Tujila 22:21 - Hudani Kielien

²¹ "Ingieliuzhe Ezhan made kieliewo, 'Chi echi, bi chii peizhi gholododu niman kunlai hhende echighane.'"

Tujila 22:21 ပူးပေါင်းရင်းမြစ်များ

Tujila 13:2

Hhela Ezhanyi beiizhi orozo bareikude Shenlin kieliewo, "Ta Banaba Saoloi sunghudene made jie. Bi hhelai uruzhi wiliene gieghane."

Tujila 18:6

Hhela fandui giezhi zannan kielienghala hhei sugiese Baolo jien jieredu turane kuizhi kieliewo, "Ta goya zuine goya danji! Made yama ghadaghan uwo. Enedu khuinashi bi niman kunlai hhende echine."

Tujila 9:15

Ingiese Ezhan hhende kieliewo, "Chi echi. Hheshi niman kun, honshan, Isilie kunlade bi nierene chonjighane giezhi sunghusan rencai wo.

Loma 1:5

Huda Mexihai tungo giezhi bijiende shitu danlaku nenjien ogidene soyuji minzulade hhei nierei xianxin gieghazhi shunjighazho.

Loma 11:13

Bi ta niman kunlade kielieye. Bishi niman kunlade peisan shitu wo. Ene wiliei bi fugiede uzhekushi

Loma 15:16

bi niman kunlade oluzhi Mexiha Ersade wiliechi danlazho. Bi hhelade Hudai gouxioxii chonjise buwa niekielien wo. Shenlinyi tungo giezhi hhelai zhiguishighadene jienlieku mure mutun Hudade ogizho.

Loma 16:26

Ene mimi ede xienjizhi khizhezho. Chanqiku Hudai minlin mutun xienzhilai shuni tungo giezhi soyuji minzulade mejieghadene hhelai xianxin gieghazhi shunjighawo.

Ifuso 3:3

Huda mimii made qinsi mejieghawo. Enei bi eqighandei jiendanghan huaizhi daozho.

1Qimotai 2:7

Ene shiqinde oluzhi mii nanpei giezhi chonjichen kun, shitu danlaghazho. Niman kunlade loushi danlaghazhi xinyan, zhendaoni surughazho. Eneshi ghudan pusho, shuhua wo.

2Qimotai 1:11

Ene gouxioxide oluzhi mii peizhi chonjichen, shitu, loushi danlaghawo.