Tujila 13:3 - Hudani Kielien

³ Ingie hhela orozo bareizhi onxian giedene hhelai jiere khane teizhi peizhi echighawo.

Tujila 13:3 ပူးပေါင်းရင်းမြစ်များ

Lujia 2:37

guafu feiliezhi 84 nien niezheghan souzho. Hhe mechise likai ulie giedene xieni udu orozo bareizhi onxian giedene Hudai shunjizho.

Tujila 1:24

Hhela onxian giezhi kieliewo, "Ezhan, chi kunlai zhughei man mejiene. Chi ene ghua kunse kienyi sunghuzhi ene shituni wiliei giekui bijiende mejiegha. Yuda ene wiliei bendadene goya orondene echiwo."

Tujila 13:2

Hhela Ezhanyi beiizhi orozo bareikude Shenlin kieliewo, "Ta Banaba Saoloi sunghudene made jie. Bi hhelai uruzhi wiliene gieghane."

Tujila 13:4

Hhelai Shenlin peizhi Xiliujide boughadene hhense chon souzhi Saipulusi daode kuruwo.

Tujila 14:23

Hhela go jiohuide zhanlaolai sunghudene ese ijiezhi onxian gie, hhelai xianxin giesan Ezhandei jiuizhi ogiwo.

Tujila 14:26

Hhense chon souzhi Anqiyade khareiwo. Anqiyashi chonjiku wiliede oluzhi ghua shitulai Hudai nenjiende jiuizhi ogisan oron wo. Ede onchen giedene khareizhi irewo.

Tujila 15:40

Baolo Seilai sunghusenu gaijiula hhelai Ezhanni nenjiende jiuizhi ogise yo qiiwo.

Tujila 6:6

Enelai shitulai melie beighase shitula onxian giezhi hhelai jiere khane teiwo.

Tujila 9:17

Ingiese Yananiya echidene hhei giede orowo. Khane Saoloi jiere teizhi kieliewo, "Saolo gaijiu, chi ireku mo jiere chade chujiegheghasan Ezhan Ersa mii ireghakushi chii pse chanlaghazhi chade Shenlin durughane giezho."

Loma 10:15

Kiemei ese peise matugie chonjine? Jinwun jiere jilasan mutun, "Gouxioxii chonjisan kunlai koronlon zhengiejia seighan wo!"

1Qimotai 4:14

Huda chade ogisan nenjienni suibiende bu uzhe. Ene mureshi zhanlaola chii jiere khane teizhi onxian giekude Hudai kielienyi deilazhi ogisan wo.

1Qimotai 5:22

Khane teidene onxian giezhi zhanlao xienjikude suibiende bu gie. Kunla fanzui giekude bu hhantula. Goyane ganjinde bei.

2Qimotai 1:6

Ene yenyin jiere bi chii qixin gieye. Bi khane chii jiere teizhi onxian giekude Huda ogisan nenjienni khan mutun ondagha.

2Qimotai 2:2

Chi olon ganzhen beisan kunlai melie mase chenliesanlai kekaoji kunlade jiuizhi ogizhi pse hhela kunlade surugha gie.

3Yaheiya 1:6

Hhela iredene ene jiohuini kunlade chi hhelade oresei kieliezho. Hhela mo yokude Huda bayasuku mutun ta izhi hhelai khughose gou wo.

3Yaheiya 1:8

Matan indan imutu kunlade banman giese oluzho. Ingiese matan zhendaode oluzhi hhelare lienshou gholune.