Qido 3:14 - Hudani Kielien

¹⁴ Mai kunla yama gou jiego ulie khizheghaku udu daose ulie olune. Kunla xiyo bikude banman giezhi gouni giekude surugha.

Qido 3:14 ပူးပေါင်းရင်းမြစ်များ

Matai 21:19

Mo bienzide nie uhuago mutunyi chanlawo. Shidani echi nie uzhese mutun jiere lachen wine, alima uwo. Ersa mutunde, "Enedu khuinase chii jiere ibeizi alima ulie soune." giezhi kieliese uhuago mutun deigo gho fuguwo.

Matai 7:19

Jien gou alima ulie souku mutunlai chizhidene khande teine.

Yaheiya 15:16

Ta mini sunghusan pusho, bi tai sunghusan wo. Bi tai peizhi chanqiku alimai soughale echiwo. Ingiese ta mini niereghala yan xiahua giese Adami tande ogine.

Yaheiya 15:8

Ta alima olon souzhi mini tuji gholuse Adademi kuaiku irene.

Tujila 18:3

Hhelaye Baolo mutun zhanfan giezhi udu daoghazho. Ingiese Baolo hhelare hhantu souzhi wilie giezho.

Tujila 20:35

Bi yandeliuzhe yanzi uzheghazhi khishulazhi wilie giedene zholien kunlade banman giezho. Pse ogiku jienliekuse fuqi fugiewo giesan Ezhan Ersai kielienyi jila giezho."

Loma 12:13

Nanxintu shentulade ogi. Bayasuzhi kunlai jienlie.

Loma 15:28

Ingiese bi kunla khireighasanni goude jiuizhi ogi ene shiqinyi onchen giedene tai hhense jingo giezhi Xibenyade echine.

Ifuso 4:28

Ghulachenla pse bu ghula. Goyade iresei nanxin kunlade ghughazhi ogine giezhi qinsi zhendande wilie gie.

Feilibi 1:11

Ersa Mexihani kouizhi gou wilielai olon giedene kuaiku, zanjikuni Hudade ogi giezho.

Feilibi 4:16

Bi Qiesalonijiade bikude ta touchan erchanji bi injikulai ta khughozhi ireghawo.

Feilibi 4:17

Bi tanse mure kerene gie ese giezho. Zinie ta giesan wiliede haochu olodoghane giezho.

Geloxi 1:10

Ingiedene ta udu daokude Ezhanyi pei shidaku mutun giezhi yandeliuzhe hhei bayasugha, yanyanji gou wilie jiere olon jiego khizheghazhi Hudai olon tani.

1Qiesalonijia 2:9

Gaijiula, bijien khishulazhi shouku giesei ta mejiene. Bijien tande Hudai gouxioxini chonjikude ta kiemade achan ulie ogine giezhi xieni udu wilie giezho.

2Qiesalonijia 3:8

Kunlai budanyi belien ese ijiezho. Tande achan ulie ogine giezhi xieni udu wilie giezhi khishulazhi ku shouizho.

Qido 2:8

Yama moubin erei daku gou kielienghala kielie. Ingiese mai fandui giesan kunla shizhedene yama kielie dane.

Qido 3:8

Ene kielien oluzho. Bi xiwonshi chi enezighan shiqinlai izhigie bu beidene giezhi Hudai xianxin giesan kunlai zeixin giezhi gouni giegha. Eneshi man gou shiqin wo, kunlade haochu wine.

2Beduru 1:8

Enela tande bizhi olodose mai Ezhan Ersa Mexihani taniku jiere tai yama oronde wizhi xiogo witui ulie gholughane.