Mejieghasan 11:17 - Hudani Kielien

¹⁷ kieliezho, "Edeku, eqighanku Ezhan, nenlitu Huda, bijien chade mafan kielieye. Chi fugie nenli bareizhi honshan danlawo.

Mejieghasan 11:17 ပူးပေါင်းရင်းမြစ်များ

Matai 11:25

Hhe xienzide Ersa kieliewo, "Asiman zeminni Ezhan, Ada, chii mafan gieghawo. Chi ene shiqinlani agheli, erlintu kunlade niuighazhi ga kewosi mutun kunlade mejieghawo.

Lujia 10:21

Ene shihoude Ersade Shenlin durudene bayasuzhi kieliewo, "Asiman zeminni Ezhan, Ada, chii mafan gieghawo. Chi ene shiqinlani agheli, erlintu kunlade niuighazhi ga kewosi mutun kunlade mejieghawo. Ada, enbene, eneshi chi duranghalane giesan wo.

Yaheiya 11:41

Ingiese hhela tashii daoghawo. Ersa qiorunne qila asimanni uzhedene kieliewo, "Ada, chii mafan gieghawo. Chi minughunyi chenliewo.

2Gelindo 2:14

Hudade mafan kielieye, hhe Mexihare hhantu matanyi chan uduruzhi zhan eghizhi injighazho. Pse matai tungo giezhi Mexihai taniku andatui gochude funqieghazho.

2Gelindo 9:15

Nenjienyini kieliezhi baragha daku Hudade mafan kielieye!

1Qimotai 1:12

Made nenli ogisan mai Ezhan Mexiha Ersade bi mafan kieliezho. Hhe mii xianxin giedene nanpei giezhi goyadene wilie gieghazho.

Mejieghasan 1:4

Yaheiya Yaxiyani dolon jiohuide xin huaizho. Edeku, eqighanku, jianlai ireku Huda, hhei baozo meliededu dolon ruhher, pse shixinji ganzhen beisan, fugusan kun dundase tou 1 giede aminne olusan, duyai honshan dunda touzi danlasan Ersa Mexiha tande nenjien, pinnan ogi gie! Hhe matande orezhi goya chusunghalane zuise mai andaghazhi

Mejieghasan 1:8

Ezhan Huda kieliezho, "Bishi Alafa wo, Emeiga wo. Bishi edeku, eqighanku, jianlai ireku, nenlitu Huda wo."

Mejieghasan 11:15

Ji 7 gie qienxien labani feiliese asimande fugie shenqila bizhi kieliezho, "Duyani gojia mai Ezhanji hhe teisan Mexihani gojia gholuwo. Hhe chanqi izhi honshan danlane."

Mejieghasan 15:3

Hudai hoji Musai don, ghoni ghughanyi donni doulazhi kieliezho, "Ezhan Huda, fugie nenlituya, chii gieku fama wo, ghudure wo! Soyuji gojiani honshanya, chii mo gundan wo, zhen wo!

Mejieghasan 16:14

Hhelashi sheitanni ruhher wo, ghudureqi gie shidane, duyani honshanlai hhende echizhi hhelai Fugie Nenlitu Hudai famatu udude hhantulaghazhi eghindughane giezho.

Mejieghasan 16:5

Bi sonosuse usuni gonjisan qienxien kieliezho, "Eqighanku, edeku zhiguitu Huda, chi ingiezhi panjise gundan wo.

Mejieghasan 16:7

Bi pse sonosuse sidagha gieku teizise shenqi bizhi kieliezho, "Enbene, Ezhan Huda, fugie nenlituya, chii panjiku zhen wo, gundan wo!"

Mejieghasan 18:8

Ingiese hhei zeinanla man niudude irene. Jiushi fuguku, nango gieku, oliesuku wo. Hhei khanghala sidera widaghane. Hhei panjiku Ezhan Hudade fugie nenli wine."

Mejieghasan 19:11

Bi pse chanlase asiman keizhi nie chighan morei wo! Jiereni unusei Kekao, Zhenni giezhi uruzho. Hhe panjizhi eghinduse gundanghala giezho.

Mejieghasan 19:6

Bi pse sonosuse hoxian olon kunlai shenqi, olon usuni shenqi, fugie olien tunguliesan shenqi kieliezho, "Haliluya! Ezhan mai Huda Hhe Fugie Nenlitu manlai gonjizho.