Yaheiya 1:14 - Hudani Kielien

¹⁴ Ene Kielien kun gholudene mai dunda souzho. Matan hhei famani uzhese zhen Adani niekozi Kewonni famani wo. Hhei sudoro nenjien, zhendao olon wo.

Yaheiya 1:14 ပူးပေါင်းရင်းမြစ်များ

Matai 1:16

Yagebude Yusufuni oluwo. Yusufushi Mereiyenni zhanguiji wo. Mereiyen Mexiha giesan Ersai oluwo.

Lujia 2:11

Enedu Dawude Chenshide tande nie Jiuichen oluwo, hheshi Ezhan Mexiha wo.

Lujia 2:7

Toushude nie kewon oluwo. Lishede oron widadene popude boui onghochode kijieghawo.

Lujia 9:32

Beduru, Bedurui nokielani hende nokuru hhunturazho. Hhela xiereisenu Ersai gonqii chanlawo. Hherezhe ghua kun hhantu beizho.

Yaheiya 1:1

Zui melieshida Kielien wine. Ene Kielien Hudaghala hhantu wo. Ene Kielienshi Huda wo.

Yaheiya 11:40

Ersa kieliewo, "Chi xianxin giese Hudai famai chanlakuni bi chade kieliezhi ese daowu?"

Yaheiya 14:6

Ersa kieliewo, "Bishijiu mo wo, zhendao wo, amin wo. Mase tungo ulie giese kiemada Adai hhende echi dane.

Yaheiya 14:9

Ersa kieliewo, "Feili, bi tanre hhantu imeghenicha oluzho. Chi da mii tani dazhou? Kun mii chujieghese Adaimi chujieghezho. Chi matugie 'Adai bijiende uzhegha.' giezhi kieliene?

Yaheiya 17:22

"Chi made ogisan famani bi hhelade ogiwo. Ingiese hhelai matan mutun nie gholughane.

Yaheiya 17:24

Ada, chi made ogisan hhela bi khalashi khala bizhi mii famani hhelade uzhegha. Ene mienzishi duyai zhayaghaku melie chi made orezhi ogisan wo."

Yaheiya 18:37

Bilado hhende kieliewo, "Ingiese chishi honshan onu?" Ersa kieliewo, "Bishi honshan wo giezhi chi kieliezho. Mii oluzhi duyade iresanshi zhendaode ganzhen beine giezho. Zhendaode beisan kunla mini kielienyi chenliene."

Yaheiya 2:11

Eneshi Ersa xienjighasan tou 1 gie ghudureqi wo. Jialilini Jianade xienjighawo. Ene ghudureqighala kunlade famane mejieghawo. Ingiese tujilani hhei xianxin giewo.

Yaheiya 3:16

Huda duyani kunlade olon orezhi lien niekozi kewonneliuzhe ogiwo. Ingiese jien hhei xianxin giesan kunlai ulie widaghazhi chanqiku amin ogine giezho.

Yaheiya 3:18

Hhei xianxin giesan kunlade zui ulie jinjine. Xianxin ulie giesan kunlade zui ijin jinjiwo. Hhela Hudai niekozi kewonni xianxin ese giezho.

Yaheiya 6:51

Bishi asiman jierese bouzhesan amin ogiku ginan wo. Kun ijiese chanqi amitu wo. Ene ginanshi mii migha wo, duyai kunlai aminde oluzhi ogizho."

Yaheiya 8:32

Ta zhendaoni mejiene, zhendao tai ziyushighane."

Tujila 13:33

Ersai aminne olughazhi matan houdei danlasan kunde chenjighawo. Zeburei ji 2 piende jilasan mutun, 'Chishi mii kewon wo. Enedu bi chade ada danlawo.'

Loma 8:3

Kunde lilian wiku yenyinghala guijin gie dakui Huda giewo. Huda zuini widaghane giezhi Kewonne zuitu beyeni yanzighala peizhi ireghadene zuini kunlai ese gonjighawo.

