2 Luside, Igenienni gaijiula man Qimotaini kuaizho.
Hhe oloncha chabudu 120 gie gaijiula hhantulakude Beduru bosizhedene kieliewo,
Hheghala kunlai fandui giezhi kon jieredu turane kui boughadene Igeniende echiwo.
Xianxianji shiqin Igeniendeye gholuwo. Baolo Banabaghala Yutai kunlai huitande orozhi daolii goude jianjise olon Yutai kun, Xila kunla xianxin giewo.
Hhela Tebide gouxioxii chonjidene olon kunlai tuji gholughawo. Ingiedene hhela Luside, Igenienni jingo giezhi Anqiyade khareiwo.
Shitula ene shiqinni mejiedene holuzhi Ligaonini Luside, Tebi ghua chenshide, pse zhouwini oronlade echiwo.
Ghuala bafanzise khizhedene Lijiyani giede echi gaijiulai ochira, zhichi giedene yolawo.
Gaijiula, tai dundase gou minshentu, Shenlin duruzhi agheli olontu dolon ere kunyi sunghuzhi ene shiqinlai gonjighaye.
Ingieliuzhe Qimotaini kunyi ta mejiene. Hhe goya adane mutun mii uzhezhi mare hhantu gouxioxide oluzhi wilie giezho.
Lindao danlase ghadaneshiku kun dundaseye gou minshen kerene. Ingiese kunlai ulie sugieghane, Ibilisini onde ulie oroghane.
Pse gou wilieni giesan zhenji kerene. Bilazhi kieliese, kesilai laizhi fugiedaghawo, zhochenlai jienliewo, Hudai xianxin giesan kunlai konni waghazhi ushilawo, kunnan penjisan kunlade banman giewo, yanyanji gou wiliede lilian khighawo.
Niekielien wo. Gou wilielaye minxien wo. Minxien uwoliuzhe niuigha dane.
da bi Anqiya, Igenien, Lusidede shouisan kui, mii heisan shiqinlai chi man uzhezhi mejiewo. Mii heisan zhenzhenji fugie wo! Ingieliuzhe Ezhan mii enelase jiuizhi likai gieghawo!
pse chi gaxienzise zhiguitu jinwunni mejiene. Ene jinwun chi Mexiha Ersai xianxin giese jiuiku hhe aghelii ogine.
Eneghala Huda eqighanku kunlai renjizho.
