Xibolai 9:14 - Hudani Kielien

¹⁴ Mexiha chanqiku Ruhherni tungo giezhi goyane goujida zannan wizhi Hudade ogise hhei chusun fugughaku shiqinse tai lianxinni zhiguishighazhi tai chanqiku Hudai genjia ulie shunjighanu?

Xibolai 9:14 ပူးပေါင်းရင်းမြစ်များ

Matai 12:28

Bi Hudai Ruhherghala sheitan touse Hudai gojia tande irezho.

Matai 16:16

Ximun-Beduru kieliewo, "Chishi Mexiha wo. Chanqiku Hudai kewon wo."

Matai 20:28

Kunnikewon irekushi kunlai ushilaghale ese irezho. Kharei kunlai ushilazhi aminne sheidene olon kunlade shuiku Jiage danlale irezho."

Matai 7:11

Ta gou wiliuzhe kesiladene gouni ogikuni mejiene, asiman jieredu Adatai xiahua giechen kunlade gou dunxini genjia ulie oginu?

Lujia 1:74

Mai duitoulai khase jiuisenu Hudai melie beighadene ulie ayizhi zhigui, gundande ibeizi shunjighane.

Lujia 12:24

Ta louwalani uzhe, hhela yama ese tareizho, ese ghurazho, ghuraku canku ye uwoma, Huda qiezhezho. Ta bunzhulase zhunyo uwonu?

Lujia 12:28

Ta goude xianxin ulie giechen kunla, banche jieredu osun enedu wine, maghashijie luzide teiliuzhe Huda dou ingiezhi dabalaghazho. Tai qingie ulie gienu?

Lujia 4:18

"Ezhanni Ruhher mini jiere wine. Mii sunghuzhi jiahui kunlade gouxioxini chonjighawo. Hhe mini peizhi kunlade man kielieghawo. Bareisan kunlai andaghane. Nudun sugho olusan kunlai goudaghane. Qifulasan kunlai pse ulie qifulaghane. Huda jiuiku shihou kuzhewo."

Yaheiya 3:34

Huda peizhi ireghasan hhe Hudai kielienyi kieliene. Huda hhende Shenlinni shuzi witui ogizho.

Tujila 10:38

Nasale kun Ersade Huda Shenlin, nenlini olon ogiwo. Huda hheghala hhantushi hhe gochude yozhi gouni giezho. Ibilisi heisanlai man uzhezhi goudaghawo.

Tujila 14:15

"Dajiala, ta yale intu shiqin giene? Bijienshiye kun wo, tanre niekielien wo. Bijien enende irezhi gouxioxii chonjikushi tai gou witu dunxilase likai gieghazhi asiman, zemin, hai, pse hhei sudorodu shihenilai man zhayaghasan zhenzhenji chanqiku Hudade shunjighane giezho.

Tujila 15:9

Dou xianxin giekughala hhelani zhughei ganjinraghawo. Hhelai uzheku matanre niekielien wo.

Loma 1:20

Duyai zhayaghasanse Hudai tejien, hhei chanqiku nenlini chanla danema, zhayaghasanlai uzhezhi qinchude mejiene. Ingiese kunlade yama kieliekui uwo.

Loma 11:12

Isilie kunlai codasan duyai kunlade haochu ireghazho, hhelai ese olusan niman kunlade gounii ireghazho. Qinse Isilie kunlai man jiuiku dunda oroghase ireku gounii genjia fugie uwonu?

Loma 11:24

Chishi goya osisan ganlan mutun jierese ghighazhi bouzhedene zeilasan ganlan mutun jiere zhenchan wide chaisan wo. Qinse yenlaiku chalai yenlaiku mutun jiere chaise genjia zhenchan uwonu?

Loma 6:13

Ta beye jieredu yama iyanzii zuide ogizhi gou winide jiaji bu danlagha. Khareidene fugusan kun dundase aminne olusan kun wo giezhi goyane Hudade ogi. Beye jieredulane man Hudade ogizhi gou jiaji danlagha.

Loma 6:22

Ede tai zuise andaghazhi Hudai hoji danlaghawo. Tai haochushi zhigui wo. Jiegoshi chanqiku amin wo.

1Gelindo 15:45

Ji 1 gie kun Adan amitui gholuwo giezhi jinwun jiere huaizhoma, zuihouku Adan amin ogiku ruhher gholuwo.

2Gelindo 5:21

Huda hhe zui wituni matande oluzhi zuitu gholughakushi matanyi hhei sudoro Hudai gouni gholughane giezho.

2Gelindo 6:16

Mechi nigiedaghala matugie hhantulane? Matanshi chanqiku mechi wo. Zhen Huda kieliesan mutun, "Bi hhelai dunda souzhi hhelare laiwon giene. Bi hhelade Huda danlane. Hhela made bexin danlane."

Jialatai 2:19

Bi guijinni tungo giezhi guijinse fugudene Hudade amiturawo.

Ifuso 2:5

matan codasan dunda fugukudeni matanyi Mexihare hhantu aminne olughawo. Tai jiuikushi nenjienghala wo.

Ifuso 5:2

Mexiha matande orezhi matande goyane sheidene Hudade ogisan andatu dunxi, mure danlazhi Hudade ogisan mutun taye yan giese oreku zhugheghala gie.

