Tujila 18:18 - Hudani Kielien

¹⁸ Baolo Gelindode pse ezighancha soudene gaijiulase ghaghachadene chon souzhi Xiliyade echiwo. Baijila, Yajila hhere hhantu echiwo. Hhe Jiengelide usunne ghigha widaghawo. Enei hhe eqighanse fayen giezhi daozho.

Tujila 18:18 ပူးပေါင်းရင်းမြစ်များ

Matai 4:24

Ersai minshen Xiliyade man chonji kuruwo. Kunla yanyanji gientulai uduruzhi irese Ersa goudaghawo. Yanyanji giemerezhi tendun shouisan, sheitan heisan, yanjiofen nousan, tanhon giesanlai man ireghazho.

Make 6:46

Hhe hhelai khozhi yolaghadene goyane ula jiere khisenu onxian giele echiwo.

Tujila 1:15

Hhe oloncha chabudu 120 gie gaijiula hhantulakude Beduru bosizhedene kieliewo,

Tujila 15:23

Ingie hhelade bareighasan xin jiere kieliezho, "Ersai sudoro gaijiu danlasan shitu, zhanlaola Anqiya, Xiliya, Jilijiadedu xianxin giesan niman gaijiulade kielien asazho."

Tujila 15:41

Baolo Xiliyani, Jilijiani yozhi go jiohuilani khiduzheghawo.

Tujila 18:2

Hhende Bendude olusan nie Yutai kunyi penjiwo. Niereini Yajila giene. Kelaoji honshan Yutai kunlade Loma gojiase likai gie giezhi minlin xiaise Baijila giesan biereighalane ene oloncha Lomani Idalise irewo. Baolo hhelai ochirale echiwo.

Tujila 18:26

Hhe huitande danzine fugiedaghazhi jianjizho. Baijila, Yajilaghala jianjiseini chenliedene hhei danlin uruzhi Hudai daolini hhende pse xianxide jianjizhi mejieghawo.

Tujila 18:27

Yabolo Yagaiyade echine giese Ifusoni gaijiula hhende zhichi giedene Yagaiyani tujila Yaboloi goude jienlie giezhi xin huaizho. Hhe hhende kuruse Ezhanni nenjienghala xianxin giesan kunlade banman fugie wo.

Tujila 21:23

Chi zhao bijienyi kielien mutun giele echi. Bijienyi enende jieran kunla kielien yenji jiezho.

Tujila 21:24

Chi hhelare hhantu echizhi waghaku xigonghala hhantu wagha. Hhelai qiorun duliku baerni chi ogi. Ingiese hhela chenliesanshi zhenni pusho bikui, pse chi Musai guijinni zunjisei dajiala mejiene.

Tujila 21:3

Ingie Saipulusiyi chanla soghei miende jiedene Xiliya fanxiande yozhi Tuilode kuruwo. Chon hhende ho xiine giezho.

Loma 16:1

Bi Jiengelini jiohuide gonjia danlasan mai eghechijiu Feibini tande jieshao gieye.

1Gelindo 9:20

Bi Yutai kunlade Yutai kun danlakushi Yutai kunlai jiuighane giezho. Bi guijin doura uwoliuzhe guijin douradu kunlade guijin douradu kun danlakushi guijin douradu kunlai jiuighane giezho.

Jialatai 1:21

Khuinashi bi Xiliya, Jilijia oronde echiwo.