Loma 9:5

Hhe famatu xienrenlashi hhelanughun wo. Mexihaye kunni fanmiende kieliese hhelase khizhezho. Mexihashi manlai gonjisan Huda wo, chanqi doulakui wo. Amine!

1Gelindo 15:47

Ji 1 gie kun zeminse irezho, turanughun wo, ji 2 gie kun asimanse irezho.

2Gelindo 12:9

hhe made kieliewo, "Mii nenjien chade kuruzho. Mii nenli kunni zholienni jiere onqienshine." Ingiese bi goya zholiennine kuaikude hende xiqi bizhi Mexihani nenlii goya jierene huighane giezho.

Jialatai 4:4

shihou onqienji kuzhese Huda kewonne peizhi eme kunyi tungo giezhi guijin doura ireghadene

Ifuso 3:8

Shentulai dundadu zui ganise da gajitu made Huda nenjien ogizhi Mexihani mejiezhi baragha daku olonnii niman kunlade chonji giezho.

Geloxi 1:19

Huda bayasuzhi hulunnine man hhei sudoro teizhi

Geloxi 2:3

Hhei sudoro soyuji agheli, erlinni boubeilai man ghurazho.

Geloxi 2:9

Hudai soyuji tejienla kunni beyeghala iresan Mexihani jiere man wine.

1Qimotai 3:16

Matanyi xinyanni mimi chijia wo. Enende yama kieliekuni uwo. Hhe kunni beyeghala khizhewo. Shenlin ganzhen beizhi hheshi gundanni wo giezho. Qienxienla hhei chanlawo. Hhei olon minzulade chonjidene Duyani kunla xianxin giewo. Famani dunda jienlie khireiwo.

Xibolai 1:3

Hheshi Hudai famatui faighachen gon wo. Hudai xinbinni onqiende daibio giezho. Nenlitu kielienghalane yanyanjilai gonjizho. Mai zuini ganjinraghadene undu, fugietu Hudai borun miende souzho.

Xibolai 1:5

Huda alinie qienxiende, "Chishi mii kewon wo. Enedu bi chade ada danlawo." giezhi kieliezhi daozho? Pse, "Bi hhende ada danlane. Hhe made kewon danlane." giezhi kieliezhi daozho?

Xibolai 10:5

Ingiese Mexiha duyade irekude Hudade kieliezho, "Sidagha gieku dunxi, murelai chi ese keredene mii beyeni mure danlaghane giezhi zhunbei giewo.

Xibolai 2:11

Kunlai zhiguishighasan Ersa, pse hhezighan zhiguishisan kunla man nie Adase irezho. Ingiese hhe hhelai gaijiu giezhi uruse shizhekui uwo.

Xibolai 5:5

Niekielien wo. Mexihaye zui fugie buwa danlaku kuaikui goyadene ese ireghazho. Zinie chishi mii kewon wo. Enedu bi chade ada danlawo giesan Huda hhende kuaikui ogizho.

1Yaheiya 4:14

Ada kewonne peizhi duyani kunlai jiuighale iresei bijien chanlawo, ye ganzhen beine.

1Yaheiya 4:9

Huda orekune matande ingiezhi uzheghawo. Huda niekozi kewonne peizhi duyade ireghadene hhei tungo giezhi matanyi amituraghawo.

2Yaheiya 1:7

Duya jiere olon piendachen kun khizhezho. Hhela Ersa Mexiha beye gholuzhi iresei ulie renjine. Hhelashi piendachen kun wo, Mexihani duitou wo.

Mejieghasan 19:13

Hhe chusun xireighasan jienni musizho, niereini Hudai Kielien giene.

Mejieghasan 21:3

Bi pse sonosuse fugie shenqi baozose khizhezhi kieliezho, "Uzhe, Hudai zhanfan kun dunda wo! Huda kunlare hhantu soune. Hhela hhende bexin danlane. Huda qinsi hhelare hhantu wine.