Yaheiya 1:29 - Hudani Kielien

²⁹ Khuichuduni Ersa hhelai hhende iresei Yaheiya chanladene kieliewo, "Uzhe, duyai kunlai zuini widaghaku Hudai ghoni ghughan wo!

Yaheiya 1:29 ပူးပေါင်းရင်းမြစ်များ

Matai 1:21

Hhe nie kewon olune. Niereini Ersa giezhi ogi. Hhe bexinlane zui dundase jiuine."

Matai 20:28

Kunnikewon irekushi kunlai ushilaghale ese irezho. Kharei kunlai ushilazhi aminne sheidene olon kunlade shuiku Jiage danlale irezho."

Yaheiya 1:35

Khuichuduni Yaheiya ghua tujilaghalane hhantu hhende beizho.

Yaheiya 1:36

Yaheiya Ersai yosei chanladene kieliewo, "Uzhe, Hudai ghoni ghughan wo."

Yaheiya 1:43

Khuichuduni Ersa jiejin giezhi Jialilide echine giezho. Ingiekude Feilii penjidene hhende kieliewo, "Chi mii dagha."

Yaheiya 2:1

Ghurudude Jialilini Jianade kunla ghurun ijiezho. Ersai anani ye hhende wo.

Yaheiya 3:16

Huda duyani kunlade olon orezhi lien niekozi kewonneliuzhe ogiwo. Ingiese jien hhei xianxin giesan kunlai ulie widaghazhi chanqiku amin ogine giezho.

Yaheiya 4:42

Hhela biereide kieliewo, "Bijien ede xianxin giese chi kieliesan pusho. Bijien goyane hhei kielienyini chenliedene hheshi zhenzhenji duyani jiuichen enbekui mejiewo."

Yaheiya 6:51

Bishi asiman jierese bouzhesan amin ogiku ginan wo. Kun ijiese chanqi amitu wo. Ene ginanshi mii migha wo, duyai kunlai aminde oluzhi ogizho."

Tujila 13:39

Musai guijinghala giese gounide sana danema, Ersai xianxin giesan kunlai man yanseliuzhe gounide sanane.

Tujila 8:32

Hhe onshisan jinwun jiere kieliezho, "Hhei ghoni zharuchen kun shida echiku ghoni mutun lai echiwo. Usun ghighachen kunni kha douradu qioqioji ghoni mutun hhe amanne ese angheiwo.

1Gelindo 15:3

Bi eqighandei jienliesan zui zhunyo daolini tande chonjizhi ogiwo. Jiushi jinwun jiere kieliesan mutun Mexiha mai zuide oluzhi duya ijiewo,

2Gelindo 5:21

Huda hhe zui wituni matande oluzhi zuitu gholughakushi matanyi hhei sudoro Hudai gouni gholughane giezho.

Jialatai 1:4

Huda mai Adai isighala Mexiha ene doghun duyase mai andaghane giezhi mai zuide oluzhi goyane sheiwo.

Jialatai 3:13

Jien mutun jiere gualasanlai kharane giezhi jinwun jiere jilasan mutun Mexiha matande oluzhi kharakui shouizhi guijinni kharakuse matai shuiwo.

1Qimotai 2:6

Hhe soyuji kunlade oluzhi goyane shuiku jiage danlawo. Heshini shihou kuzhese ene shiqinde zhenmin giewo.

Qido 2:14

Hhe matande oluzhi goyane duya ijiekushi soyuji uhunnise mai shuizhi ganjinraghadene goyadene bexin danlaghazhi rexinde gouni gieghane giezho.

Xibolai 1:3

Hheshi Hudai famatui faighachen gon wo. Hudai xinbinni onqiende daibio giezho. Nenlitu kielienghalane yanyanjilai gonjizho. Mai zuini ganjinraghadene undu, fugietu Hudai borun miende souzho.

Xibolai 2:17

Ingiese hhe gofanmiende gaijiularene xianlitui gholuse indanji wo. Ingiekushi Hudai melie ubali xiichen, shixinji giechen zui fugie buwa gholudene kunlai zuini shuine giezho.

Xibolai 9:28

Mexihaye olon kunlai zuini danjine giezhi goyane niefade sidagha giewo. Jianlai ji 2 hui xienjizhi khizhezhi zuini danjikughala gonxi widene hhei hende sagheisan kunlai jiuine.

1Beduru 1:19

Mexihani zhiguitu chusunghala wo. Hoxian goujida uye chaizhi ese cheiqisan ghoni ghughanyi chusunyi xianli.

1Beduru 2:24

Hhe qinsi beyeghalane shizijia jiere mai zuini danjidene mai zui dunda udu ulie daoghazhi gounide udu daoghawo. Hhe shan deiladene ta goudawo.

1Beduru 3:18

Mexihaye zuini yenyinzhe 1 huide duya ijiewo. Ingiezhi gou kun gou witu kunyi deilawo. Ingiekushi Hudai melie tai echighane giezho. Beyeghala kieliese hhe duya ijiewo, ruhherghala kieliese aminne oluwo.

