Abakuku 1:16 - LAWA A BOO SONBORE

¹⁶ Maǹ wúlu mànan koe ǹ zɔ̀ɔn lɛn la, maǹ màn giĩ kɔɔ̃n tiɛ̃ ǹ kokoon wɔ lɛa. A giala, mà ǹ dinin barka nɛ ǹ tá zɔ̀ gigiã kuĩ, ǹ nə́ màn-bii kɔɔ̃n yii.

LAWA A BOO SONBORE 2011

¹⁶ Maǹ wúlu mànan koe ǹ zɔ̀ɔn lɛn la, maǹ màn giĩ kɔɔ̃n tiɛ̃ ǹ kokoon wɔ lɛa. A giala, mà ǹ dinin barka nɛ ǹ tá zɔ̀ gigiã kuĩ, ǹ nə́ màn-bii kɔɔ̃n yii.

Abakuku 1:16 ပူးပေါင်းရင်းမြစ်များ

Loen 22:29

A giala Dɛnaa Lawa n kii lɛa. A din nə gánan mìi la.

Izayii 37:24

Ma nə ń sɔ kɔ masɛ Dɛnaa ganaa, n dí-nyalin barka nɛ. Ma nə ń pɛ: Masɛ Senankeribu, maa ziabaa ǹ wotoron kɛn pàã nɛ, má dii kele sasan mìi ni, yǎa Liban kele baã bii, má a *sɛdrə da sonboren kuru, ka a siprɛsi da sonboren ne. A kele lɛ a mɛn mìi la bɛ́ lon, á la ǹ miãn tumaa nɛ, ma gɔn dɔ bɛ ganaa, kɔnlɛ ka a daã sonbore kɛ nɛ.

Zeremii 44:17

Wɔ sii mɛn tumaa koa wɔ yɔrɔ-a, wɔ ǹ bɛ zɛnɛɛ. Wɔ ǹ da yon gìĩ kɔɔ̃n laanka duvɛ̃ zumii lon a kii lɔ wɔ lɛa. Bɛ ǹ wɔa zɛnaa ǹ sii lɛa haalɛ bibi, wɔ dinin ni, wɔ din ni, wɔa kiin ni ka wɔa gána nyɛɛnaandɛnan nɛ Zudaa kiwin ni ka Zeruzalɛmu ziin la ǹ nɛ. Bɛa biikoo li, màn-bii goã wɔ lon, là nyantoro ne, wɔ a koe doɛ̃ wa.

Zeremii 44:8

Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Ezekieli 28:3

Á ke, n tá sii doɛ̃ ń la Danieli ni. Sii-durii kɔn banban, mà n nə n ba bɛ doɛ̃ wa.

Ezekieli 29:3

Boo da n pɛ, mà masɛ Dɛnaa Lawa n kɛ pii: Nsɛ Eziptin kii Faarahɔn kɛ lɛ, man die n gialaa. Nsɛ mu li ǹ màn babaraa kɛ lɛ, waa-n tán Ezipti a tà gòã nɛ, táa n din nə́ ń pɛ mà nsɛ din a tà n ka n tà nɛ, ma nsɛ nə ń zɛnaa n din wɔ lɛa.

Abakuku 1:11

Maǹ kiɛ̃ ka ǹ zii ni, ka piɛ̃ gole bɛ́ lɔn. Ǹ dinin yii li, ǹ pàã kɛ lɛ n lawa lɛa.

Timəə dí-pɛn 8:17

Ka nyan taasɛ ka dinin gɔ́ɔ̃ nɛ: mà ka dinin doa laanka ka dinin pàã na á toa, ká bɛa gɔn mànan kɛn lɛn yɛ wa.