Abakuku 2:8 - LAWA A BOO SONBORE

⁸ Ká tɔrɔ gigiã gɔn duduu. A bɛ́ miɛ̃, tɔrɔ gialakunun tá re ka dɔn gɔn dudui. A giala, ka mà kaa tán. Ka kakaarɛbaa zɛnaa gánan manɛ, kiwin ni ka ǹ minin ni.

LAWA A BOO SONBORE 2011

⁸ Ká tɔrɔ gigiã gɔn duduu. A bɛ́ miɛ̃, tɔrɔ gialakunun tá re ka dɔn gɔn dudui. A giala, ka mà kaa tán. Ka kakaarɛbaa zɛnaa gánan manɛ, kiwin ni ka ǹ minin ni.

Abakuku 2:8 ပူးပေါင်းရင်းမြစ်များ

Loen 137:8

Baabilonii minin, basaã á die ka-a! Ka baraa mɛn zɛnaa wɔsɛn manɛ, min mɛnɛn bɛ́ re bɛ dòo sarɛɛ ka la, Lawa á re barka diɛ bɛn ganaa.

Suusun 22:23

Taãn nɛ, Dɛnaa Lawa nə ǹ zia gii-dali lɛa, min mɛnɛn bɛ́ mɛnɛɛ ǹ la, Dɛnaa Lawan bɛn nyin boe.

Izayii 33:1

Nsɛ mɛn bɛ́ basaã koe, n wɔ n ka bɔ̀n nɛ, nsɛ mɛn bɛ́ basaã tɔn nə n yɛ wa, nsɛ mɛn bɛ́ minin yiri siɛ̃ ǹ nə́ ǹ tɔn nə nsɛ yiri sã wa! Bɛ̀ n basaã kɔ n nya ǹ mɛn waáraa, ǹ tá re basaã koe n ne. Bɛ̀ n minin yiri sã n nya biikoo mɛn li, ǹ tá re n dɔ yiri siɛ̃.

Izayii 33:4

Maǹ ka gɔn màn goɛ ka bisin bɛ́ màn goɛ lɔn, Maǹ tele ka ganaa ka bisin kuru bɛ́ lɔn.

Izayii 47:6

Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

Zeremii 27:7

Tɔrɔ tumaa á re dí nyɛɛ nɛ, a nɛgiĩn ni ka a nɔ̀ɔnɔn nɛ. Bɛ n die n zɛnɛɛ miɛ̃ yǎa biikoo mɛn li bɛ̀ tɔrɔ gigiã laanka kii pàãdɛnan ná a dɔ a gána da ǹ dɔn pàã giulun.

Zeremii 30:16

Sɛnɛ, min mɛn tumaa basaã kɔ n nɛ, ma á re basaã koe ǹ dɔn manɛ. Ń zɔ́ɔn tumaa á re woe bɛ̀rɛbaa ǹ bǎã nɛ. Min mɛnɛn bɛ́ koɛɛn we n ne, ǹ tá re koɛɛɛn we ǹ dɔn manɛ. Min mɛnɛn bɛ́ mɛnɛɛ n la, ǹ tá re mɛnɛɛ ǹ dɔn la.

Zeremii 50:14

Kasɛn, sa-zũlin lɛn, ka Baabilonii lɛnpɛnɛ, ka yoo a gialaa! Ka pã! Ka nyan ga kaa kiɛn ganaa wa! A giala, á wɔ Dɛnaa Lawa lon.

Zeremii 50:28

Ka n too kɔ! Min mɛnɛn bɛ́ baa sii soe Baabilonii, ka min mɛnɛn yii bɛ́ tɔn koo, bɛn man pii Siɔn nɛ: Dɛnaa Lawa, wɔa Lawa ná a gɛ̀ dòo bɔ. A ná a kion sonbore kɛa gɛ̀ dòo bɔ.

Zeremii 50:37

Ka zia baa a sùin laanka a ziabaa ǹ wotoron ganaa, ka tiin kɛn nɛ zia biɛ a lɛa. Ǹ die ǹ nə n baa ka lɔ pàãwɛɛnaan bɛ́ lɔn! Ka zia baa a naforon ganaa, ka ǹ tumaa kokoo!

Zeremii 51:13

Baabilonii, nsɛ ke tà gole lɛ-a, gɔn màn gigiã nə́ n lon, n sàabaa ǹ gɔn nə ka kɛ lɛ nɛ. Ń mɛnaa n miãn la á la yii ni.

Zeremii 51:24

Sɛnɛ, sii mɛn bɛ re ka yii, á ke, Baabilonii gána laanka Baabilonii minin nə sii mɛn tɔrɔ nyaa Siɔn nɛ, ma dɔ n die bɛ lɛ tɔrɔ nyɛɛ ǹ dɔn nɛ. Masɛ Dɛnaa Lawa a da ǹ boo ne.

