Yaheiya 7:19 - Hudani Kielien

¹⁹ Musa tande guijinni ogiwola? Kiema uye zunjizho. Ta yangiezhi mii alane giezho?"

Yaheiya 7:19 ပူးပေါင်းရင်းမြစ်များ

Matai 12:14

Falisai kunla khizhi echidene "Ersai matugie widaghane?" giezhi shanlian giewo.

Matai 21:38

Bouisan kunla kewonyini chanladene nieniedene kielienduzho, 'Eneshi jiachanni jienliechen wo. Matan enei aladene jiachanni zhanjiye!'

Make 11:18

Fugie buwa, jinwun hanjiala ene kielienyi chenliedene banfa xianjizhi Ersai widaghane giezho. Olon kunla man hhe sughasan tebie gou wo giese hhense ayizho.

Make 3:4

Ersa kunlade kieliezho, "Hhamuraku udude gouni giese gou onu, huaini giese gou wo? Aminni jiuinu, heine? Alinie oluzho?" Hhela yama shenqi ese khizhewo.

Make 3:6

Falisai kunla khizhi echidene deigo Hherodepai kunlare shanlian giezhi Ersai matui widaghane giezho.

Yaheiya 1:17

Guijinshi Musase irezho. Nenjien, zhennishi Ersa Mexihase irezho.

Yaheiya 10:39

Ingiese hhela Ersai pse bareine giese Ersa hhelai khase anda yolasenu

Yaheiya 11:53

Hhe uduse hhela shanlian giezhi Ersai alane giezho.

Yaheiya 5:16

Ingiese Yutai kunla Ersa chan hhamuraku udude enezighan shiqinlai giese hhei heizhi qiiwo.

Yaheiya 5:18

Ingiese Yutai kunla hhei alane giezhi hendawo. Hhe hhamuraku udui guijinyi ese zunjizho, da Hudashi goyai Ada wo giezho. Pse goyane Hudaghala pin wo giezho.

Yaheiya 5:45

Bi Adai melie tai zhane giezhi bu sumula. Tai zhakui da nie wine. Ta kouizhi xianxin giesan Musa tai zhane.

Yaheiya 7:1

Enense khuinashi Ersa Jialilide toreizho. Hhe Yudayade echiku duran uwo. Yutai kunla hhei alane giezho.

Yaheiya 7:25

Yelusalenyi niezhan kunla kieliewo, "Eneshi hhela alane giesan kun pushonu?

Tujila 7:38

Ene Musa hontandedu Isilie kunlare hhantu wo. Mai xienrenghala hhantu Xinaishan jiere hhende kielien kieliesan qienxienyi tungo giezhi amin ogiku kielienyi jienliedene matande chonjizhi ogiwo."

Jialatai 3:19

Qinse guijinshi yan wo? Guijinshi Iburaheimude dain giesan houdei iretula zuini mejieghane giezhi jiaisan wo. Guijinshi qienxienlai tungo giezhi dundadu kunyi khai jingo giezhi jinjisan wo.

Jialatai 6:13

Hhezighan hetoune giesan kunla goyalane guijinni ulie zunjidene tai hetoune gieghakushi tai beyei tungo giezhi goyane kuaine giezho.