1Yaheiya 2:2

Hhe mai zuini deilazhi fuguwo. Zi mai zuide pusho, qienxiani kunlai zuide oluzhi fuguwo.

1Yaheiya 3:5

Ersa Mexiha zuini widaghale iresanyi ta mejiene. Hhende yama zui uwo.

1Yaheiya 4:10

Eneshijiu oreku wo. Matan Hudade oresan pusho. Huda matande orezho. Hhe matande orezhi kewonne peizhi ireghadene mai zuini deilazhi fuguwo.

Mejieghasan 12:11

Gaijiula lunni injikushi ghoni ghughanyi chusun, pse goyalane ganzhen beisan daolighala wo. Hhela amindene ulie orezhi fugukude kuzho.

Mejieghasan 13:8

Jien zemin jiere sousan, niereini duyai zhayaghasanse alasan ghoni ghughanyi aminni jilasan benzi jiere ese jilasan kunla man hhei beiine.

Mejieghasan 14:1

Bi chanlase ghoni ghughan Xiwunshande beizhi 144000 kun hhere hhantu wo! Hhelai manlou jiere hhei nierei, adaini nierei huaizho.

Mejieghasan 14:10

kienye Hudai hokukui shouine. Huda zui fugiede hokukune ireghane. Ene kunla zhiguitu qienxien, ghoni ghughanyi melie khan, liuhon dunda tendun shouine.

Mejieghasan 14:4

Enezighan kunla biereini shighazhi ese daozho, biereilare kijiezhi ese daozho. Ghoni ghughan khala echise hhela hhei daghazho. Hhelashi kun dundase shuizhi iredene Hudaji ghoni ghughonde ogisan tou 1 ban kun wo.

Mejieghasan 15:3

Hudai hoji Musai don, ghoni ghughanyi donni doulazhi kieliezho, "Ezhan Huda, fugie nenlituya, chii gieku fama wo, ghudure wo! Soyuji gojiani honshanya, chii mo gundan wo, zhen wo!

Mejieghasan 17:14

Hhela ghoni ghughanre eghindune. Ghoni ghughan hhelase injikushi ghoni ghughanshi ezhan dundadu Ezhan wo, honshan dundadu Honshan wo. Hhezighan urusan, sunghusan, shixinji giesan kunlaye ghoni ghughanre hhantu injine."

Mejieghasan 19:7

Matan hende bayasuzhi kuaikui hhende ogiye. Ghoni ghughan ghurun ijieku shihou kuzhewo, Shini biereini zhunbei gie goudawo.

Mejieghasan 19:9

Qienxien made kieliezho, "Chi ingiezhi huai, 'Ghoni ghughanyi ghurunde xinlazhi iresan kunlade fuqi wine.'" Pse made kieliezho, "Eneshi Hudai shuhuajia kielien wo."

Mejieghasan 21:14

Chenshini dande 12 gie jichu wo, jichu jiere ghoni ghughanyi 12 gie shituni niere wine.

Mejieghasan 21:27

Jien ganjin witu, pse hanzhan gieghachen, ghudan kieliechenlai hhende ulie oroghane. Zinie ghoni ghughanyi aminni jilasan benzi jiere nierei jilasanlai oroghane.

Mejieghasan 21:9

Zuihouku dolon zeinanni zhonlo durughasan dolon antan ighani bareisan dolon qienxien dundadu nie made kieliewo, "Chi ire, bi chade shini biereii uzheghaye, ghoni ghughanyi bierei wo."

Mejieghasan 5:6

Bi pse chanlase baozo, jieran amitu ojien, zhanlao dunda nie ghoni ghughan beizho. Alazhi daosei xianli. Hhende dolon gocha, dolon nudun wine, eneshi duyai gochude peizhi echighasan Hudai dolon ruhher wo.

Mejieghasan 5:8

Shuni agise jieran amitu ojien, 24 gie zhanlao ghoni ghughanyi melie papalawo. Manla qin, xian durusan antanni luzii bareizho. Ene xianshi shentulai onxian wo.

Mejieghasan 6:1

Bi chanlase ghoni ghughan dolon fenqio dundadu ji 1 giei keighakude sonosuse jieran amitu ojien dundadu niekozii shenqini olien tunguliesan mutun, "Chi ire." giezhi kieliezho.

Mejieghasan 6:16

ulade tashide kieliezho, "Bijienyi jiere bouzhe! Baozo sousei ungiese, ghoni ghughan hokusanse bijienyi niuigha!

Mejieghasan 7:14

Bi hhende kieliewo, "Mii gujiu, chi mejiene." Hhe made kieliewo, "Enezighan kunla zeinan dundase khizhezhi ghoni ghughanyi chusun hhelai jienni waghazhi chighanshighazho."

Mejieghasan 7:17

Ingiekushi baozo dundadu ghoni ghughan hhelai chezhezhi udurudene aminni usui bula konde echine, Huda hhelai nunpusunyi saine."