoro kɛ nɛ ka n sùin ni, n foo n busi yìsi mu gole kɛ li?

Abakuku 3:8 ပူးပေါင်းရင်းမြစ်များ

Loen 104:3

N din nə n giã ǹ bǎã koɛ mu lalan lon sɔsɔɔ. Ma n labaran biɛ n wotoro lɛa, n nə n tɔ we piɛ̃ li.

Loen 114:3

Ǹ bɛ́ ǹ nə́ Izirayeli nɛnyaanan lɛn yɛ, yìsi mu gole kɛa mu baa si á papaã, Zurdɛ̃ tà kɛa mu wusoo a kio ne.

Loen 114:5

Yìsi mu gole, wàa na á baa, n tá baa sii? Zurdɛ̃ tà, wàa na á baa, n tá wusii?

Loen 18:10

Dɛnaa Lawa lon toɛ̃, á gisĩ. Á gisĩ ka labara kaara nɛ a gòãn giulun.

Loen 45:4

Giĩ a nɛ, n gɔya sa saa n lɔɔ n ganaa, n siĩnbaa ǹ màn nɛ, n nyaǹ màn nɛ.

Loen 68:17

Basan kele! Nsɛ mɛn mìi bɛ́ gigiã, wàa na á baa, n tá miã goã boe kele kɔsɔ kɛ ganaa, Lawa din bɔ, mà asɛ n giɛ̃ la? Hiĩ Dɛnaa Lawa n die giɛ̃ la, yǎa duduu.

Loen 68:4

Sɛnɛ, min peperen sɛn manə n nyɛnyɛɛ, ǹ foo n kɔɔ̃n Lawa yɔrɔ-a, ǹ nə́ foo kɔɔ̃nbaa ǹ bɛ̀ biɛ.

Loen 77:16

Zakɔba laanka Zozɛfu a nɛnyaanan kɛn, n din a zaman lɛa, n din nə ń bɛn bɔ bɛ̀rɛbaa nɛ, ka n din pàã nɛ. Doa.

Bɔ bɛ̀rɛbaa nɛ 14:16

N dinmaa lɛ nə n bàlà saa lon, n nə n gɔn dia tà lɛ la. N tà lɛ bii kuru kɔn, màn mɛn bɛ́ toɛ, Izirayeli nɛnyaanan nə kiɛ̃, ǹ gòã ná a ba n siɛ̃ mu li wa.

Bɔ bɛ̀rɛbaa nɛ 7:19

Dɛnaa pɛ Muizu ni: «A pɛ Aarɔn nɛ, mà a bàlà lɛ saa, a n gɔn saa lon a dia Ezipti gána a tà mu la, ka a piɛɛrɛnɛn tumaa nɛ, mu bɛ́ bǎã mɛn tumaa nɛ, ǹ tumaa mà baa. Mà goã Ezipti gána lɛ a bǎã tumaa nɛ, á goã a mànan tumaa gɔ́ɔ̃ nɛ, gɔn wɔn nɛ ka kɔlɔ wɔn nɛ.»

Bɔ bɛ̀rɛbaa nɛ 7:20

Muizu laanka Aarɔn sii lɛ zɛnaa ka Dɛnaa bɛ́ á pɛ lɔn. Á bàlà lɛ saa lon á tà mu lɛ duwəə Faarahɔn laanka a kiodɛnan yɔrɔ-a. Tà mu lɛ tumaa nə́ n bɔyaa á mà baa.

Izayii 19:1

Ezipti a boo gii. Dɛnaa Lawa á ke die, a n woe Ezipti gána nɛ, labara yiifuunaan la. Ezipti gána a dì kooron kɛn man bìn diɛ a nyɛɛnɛ. Ezipti minin foo ziziɛ̃maa nɛ.

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Izayii 66:15

Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.

Nahumu 1:4

A n boo diɛ yìsi mu gole ne, a piɛ̃ ka daɛ̃. A n tàn mu piɛ̃, a bɔ ǹ nɛ. Basan a buu bǎã nyantoto ke ka Karmɛli kele kɛ nɛ, bɛn tumaa n damɛ ǹ taã ka bon, Liban a da buũ kɛ tumaa n bɛbɛnɛ.

Abakuku 3:15

Man woe nyɛɛnɛ yìsi mu li ka n sùin ni, mu ginii wole pàãdɛnaa kɛ bii.

Marki 4:39

Yezu yii kaa, á yoo, á paraa piɛ̃ lɛ li, á pɛ: «Sisia!» Piɛ̃ lɛ nə́ n lɛ kũ bɛ lɛ-a. Á pɛ tà mu lɛ dɔ nɛ: «Golee!» Tà mu lɛ dɔ́ golee, wɔlɔ nyɛɛ ka kiĩn.

Sii-nyaan 16:12

Lon a dia dí-a wole sɔrɔbaa ǹ wɔ kɛ ná a wɔ binyəə Efrati tà gole mu li. Tà mu lɛ piɛ̃, á boo la á zii kɔ lɛ̀giala a kiin la mà ǹ kiɛ̃.

Sii-nyaan 19:11

Má lon yɛ a lɛ n buĩ ni, má tɔ́n sùi fu yɛ bii-a. Min mɛn bɛ́ á dii la, a tɔ n "Bɔlɔgoondɛnaa", ǹ nə́ bíi dɔn mà "Taãnɛ". A n kiri kuri, a n zia biɛ ka peperebaa nɛ.

Sii-nyaan 19:14

Lon a zia-baalin nə́ dii sùi fufun la, ǹ nə́ koe lɛ, ka dɔnkɛ fufu yii nɔnɔɔ nə́ ǹ ganaa, gɔ̀ ná a ba a wa.

Sii-nyaan 6:2

Má tɔ́n sùi fu yɛ. Min mɛn bɛ́ á dii la, sa n lɔɔ nɛ a ganaa, ǹ nə́ tɔ́n gɔ̀lɔ̀baa ǹ kii bafolo kɔ la. Á woo ka gɔ̀lɔ̀baa nɛ, á wusoo a gɔ̀lɔ̀baa yɛ doo.