Yaheiya 5:24 - Hudani Kielien

²⁴ Bi tande shuhuajia kielieye, kien mii kielienyi chenliezhi mii peizhi ireghasan hhei xianxin giese chanqiku amin wine. Zui ulie soughane, fugukuse amitude ijin ireghawo."

Yaheiya 5:24 ပူးပေါင်းရင်းမြစ်များ

Matai 25:46

Enezighan kunla chanqi faikude orone, gou kunla chanqi amitukude orone."

Make 16:16

Xianxin giezhi xilii jienliese jiuine, xianxin ulie giese zui jinjine.

Yaheiya 11:26

Kun amitu bikude mii xianxin giese chanqi ulie fugune. Chi eneni xianxin gienu?"

Yaheiya 12:44

Ersa fugiede kieliewo, "Kunla mii xianxin giese zinie mii xianxin giesan pusho, mii peizhi ireghasan hhei xianxin giezho.

Yaheiya 20:31

enende jilasanlashi Ersashi Hudai Kewon Mexiha bikui tai xianxin gieghane giezhi pse xianxin giedene hhei niereghala tande amin ireghane giezhi huaizho.

Yaheiya 3:16

Huda duyani kunlade olon orezhi lien niekozi kewonneliuzhe ogiwo. Ingiese jien hhei xianxin giesan kunlai ulie widaghazhi chanqiku amin ogine giezho.

Yaheiya 3:18

Hhei xianxin giesan kunlade zui ulie jinjine. Xianxin ulie giesan kunlade zui ijin jinjiwo. Hhela Hudai niekozi kewonni xianxin ese giezho.

Yaheiya 3:36

Kewonyini xianxin giesan kunde chanqiku amin wine. Hhei ulie shunjichen kunde amin uwo. Hudai hokuku chan hhei jiere wo."

Yaheiya 4:36

Ghurasan kun gunzi bareizhi chanqiku aminde ugu cunjizho. Ingiese tareisan kun ghurasan kunghala hhantu bayasune.

Yaheiya 6:40

Adaimi isishi Kewonyini uzhedene xianxin giesan kunlade man chanqiku aminyi ogine. Duya barakudeni bi hhelai aminne olughane."

Yaheiya 6:47

Bi shuhuajia kielieye, xianxin giesan kunde chanqiku amin wine.

Yaheiya 6:50

Eneshi asiman jierese bouzhesan ginan wo. Kun ijiese ulie fugune.

Yaheiya 6:51

Bishi asiman jierese bouzhesan amin ogiku ginan wo. Kun ijiese chanqi amitu wo. Ene ginanshi mii migha wo, duyai kunlai aminde oluzhi ogizho."

Yaheiya 6:58

Eneshi asiman jierese bouzhesan ginan wo. Enei ijiesan kun chanqi amitu wo. Tai xienrenghala buxian wo, manai ijieliuzhe fuguwo."

Yaheiya 8:51

Bi shuhuajia kielieye, kien mii kielienyi chenliese hhe chanqi ulie fugune."

Loma 8:1

Ingiese ede Mexiha Ersai miendedu kunlade zui jiedui ulie jinjine.

1Qiesalonijia 5:9

Huda mai sunghuse faine ese giezho. Mai Ezhan Ersa Mexihai tungo giezhi jiuine giezho.

1Beduru 1:21

Ta Mexihai tungo giezhi hhei fugusan kun dundase aminne olughazhi hhende kuaikui ogisan Hudai xianxin giezho. Ingiese ta xianxin giesan, panjisanne man Hudade kouizho.

1Beduru 1:5

Huda ta xianxin giekui tungo giezhi nenlighalane tai baohu giedene duya barakude xienjizhi khizhene giesan jiuikui tande ogine.

1Yaheiya 3:14

Matan gaijiulade orese fugukuse amitude iresei mejiene. Ulie orechenla fugukude beizho.

1Yaheiya 5:1

Kien Ersashi Mexiha wo giezhi xianxin giese hheshi Hudase iresan kewosi wo. Adade oresan kun hhei kewosideye orene.