Abakuku 2:9 - LAWA A BOO SONBORE

⁹ Kaa wɔ ǹ ka bɔ̀n nɛ! Ka mɛnaa minin la, ka gɔn mànan yɛ, kaa kion minin wɔ lɛa. Ka bàan wɔ bɛ́ lɔn, ka n kaa giãǹ bǎã doe lon, màn mɛn bɛ́ toɛ koe ná a doe ka ganaa wa.

LAWA A BOO SONBORE 2011

⁹ Kaa wɔ ǹ ka bɔ̀n nɛ! Ka mɛnaa minin la, ka gɔn mànan yɛ, kaa kion minin wɔ lɛa. Ka bàan wɔ bɛ́ lɔn, ka n kaa giãǹ bǎã doe lon, màn mɛn bɛ́ toɛ koe ná a doe ka ganaa wa.

Abakuku 2:9 ပူးပေါင်းရင်းမြစ်များ

Loen 49:11

Á ke, yiridɛnan dinin nə́ giɛ̃, ǹ nə́ bɔ̀n biɛ kun ka gàãnaan laanka baãnaan nɛ, ǹ nə́ ǹ gɔn mànan toɛ walan min kɔsɔn nɛ.

Loen 52:7

Bɛ lɛ n ke, Lawa á re n dii a n da tán, á re n kuĩ n kion kɛ nɛ, a n giɛraa a soo n ne kanaa, á re n gòɛ̃ boe a bɔ yiikoonaan kanaa kɛ nɛ. Doa

Izayii 28:15

Ka ǹ pii: «Wɔ́ lɛ kɔ kɔn la wɔ ka gɛ̀ nɛ, wɔ́ lɛ kɔ kɔn la wɔ ka geren ne. Bɛ̀ koe daa, a re wɔ yii wa. A giala, soɛ n wɔa mìi duru ǹ bǎã lɛa, màn mɛn bɛ́ a taãn lɛa wa, bɛ n wɔa duru ǹ bǎã lɛa.»

Izayii 5:8

Kaa wɔ n ka bɔ̀n nɛ kasɛn mɛnɛn bɛ́ kion sii ka da ǹ miã li. Ka wuru si ka da ǹ miã li. Ka bǎã tumaa si ka n kɔ lɛ, yǎa ka dininsɔɔ̃nɔn nə goɛ̃ gána lɛ nɛ!

Zeremii 17:11

Min mɛn bɛ́ pàãma biɛ yɔrɔ baraa la, bɛa dɛnaa na á kɔnbɔ ka koo dan nɛ, á waa gìi la, a ná a gìi dɔ da wa. A toa a yii n koo foo kɔɔ̃n la, naforo lɛ nə n gɔn boe a ganaa. A nə n gɔn nyɔmiɛ̃ baãnaa lɛa.

Zeremii 22:23

Sisia, ma n giã-n Liban daã nɛ, ń kii dɔ sɛdrə dan la. Sɛnɛ, bɛ̀ là paparɛɛ daa n tɔwaa, n tá re gini, ka lɔ bɛ́ lɔn nɔɔrɔ koe.

Zeremii 49:16

Ma n nyɛ́ɛ da ǹ màn lɛa, n nə́ n din koɛ n miãn ganaa. Sɛnɛ, ma nə n din siɛ̃. N giã ǹ bǎã n ka kele yalan nɛ, sɛnɛ, n woo giã kele mìi ni. Ta ma n nə́ n kii dɔ lon sɔsɔɔ á la zèwo wɔ nɛ, man die n zuĩ yǎa tán.» Dɛnaa Lawa a da ǹ boo ne.

Zeremii 51:13

Baabilonii, nsɛ ke tà gole lɛ-a, gɔn màn gigiã nə́ n lon, n sàabaa ǹ gɔn nə ka kɛ lɛ nɛ. Ń mɛnaa n miãn la á la yii ni.

Zeremii 51:53

Ta Baabilonii din dii lon sɔsɔɔ, ta á n duru kungɔn sɔsɔrɔn kio, min mɛnɛn bɛ́ re die a ziziɛ̃ taman yii, ǹ gɔn tá re doe a ganaa. Ma dinmaa nə ǹ diɛ. Dɛnaa Lawa a da ǹ boo ne.

Ezekieli 22:27

Kiwi lɛ a nyɛɛnaandɛnan man ka don ginin bɛ́ lɔn siĩ soɛ̃. Ǹ yɔrɔ boemaa nɛ gɛ̀-dɛ taman yii, maǹ minin dii, ǹ nə́ giɛ pàãmaabaa li.

Abdiasi 1:4

Haalɛ ta ma nə ń piɛ̃, ń woo lon ka giogialatã-a bɛ́ lɔn, á kɔɔ̃nɛ, n wo n kii dɔ lon a leeren bii, man die n boe walan, ma n da tán! Ma din Dɛnaa Lawa a da ǹ boo ne.

Zude 1:11

Bɔ̀n nə ǹ wɔ lɛa! A giala, maǹ nə́ Kanyɛ a baraabaa ǹ zii kɛ saa. Ǹ dɔn nə́ n dinin kɔ minin bebele a màn si ǹ dí kɛ la, ka Balaamu bɛ́ á goã zɛnɛɛ lɔn. Koore minin gɔ́ɔ̃ tii lɔn, ǹ tumaa bɔ̀n baa kun, ǹ dɔn man nə́ bɛa zii lɛ saa, ǹ nə́ woe bɔ̀n biɛ.