Abakuku 3:16 - LAWA A BOO SONBORE

¹⁶ Má bɛa bìn diɛ kɛ tumaa ma, ma foo ziziɛ̃. Ma lɛ n bìn diɛ nyɛ́ɛ gɔn, ma pàã nya. Ma a boe la ma á gole ma goãn la wa. Tɔrɔ mɛn yoo wɔ ganaa, ma nə n yii diɛ koe lɛawaa kɛ la kiĩn ni, Dɛnaa Lawa bɛ́ re die yui ǹ gialaa ǹ mɛn pinaa.

LAWA A BOO SONBORE 2011

¹⁶ Má bɛa bìn diɛ kɛ tumaa ma, ma foo ziziɛ̃. Ma lɛ n bìn diɛ nyɛ́ɛ gɔn, ma pàã nya. Ma a boe la ma á gole ma goãn la wa. Tɔrɔ mɛn yoo wɔ ganaa, ma nə n yii diɛ koe lɛawaa kɛ la kiĩn ni, Dɛnaa Lawa bɛ́ re die yui ǹ gialaa ǹ mɛn pinaa.

Abakuku 3:16 ပူးပေါင်းရင်းမြစ်များ

Zɔbu 30:17

Tèlò-n, ma gù wen man busi, ma là yii n paparɛ. A n sɔn doe ma ganaa, a toɛ ma á n susui wa.

Zɔbu 30:30

Ma gɔ̀nɔn ki n tì koe, niɛ̃ kiɛ, gɔ̀nɔn-wɛ̃ ma wen tã.

Loen 119:120

Man nyɛ́ɛ biɛ n nɛ, ma gɔ̀nɔn nə́ bìn diɛ. N sii yɔrɔ bɔ ǹ boon lɛn man nyɛ́ɛ diɛ ma ganaa.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Suusun 12:4

Lɔ yiridɛnaa nə ǹ zuũ tɔ boe. Sɛnɛ lɔ mɛn bɛ́ sìi diɛ ǹ zuũ ganaa, bɛ n ka busu bɛ́ lɔn a wen sɔsoɛ̃.

Suusun 14:30

Yiri mɛn bɛ́ waa nɛ, bɛ n là nyantoro koe. Sɛnɛ foo wuu pɛ n tɛ lɛa min kuĩ.

Izayii 21:3

Bɛ lɛ nɛ, ma kii á busi, ma nɔmaa maa nɛ, ka lɔ bɛ́ lɔn nɔɔrɔ koe. Là paparɛɛ la ma yii ni ma too a màn kɔn miɛ wa, nyɛ́ɛ la ma yii ni ma yii a màn kɔn yii wa.

Zeremii 23:9

Lawa a boo gii-dalin paǹ li. Ma foo ziziɛ̃, ma gɔ̀nɔn yii n bìn diɛ. Man ka yɔ mi a la yii-n wole bɛ́ lɔn ka min mɛn bɛ́ duvɛ̃ ná a yii ganaa. Dɛnaa Lawa a lɛa nɛ, ka a boon kɛn nɛ, á ǹ pɛ ma nɛ.

Zeremii 30:7

Koe n ka kɛ nɛ! Lɛawaa baraa nɛ! A kɔnbɔ ka lɛawaa kɔn nɛ wa! Zakɔba tɔrɔn foo ziziɛ̃ lɛawaa nɛ, sɛnɛ, ǹ tá re kanbiɛ.»

Zeremii 4:19

Áh! Ma nɔ̀! Ma nɔ̀! Ma nə n duwii là paparɛɛ gɔn! Ma foo n die puri! Ma gɔ̀nɔn tumaa n bìn diɛ. Ma a n lɛ tiɛ̃ doɛ̃ wa. A giala, ma bɛn wuu ma, ka ziabaa ǹ lɛ-dɛ nɛ.

Zeremii 5:15

Á ke, Izirayeli minin, tɔrɔ mɛn bɛ́ boe sɔsɔɔ, man die bɛ diɛ ka ganaa. Dɛnaa Lawa a da ǹ boo ne. Tɔrɔ nɛ pàã ná a lon, Tɔrɔ zizi ni, tɔrɔ lɛa, ka a ǹ bɔlɔ miɛ̃ wa, ka a ǹ boo a woo ǹ bǎã yii wa.

Busii pɛ 1:13

Á n toa lon á tɛ dia, á ma kũ yǎa ma wen ganaa. Á kan kɔ ma gòãn li, á ma làfu kɔ tán. Á ma da ma gɔrɔn, man busu koe lɛawaa yii li.

Busii pɛ 1:20

Dɛnaa Lawa, ga maa koe kɛ ganaa. Ma gɔ́ɔ̃ n kuĩ ka tɛ bɛ́ lɔn. Ma gɔ̀nɔn yii nə n si ma la. A giala, má n gòãn dii n ganaa taãn-taãnɛ. Zii gialaa, zia nɛ, maa kion, gɛ̀ dinsɔɔ̃ nɛ.

Ezekieli 3:14

Lawa yiri lɛ na á ma saa, á woo ma nɛ. Man má woo, ma yɔrɔ ń kɔsiɛ nɛ, ma foo ń ziziɛ̃ nɛ. Dɛnaa Lawa pàã na á goã ma la taãn-taãnɛ.

Abakuku 3:2

Dɛnaa Lawa, má n boo ma. Ma gɔ̀nɔn nə bìn diɛ ǹ nyɛɛnɛ, n sii dadaran zɛnaa a lɛa, Dɛnaa Lawa. Wɔa yiikoonaabaa gɔ́ɔ̃ nɛ, bɛa siin kɛn kɔnboe nyaa wɔ nɛ! Wɔa yiikoonaabaa gɔ́ɔ̃ nɛ, toa ǹ nə n dɔ̃! Ta n foo na á yoo, n yiri kɔ n din a makara doɛ̃ kɛ nɛ.

Luku 21:19

Ka n wen yii, bɛ á re toɛ ka nyin nyabaã yɛ.