Abakuku 2:14 - LAWA A BOO SONBORE

¹⁴ Sonbore, min tumaa á re Dɛnaa Lawa a gugurubaa doɛ̃. Á re tán piɛ̃ ka yìsi mu gole bɛ́ lɔn.

LAWA A BOO SONBORE 2011

¹⁴ Sonbore, min tumaa á re Dɛnaa Lawa a gugurubaa doɛ̃. Á re tán piɛ̃ ka yìsi mu gole bɛ́ lɔn.

Abakuku 2:14 ပူးပေါင်းရင်းမြစ်များ

Loen 22:27

Doobaan tá re màn bii ǹ kã, min mɛnɛn bɛ́ giɛ Dɛnaa Lawa li, bɛn tá re a guguru koe. A die a ka foo nyɛɛ a yii-nyɛɛ kɔ ka la!

Loen 72:19

Barka tá Lawa Gole lɛ ganaa, yǎa duduu. Kanaa din tumaa die a pã ka a gugurubaa nɛ. A n baa miɛ̃, a n baa miɛ̃!

Loen 86:9

Dɛnaa, n tɔrɔn mɛnɛn tumaa zɛnaa, bɛn tá re die kiɛ tán-a n yɔrɔ-a, ǹ nə n tɔ guguru kɔ.

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 33:6

A n die goɛ̃ ǹ yii-nyɛɛ lɛa yǎa duduu. A din ni minin kirisibiɛ, a n yiridɛnaa lɛa, a n sii tumaa doɛ̃. Nyɛ́ɛ baa Dɛnaa Lawa yii-n nə naforo lɛa.

Izayii 40:5

Ka bɛ-n kəni, Dɛnaa Lawa a siĩnbaa á re n doɛ̃. Minbuiin nɛ tumaa á re yii, ǹ dɔ̃ mà Dɛnaa Lawa boo da.

Izayii 6:3

Maǹ nə́ goã parɛɛ, ǹ nə́ pii kɔn nɛ kɛnɛn: «N tá sonbore, n tá sonbore, n tá sonbore Dɛnaa Lawa Pàãyiidɛnaa! N tɔ golebaa tán tumaa pã.»

Zeremii 31:34

Min kɔn ba re ǹ miã hinlaa ǹ dɔɔ̃n darɛɛ a pɛ-n kɛnɛn wa: «Ka n daraa Dɛnaa Lawa doɛ̃ ganaa!» A giala, min tumaa á re ma doɛ̃. A kũ nɛnyaanan ganaa, a wo min zizin yaa. Ma á re ǹ sãn toɛ ǹ nɛ, ma yiri bɔ ka ǹ sii baraan nɛ. Dɛnaa Lawa a da ǹ boo ne.

Ezekieli 47:5

Bɛ kio doo, á wusoo á gùrù yii duu goon zɔɔ̃. Bɛa bǎã a mu na á goã mu gole lɛa ma goã boe la ma á kuri wa. A giala, mu lɛ na á goã á dii lon, min ba boe la á kuri ka yɔrɔ kɔsɔ-n wa, yǎa bɛ̀ á mu biɛ doɛ̃.

Misee 2:9

Lɔn kɛn, maa zaman lɛ wɔn lɛa, kionən mɛnɛn bɛ́ kɔɔ̃n bɛn ganaa, ka nə ǹ lui ǹ boe bɛn nɛ. Ǹ nɛnyaanan kɛn, ká maa bǐɛ̃ kurəə bɛn ganaa duduu.

Abakuku 2:15

Kaa wɔ n ka koe ne! Mi ǹ màn mɛn bɛ́ baraa ka sèwò bɛ́ lɔn, ka ǹ bɛ koe ka miãkɛnɛn la ka pàã nɛ ǹ mi a ǹ yii kũ, màn mɛn bɛ́ toɛ ka ǹ tontoro yɛ.

Abakuku 3:3

Lawa n boe Temaa, Lawa sonbore lɛ n boe Paran a kelen la. *Doa A golebaa lon pã, a tɔ laakalaa tán pã.

Sofonii 3:9

Ma á re tɔrɔn tumaa *yoreen koe, màn mɛn bɛ́ toɛ, ǹ boo la ǹ masɛ Dɛnaa Lawa nyankɔ, ǹ dí nya ma nɛ ka foo goon ne.

Minin nimi 14:21

Sɛnɛ, bɛ̀ ma n liɛ wa, ma yii bie koo, maa gugurubaa kanaa gɔ́ɔ̃ tumaa pã wa.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»