1Qiesalonijia 1:9

Ta matugiezhi goude bijienyi jienliesei, pse nigiedalai bendadene amitu, zhen Hudai shunjisei hhela goyane kielienduzho.

1Qimotai 1:17

Hhe chanqiku Honshan, ulie fuguku, chanla daku, zi niekozi Hudade zhigui, kuaikui chanqi izhi ogi. Amine!

1Qimotai 3:15

bi udazhi ireliuzhe Hudai giede matugie giekui mejiene. Ene gieshi chanqiku Hudai jiohui, zhendaoni tuhua, jichu wo.

Qido 2:14

Hhe matande oluzhi goyane duya ijiekushi soyuji uhunnise mai shuizhi ganjinraghadene goyadene bexin danlaghazhi rexinde gouni gieghane giezho.

Xibolai 1:3

Hheshi Hudai famatui faighachen gon wo. Hudai xinbinni onqiende daibio giezho. Nenlitu kielienghalane yanyanjilai gonjizho. Mai zuini ganjinraghadene undu, fugietu Hudai borun miende souzho.

Xibolai 10:10

Ene isi mutun Ersa Mexiha beyene 1 huide sidagha giezhi matanyi zhiguishighawo.

Xibolai 10:12

Zinie Mexiha 1 huide zui shuiku sidagha giezhi chanqi zoin khizheghazho. Ingiedene Hudai borun miende souzhi

Xibolai 10:2

Hulunshigha shidase libai giesan kunlai 1 huide ganjinraghazhi pse lianxinni zui wine giezhi ulie giene. Ingiese sidagha gieku eqighan ulie beinu?

Xibolai 10:22

matai doghun lianxinni Ersai chusunghala arughazhi zhughei ganjinraghadene beyeni ganjin usughala waghase matan shixinji zhughe, khidunde xianxin giekughala Hudai melie echiye.

Xibolai 11:21

Xianxin giekughala Yagebu fugukude Yusufuni kewonlade nienieji onxian giezhi zhugun tuludene Hudai beiiwo.

Xibolai 13:12

Ene yenyin jiere Ersaye goya chusunghalane bexinlai zhiguishighane giezhi chenmen ghadane ku shouizho.

Xibolai 3:12

Gaijiula, ta xioxin gie, pse tai dunda niezhan kunla doghun zhugheghala xianxin ulie giedene chanqiku Hudase likai giene.

Xibolai 6:1

Ingiese matan Mexihani daolii kaishi giekui khuinane jiedene, fugughaku wilielai geizhen gieku, Hudai xianxin gieku, xilini surughaku, kha teizhi onxian gieku, fugusan kun aminne oluku, zuihou shenpan gieku enezighan jichulai pse bu daidene hulunshikude daiye.

Xibolai 7:16

Hhe buwa danlakushi Liwi paise khizhene giesan guijinghala pusho, ulie widaku aminni nenlighala wo.

Xibolai 7:27

Hhe psedu buwala mutun niudunie goyane zuide sidagha giedene khuinashi bexinlani zuide sidagha gieku biyo uwo. Hhe goyane 1 huide sidagha giedene enei man chenjighawo.

Xibolai 9:12

Hhe iman, fughe tughuchai chusunyi ulie injizhi goya chusunne injidene 1 huide zui zhiguitu oronde orozhi chanqi zui shuikui chenjighawo.

Xibolai 9:26

Qingiese hhe duyai zhayaghasanse bixi izhigie ku shouinema, ede goyane 1 huide sidagha giezhi zuini widaghane giezhi duyai zuihoukude xienjizhi khizhewo.

Xibolai 9:7

Ji 2 gie giede zinie zui fugie buwa niehon 1 hui orozhi chusun bareidene goyai zuide oluzhi, pse bexinla mejie dazhi fanjisan zuide oluzhi sidagha giene.

Xibolai 9:9

Eneshi edeku yanzi wo. Mure ogizhi sidagha giese libai giesan kunyi lianxinni hulunshigha dane.

1Beduru 1:19

Mexihani zhiguitu chusunghala wo. Hoxian goujida uye chaizhi ese cheiqisan ghoni ghughanyi chusunyi xianli.

1Beduru 2:22

Hhe zui fanjizhi ese daozho, ghudanye kieliezhi ese daozho.

1Beduru 2:24

Hhe qinsi beyeghalane shizijia jiere mai zuini danjidene mai zui dunda udu ulie daoghazhi gounide udu daoghawo. Hhe shan deiladene ta goudawo.

1Beduru 3:18

Mexihaye zuini yenyinzhe 1 huide duya ijiewo. Ingiezhi gou kun gou witu kunyi deilawo. Ingiekushi Hudai melie tai echighane giezho. Beyeghala kieliese hhe duya ijiewo, ruhherghala kieliese aminne oluwo.

1Beduru 4:2

Ingiedene feiliesan udude kunni nefuxinyi pse ulie daghazhi Hudai isi mutun udu daone.

1Yaheiya 1:7

Hhe goyane gon dunda biku mutun matanye gon dunda yose matan nienierene laiwon giezho. Pse hhei kewon Ersani chusun mai zuini man waghazhi arughane.

1Yaheiya 3:5

Ersa Mexiha zuini widaghale iresanyi ta mejiene. Hhende yama zui uwo.