Xibolai 12:5 - Hudani Kielien

⁵ Kewosiladene surughazhi kieliesan mutun Huda tande surughazhi kieliesan kielienyi ta matawu? Kieliezho, "Mii kewon, Ezhan gonjizhi surughasei chi meilade bu uzhe. Hhe kheilakude zhughene bu widagha.

Xibolai 12:5 ပူးပေါင်းရင်းမြစ်များ

Lujia 24:6

Hhe enende uwo, aminne oluwo. Hhe Jialilide kieliesan kielienyi ta jila danu?

Lujia 24:8

Hhe biereila Ersa kieliesanyi sumula irewo.

1Gelindo 11:32

Matanni panjikude Ezhan matanyi gonjizho, pse matanyi duyai kunlare hhantu zui jinjine.

Jialatai 6:9

Matan gouni giekude fanqi bu giezhi zhazhen giema, heshitu shihou kuzhese ghurakui wine.

1Qimotai 1:20

Hhelai dunda Ximinai, Yalishanda wo. Bi hhelai ijin Ibiliside jiuiwo. Ingiese hhelai kufurei ulie fanjikuni surughane giezho.

Xibolai 12:7

Tai gonjizhi surughakude rennai gie. Huda tai kewonne mutun uzhezho. Alinie kewonde ada gonjizhi ulie surughane?

Xibolai 13:22

Gaijiula, bi jiendanghan tande xin huaizhi sughazhi kieliesei ta goude chenlie.

Yagebu 1:12

Chijia shiqinyi shoui shidachen kunlade fuqi wine. Shiizhi daosan kunde jianli wo giezhi aminni maghalai ogine. Eneshi Hudade oresan kunlade ogine giezhi dain giesan wo.

Mejieghasan 3:19

Jien bi oresanlade kheilazhi gonjine. Ingiese chi rexinne khizhegha, geizhen gie.