Yagebu 3:2 - Hudani Kielien

² Matan dajiala go fanmiende cowu fanjine. Nie kun kielien jiere yama cowu ulie fanjise hheshi hulun kun wo. Goya hunshenne man kunzhi gie shidane.

Yagebu 3:2 ပူးပေါင်းရင်းမြစ်များ

Matai 12:34

Ta ene du mogheini zhunzhughala, ta doghunshi matugie gou kielien kieliezhi khizheghane? Zhughede durusei amande kielie khizheghane.

Matai 12:37

Tai kielienghala tai gounii sanane. Tai kielienghala tai zuini jinjine."

Loma 3:10

Jinwun jiere jilasan mutun, "Gou kun uwo, nieliuzhe uwo.

Loma 7:21

Bi nie guijin mejiewo. Bi gounii giene giekude doghunniye hhantu wo.

1Gelindo 9:27

Bi beyene hende gonjizhi kunzhi giene, pse bi kunlade gouxioxii chonjizhi ogidene goyane baxi olune.

Jialatai 3:22

Ingiezhoma, soyuji kunlai zuide qienji jiezho giezhi jinwun jiere kieliezho. Ingiedene Ersa Mexihai xianxin giezhi iresan dainni xianxin giesan kunlade ogizho.

Jialatai 5:17

Beyeni nefuxin Shenlinghala zodui giezho, Shenlinye beyeghala zodui giezho. Ene ghuala nieniene zodui giezhi ta duralasan shiqinni ulie gieghane.

Geloxi 1:28

Bijien hhei chonjizhi olon aghelighala jien kunyi jingao giezhi jien kunde surughakushi jien kunyi Mexihai miende hendaghazhi Hudai melie beilaghane giezho.

Geloxi 4:12

Mexiha Ersade hoji danlasan tai hhendeduku kun Ibafu tande kielien asazho. Hhe chan tande oluzhi xiacha giezhi onxian giese ta Hudai isi jiere man hulunshizhi xianxin gieku duruzhi beizhi undanlase giezho.

Xibolai 13:21

yanyanji gounighala tai hulunshighazhi goyane isii giegha gie! Ersa Mexihani tungo giezhi mai dunda goyane bayasughaku shiqinyi giegha gie. Kuaikui chanqi izhi hhende ogi. Amine!

Yagebu 1:26

Kun goyane xienlian wo giedene kielienne gonji dase goyane goya piendazho. Ene kunni xienlian yama oronde uwo.

Yagebu 1:4

Ta rennaini xiogoni man khizhegha. Ingiese ta fugiedazhi hulunshidene yama ulie chaine.

Yagebu 2:10

Kien guijinni man zunjidene niei fanjise soyujilai man fanjizho.

1Beduru 3:10

Jinwun jiere kieliezho, Kien goude udu daoghane giezhi xianshou giene giese Kielienne gonjizhi doghun kielien bu kielie. Amanne gonjizhi ghudan bu kielie.

1Beduru 5:10

Nenjien durusan Huda, Mexihai tungo giezhi tai uruzhi hhei chanqiku famade ireghasan hhe zhanshi jiere shouku giesan tai qinsi hulunshighazhi khiduzheghane, lilian ogizhi undanlaghane.