Tujila 4:12 - Hudani Kielien

¹² Ersase chugo pse jiuichen uwo. Qienxiade matanyi jiuiku psedu nierei ese ogizho."

Tujila 4:12 ပူးပေါင်းရင်းမြစ်များ

Matai 1:21

Hhe nie kewon olune. Niereini Ersa giezhi ogi. Hhe bexinlane zui dundase jiuine."

Lujia 24:47

Pse hhei niereghala geizhen giese roulieku gouxioxini Yelusalense soyuji minzulade chonji keine.

Yaheiya 14:6

Ersa kieliewo, "Bishijiu mo wo, zhendao wo, amin wo. Mase tungo ulie giese kiemada Adai hhende echi dane.

Yaheiya 3:36

Kewonyini xianxin giesan kunde chanqiku amin wine. Hhei ulie shunjichen kunde amin uwo. Hudai hokuku chan hhei jiere wo."

Tujila 13:26

"Gaijiula, Iburaheimuni houdeila, pse Hudai zunjisan niman kunla, ene jiuiku daolishijiu matande ogisanwo.

Tujila 2:5

Hhe xienzide xienliantu Yutai kunla shijieni go gojiase irezhi Yelusalende souzho.

1Gelindo 3:11

Ene dai goudaghasan jichushi Ersa Mexiha wo, psedu jichui kiemada dai dane.

Geloxi 1:23

Ta indan xinyanne izhi goude bareizhi undanlagha. Ta chenliesan gouxioxini panjikuse likai bu gie. Ene gouxioxini qienxiani soyuji zhayaghasanlade man chonji kurughawo. Bi Baoloye ene gouxioxide hoji danlazho.

Xibolai 12:25

Ta xioxin giezhi tande kielien kieliesan hhei fandui bu gie. Eqighandei Isilie kunla zemin jiere goyalai jingao giesei fandui giedene zuise anda dazho, asiman jierese matanyi jingao giesei fandui giese matan zuise matugie andane?

Xibolai 2:3

Ingiese matan imekie fugie jiuikui yamacha ulie teise matugie faikuse andane? Ene jiuikushi Ezhan xien qinsi kieliesan wo, khuinashi Ezhanse chenliesan kunla matande zhenmin giewo.

Mejieghasan 20:15

Kienyi niere aminni benzi jiere uwoshi hhei khantu hude bendawo.