Abakuku 2:3 - LAWA A BOO SONBORE

³ Siin kɛn ma á ǹ nyɛɛ, ǹ tá re yɔrɔ yii. Sɛnɛ, yǎa ǹ biikoo doe. Kànaa ka boɛɛnɛ, ǹ tá re yɔrɔ yii. Soɛ bie wa. Haalɛ ta a biikoo n sɔsɔɔ, n yii da n foo n doa nɛ. Ma boo mɛn pɛ, á re yɔrɔ yii a biikoo li, sàabaa ba la wa.

LAWA A BOO SONBORE 2011

³ Siin kɛn ma á ǹ nyɛɛ, ǹ tá re yɔrɔ yii. Sɛnɛ, yǎa ǹ biikoo doe. Kànaa ka boɛɛnɛ, ǹ tá re yɔrɔ yii. Soɛ bie wa. Haalɛ ta a biikoo n sɔsɔɔ, n yii da n foo n doa nɛ. Ma boo mɛn pɛ, á re yɔrɔ yii a biikoo li, sàabaa ba la wa.

Abakuku 2:3 ပူးပေါင်းရင်းမြစ်များ

Kiin2 6:33

A Yiliizee toa tɔn boo gialaa diɛ, bɛ̀ dia dí-a wole lɛ á ke á daa a li. Kii lɛ pɛ Yiliizee ne: «Á ke, kɛa koe kɛ tumaa n boe Dɛnaa Lawa li. Man boe la man yiri koa wàa ganaa a li doo?»

Loen 102:13

Sɛnɛ, nsɛ kaa, Dɛnaa Lawa nsɛ n kii lɛa yǎa duduu. Biikoo tumaa a minin man die n boo diɛ.

Loen 27:14

N foo kũ, n nə n yii da Dɛnaa Lawa la. N gù we yii n nə n foo taã. N foo kũ, n nə n yii da Dɛnaa Lawa la.

Bɔ bɛ̀rɛbaa nɛ 12:41

Lɛ̀ biɛsii ka pɔsɔɔ lɛ a lɛ piɛ̃ li, bɛa pinaa kɛ lɛ din taãn-taãn nɛ, Dɛnaa a zaman lɛ soo ka tɛrɛɛnɛ, ǹ nə́ n bɔ Ezipti gána nɛ.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 7:4

N die n pɛ-n kɛnɛn: «Giã kiĩ ni, n nyan nyɛ́ɛ baa wa. Resini a foo yoo ka Siirii minin laanka Remalia a nɛgiĩ a foo yoo kɛ nyan nə n gɔ̀nɔn bìn da wa. Maǹ ka tɛ n gɔn lɛ màn paa á ke lɔn tɛmaa boe.

Izayii 8:17

Ma nə n yii diɛ Dɛnaa Lawa la. Á n yɔrɔ bɔyaa bɔrɔ á bɔ Zakɔba tɔrɔn la. Sɛnɛ, masɛ yii n doa-n a din la.

Zeremii 27:7

Tɔrɔ tumaa á re dí nyɛɛ nɛ, a nɛgiĩn ni ka a nɔ̀ɔnɔn nɛ. Bɛ n die n zɛnɛɛ miɛ̃ yǎa biikoo mɛn li bɛ̀ tɔrɔ gigiã laanka kii pàãdɛnan ná a dɔ a gána da ǹ dɔn pàã giulun.

Ezekieli 12:25

A giala, masɛ din nə Dɛnaa Lawa lɛa. Bɛ̀ ma màn mɛn pɛ, bɛa zɛnaa ba ǹ lɔloɛ wa. Man die ka toɛ ka yii n koo tɔrɔ piã-wɔlen lɛn, ma bɛ́ màn mɛn pii, ma bɛ zɛnaa. Ma din Dɛnaa Lawa a da ǹ boo ne.»

Ezekieli 30:9

Bɛa pinaa kɛ lɛ nɛ, ma á re minin diɛ mu la ǹ goo ne, ǹ wo nyɛ́ɛ da Etiopii minin kɛn ganaa, ǹsɛn mɛnɛn bɛ́ taasɛ, mà ǹsɛn man là nyantoro la. Ezipti minin sii lɛ a pinaa, ǹ gɔ̀nɔn tá re bìn diɛ. Á ke, a lɛawaa á die.

Misee 7:7

Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.

Sofonii 3:8

Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

Minin nimi 23:19

Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Luku 2:25

Á daa yaa giĩ goon tá Zeruzalɛmu kiwi, a tɔ n Simiɔn. Bɛa giĩ lɛ na á goã min pepere lɛa, a n nyɛ́ɛ biɛ Lawa yii ni, bɛ̀ á n yii diɛ Izirayeli minin nyin-sili lɛ la. Lawa a Yiri Fu na á goã la,

Nya ǹ dín 1:7

Á pɛ ǹ nɛ: «Maa Díi bɛ́ á biikoon mɛnɛn koa ka a din pàã nɛ, ka doamaa bie ka bɛn dɔ̃ wa.

Nya ǹ dín 17:26

A kũ min goon toto ganaa, á tɔrɔ tumaa da, mà ǹ giã kanaa paǹ din tumaa nɛ, á ǹ biikoon laanka ǹ giã ǹ bǎãn koa.

Galaasi minin 4:2

A saa a tenmaa ganaa, a n goɛ̃ a tooli laanka a sii yɔrɔ-bɔlen wɔ gɔ́ɔ̃ nɛ, ǹ di biikoo mɛn pɛ, yǎa bɛ doe.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.

Piɛrɛ2 3:9

Dɛnaa nə n lɛ kɔ ka a daa boo mɛn nɛ, a bie n nyɔnyoɛ bɛa zɛnaa li, ka min tɛnɛn bɛ́ taasɛ lɔn wa. Sɛnɛ, a nə́ n foo kuĩ, á ka dinin sii sii a ganaa, a giala, a giɛ li mà min kɔ́n bɔ̀n baa wa, sɛnɛ, a n giɛ li minin tumaa wusoo ǹ sii baraan kio, ǹ da Lawa ganaa.