Matai 5:19 - Hudani Kielien

¹⁹ Ingiese kienliuzhe enezighan minlin jieredu zui ganii ulie zunjizhi kunlade ulie zunjise olune giezhi sughase asiman gojiade zui gani giezhi urune. Kienliuzhe minlinyi zunjizhi kunlade sughase asiman gojiade fugieni giezhi urune.

Matai 5:19 ပူးပေါင်းရင်းမြစ်များ

Matai 11:11

Bi tande shuhua kielieye, biereila olusan kun dunda xili gieghasan Yaheiyase fugieni nieda uwoma, asiman gojiade zui meila kun hhense fugie wo.

Matai 19:28

Ersa kieliewo, "Bi tande shuhua kielieye, shini duyade Kunnikewon goyane famatu baozo jiere soukude, ta enezighan mii daghasan kunlaye 12 gie baozo jiere souzhi Isilieni 12 gie paini gonjine.

Matai 20:26

Ta niekielien pusho, tai dunda kien fugieni danlane giese tande ushilachen kun danlakuni wo.

Matai 28:20

Bi tande fenfulasan soyujilai hhelade sughazhi zunjigha. Uzhe, bi duya baratula tanre chanqi hhantu wo."

Lujia 1:15

Hhe Ezhanni melie fugie kun gholune. Putoujiu, yama jiu ulie ochine, anane kielise Shenlinghala duruzho.

Lujia 11:42

"Ingiezhoma, ta ene Falisai kunlade gou widawo! Ta bohe, huajio, yanyanji cailasene Hudade ushirei ogizhoma, gundande gieku, Hudade orekuni zhunshi ulie giene. Enelai ta indan giekui wo, psedulaiye ulie giekui pusho."

Lujia 9:48

hhelade kieliewo, "Kien mii niereghala ene kewosii jienliese mii jienliezho. Mii jienliese mii peisan Hudai jienliezho. Tai dunda kien zui meilashi hhe zui fugie wo."

Tujila 1:1

Qiafeilo noyen, bi melieshiku shu jiere Ersa wilie giezhi qiisanse sunghusan shitulade Shenlinghala fenfulasenu asiman jiere khireiku hhe udu kurutula hhe giesan, surughasanlai man huaiwo.

Loma 3:8

Qinse matan huaini gieyema, gouni irene giezhi yale ulie kieliene? Niezhanla bijien ingiezhi kieliezho giezhi zhazho. Ene kunlai indan panjikuni wo.

Loma 6:1

Ingiese matan matui kieliene? Matan nenjienni olodoghane giezhi zui dunda izhi beinu?

Loma 6:15

Qinse matugiene? Matan guijin doura uwo, nenjien dourashi zui fanjise olunu? Kenjin ulie olune!

1Qimotai 6:11

Ingiezhoma, chishi Hudai kun wo, enezighan shiqinlase piidene gouni, xienlian, xinyan, oreku, rennai, renyini dagha.

Qido 3:8

Ene kielien oluzho. Bi xiwonshi chi enezighan shiqinlai izhigie bu beidene giezhi Hudai xianxin giesan kunlai zeixin giezhi gouni giegha. Eneshi man gou shiqin wo, kunlade haochu wine.

1Beduru 5:4

Ingiese Zui Fugie Adulachen xienjikude ibeizi ulie qida oluku famatu maghalai tande ogine.

1Yaheiya 3:4

Kien zui fanjise guijinni fanjizho. Guijinni fanjise jiushi zui wo.

Mejieghasan 2:20

Ingieliuzhe ene nie shiqinde bi chii kheilane. Goyaneshi xienzhi wo giesan bierei Yexibieni chi renjizho. Hhe mii hojilade sughazhi hhelai miidene lon kijieghazhi nigiedade teisan dunxii ijieghazho.