Zeremii 51:44

Dɛnaa Lawa pɛ: Man yui Bɛɛli gialaa Baabilonii, màn mɛn bɛ́ a bɔlɔ-n á n mui, man bɛ baɛ̃ ma soo ne. Tɔrɔn ba re yiɛ ǹ wo a li doo wa. Kungɔnɔn mɛnɛn bɛ́ Baabilonii tamaɛ bɛn nə́ kaa.

Zeremii 51:48

Min mɛnɛn doamaa bɛ́ nɛ ǹ kiwi lɛ ziziɛ̃, maǹ boe gɔsɛ a lɛ̀gɔn li. Bɛa waáraa kəni, lon laanka tán ka ǹ gɔ́ɔ̃gɔ́ɔ̃ ǹ mànan tumaa n die gɔ̀lɔ̀baa ǹ lɛ dii a ganaa. Dɛnaa Lawa a da ǹ boo ne.

Zeremii 51:8

Bǎã goon ne Baabilonii mɛnaa, á busu da a din ganaa. Ka gɛ̀ loe lɔ la! Ka nyɔɔ lɔ a busulɛn ganaa, kɔntan á re kaka koe!

Ezekieli 28:16

N pii-kɔ lɛ bɛ́ á gole kɔ, kakaarɛbaa la n yii ni, ń nɔmaa ń sii baraa zɛnaa. Bɛ lɛ n ke ma á n diɛ kun ka min kooron ne, n wɔlɔ ń lui-n Lawa a kele kɛ ganaa. Nsɛ lon màn yiikoonaa minin-tamaali lɛ, ma á re n lui, ma n bɔ kɔlɔ tɛ-pɛlen kɛn bii.

Ezekieli 39:10

Ǹ laadoo ba re doe a ganaa ǹ wo gɔn yɔ don wa, ǹ ba re da kuri daã-n wa. A giala, maǹ die tɛ koɛ ka ziabaa ǹ mànan kɛn lɛn nɛ. Min mɛnɛn nə ǹ mànan goa, ǹ tá re bɛn wɔn goɛ, min mɛnɛn nə ǹ mànan si ǹ la, ǹ tá re bɛn wɔn sii ǹ la. Ma din Dɛnaa Lawa a da ǹ boo ne.

Amɔɔsi 3:10

Masɛ Dɛnaa-n kɛ pii: Samarii minin lɛn ba sii pepere zɛnaa ǹ gɔn doɛ̃ wa. Maǹ kakaarɛbaa ǹ sii zɛnɛɛ, ǹ nə́ mɛnɛɛ minin la, mànan sii kiɛ kɔn la ǹ kionən ne.

Abdiasi 1:15

Á re bǐɛ̃ koe! Dɛnaa Lawa a dɔlɔ bɔ ǹ lɛawaa diri. Tɔrɔn tumaa sii tá a nɛ. Ka dɔn nə zɛnaa lɔn, a n die n zɛnɛɛ ka dɔn man miɛ̃. Ka baraa mɛn zɛnaa, a sii n die kuĩ ka dinin mìi ni.

Abakuku 2:10

Ka n sìi diɛ kaa sumu minin ganaa. Ka tɔrɔ gigiãn mɛnɛn dɛ, ka n ka dinin nyin boe ka bɛ nɛ.

Abakuku 2:17

Ka kakaarɛbaa mɛn zɛnaa Liban ganaa, bɛ n die kuĩ ka dinin mìi ni. Ka tɔɔn dɛ, á ke tɔɔn tá re ka gɔ̀nɔn diɛ bìn diɛ ganaa nyɛ́ɛ gunun. Bɛ tumaa ǹ die n zɛnɛɛ a giala ka mà kaa tán, Ka kakaarɛbaa zɛnɛɛ gánan manɛ kiwin ni ka ǹ minin ni.

Zakarii 1:15

Sɛnɛ, tɔrɔn mɛnɛn bɛ́ ǹ nə́ waa ǹ dinin la taãn-taãnɛ, ma foo n yoo ne bɛn li parsiini. A giala, maa foo-yoo bɛ́ a tɔn gole kɔ Izirayeli li ǹ mɛn waáraa wa, bɛa tɔrɔn kɛn lɛn ná a koe mìi saa lon.

Zakarii 14:12

Tɔrɔn mɛnɛn nə wo Zeruzalɛmu zia baa, Dɛnaa Lawa bɛ́ re koe mɛn diɛ ǹ mìi ni, á ke: Ǹ gɔ̀nɔn siĩ á re boɛ̃, a ǹ toa ǹ yii n koo. Ǹ yiin tá re boɛ̃ ǹ yii yalan nɛ, ǹ lɛwɔn nə bɔɔ̃ ǹ lɛ-n.

Sii-nyaan 6:10

Ǹ nə́ n lɛ dii ka ǹ lɛn gole ne, ǹ nə́ pii: «Nsɛ mɛn bɛ́ Dɛnaa sonbore lɛa, ka taãn nɛ, ma nə n yii diɛ biĩ n tɔn kiri wɔ tán a minbuiinin lɛn ganaa, n wɔsɛn gɛ̀ dòo bɔ ǹ ganaa? A giala ǹ dinin man nə́ wɔsɛn dɛ wɔ́ gã.»