Matai 25:34 - Hudani Kielien

³⁴ Ingie honshan borun mienne kunlade kieliene, 'Adami fuqi ogisan kunla, irendu. Duyai zhayaghazhi iresanse tande zhunbei giesan gojiani jienliendu.

Matai 25:34 ပူးပေါင်းရင်းမြစ်များ

Matai 13:35

Ingiekushi Ezhan xienzhini tungo giezhi kieliesan kielien mutun gholughane giezho, "Bi bilazhi kielieye. Duyai zhayaghasanse niuighasan shiqinlai kieliezhi khizheghaye."

Matai 19:29

Kien mii nierede oluzhi gie, gaijiu, eghechijiu, ada, ana, kesila, ghazhane bendase 100 pei ogine, da chanqiku aminni jienliene.

Matai 20:23

Ersa kieliewo, "Bi shouiku kuni ta shouinema, mii lianmien kanzide soughakui bi ogiku pusho. Adami kiende zhunbei giezhoshi kiende ogine."

Matai 21:5

"Xiwunni kunlade kielie. Uzhe, tai honshan tai hhende irewo. Hhe goyane meilade uzhezhi enzheghe unuzho. Unusanshi ga enzheghe wo."

Matai 25:21

Ezhanni kieliewo, 'Giesan gou wo. Chishi gou, kekaotu hoji wo. Ga shiqinde shixinji giezho, bi chii olon shiqinlai gonjighane. Ezhanghalane hhantu bayasu.'

Matai 25:23

Ezhanni kieliewo, 'Giesan gou wo. Chishi gou, kekaotu hoji wo. Ga shiqinde shixinji giezho. Bi chii olon shiqinlai gonjighane. Ezhanghalane hhantu bayasu.'

Matai 25:40

Honshan kieliewo, 'Bi tande shuhua kielieye, ta enezighan mii gaijiu dunda zui ganide oluzhi giese made oluzhi giezho.'"

Matai 25:41

"Ingie honshan soghei mienne kunlade kieliene, 'Ta ene kharasan kunla, yola. Ibilisi, Ibilisii hojilade zhunbei giesan ulie xinieku khande oro!

Matai 27:37

Peizi jiere eneshi Yutai kunni honshan Ersa wo giezhi zuinini huaidene qiorun qiendei guaiwo.

Matai 3:2

"Ta geizhen giendu, asiman gojia chadashiwo!"

Matai 5:19

Ingiese kienliuzhe enezighan minlin jieredu zui ganii ulie zunjizhi kunlade ulie zunjise olune giezhi sughase asiman gojiade zui gani giezhi urune. Kienliuzhe minlinyi zunjizhi kunlade sughase asiman gojiade fugieni giezhi urune.

Make 10:17

Ersa yozhi qiikude nie kun holuzhi iredene hhei melie xiutuliezhi asawo, "Gou loushi, bi matui giese chanqiku aminni jienliene?"

Make 10:40

mii lianmien kanzide soughakui bi ogiku pusho. Kiende zhunbei giezhoshi kiende ogine."

Lujia 11:28

Ersa kieliewo, "Hudai kielienni zunjizhi giesan kunde zhenzhen fuqi wine."

Lujia 11:50

"Ingiese duyai zhayaghasanse alasan soyuji xienzhilai chusunni guini man ene idai kunlai jiere teine.

Lujia 12:32

"Ta kun choghontu kunla, bu ayi. Tai Ada bayasuzhi asiman gojiani tande ogine.

Lujia 19:38

"Ezhanyi niereghala iresan honshande doulandu! Asiman jiere pinnan wo, Zui Undudedu Hudai kuai!"

Yaheiya 1:49

Nadanye kieliewo, "Loushi, chishi Hudai Kewon, Isilie kunni honshan wo."

Yaheiya 12:13

Ingie zunshu mutun chalalai bareidene hhei jienliele echi fugiede waradazhi kieliewo, "Hesanna! Ezhanni niereghala iresan Isilieni honshande doulandu!"

Yaheiya 17:24

Ada, chi made ogisan hhela bi khalashi khala bizhi mii famani hhelade uzhegha. Ene mienzishi duyai zhayaghaku melie chi made orezhi ogisan wo."

Yaheiya 19:15

Hhela waradazhi kieliewo, "Hhei widagha! Hhei widagha! Shizijia jiere ghada!" Bilado kieliewo, "Bi tai honshanyi shizijia jiere ghadase olunu?" Fugie buwala kieliewo, "Kaisa honshanse andase bijiende honshan uwo."

Tujila 15:18

Eneshi dei qiikude ene shiqinlai mejieghasan Ezhan kieliesan wo.'

Tujila 3:26

Huda hojine bosizheghadene peizhi xien tande iregha, tai alinie kunniliuzhe doghunnilase likai gieghazhi tande fuqi ogiwo."

Loma 8:17

Kewosi enbese jiachanyi jienliechen enbene. Matanshi Mexihare hhantu jiachanyi jienliechen Hudai kewosi wo. Matan hhere shouku giekude hhantulase famadeye hhantulane.

1Gelindo 15:50

Gaijiula, bi tande kieliekushi beye Hudai gojiai jienlie dane. Qida oluku ulie qida olukui jienlie dane.

1Gelindo 2:9

Jinwun jiere jilasan mutun, "Hudade oresan kunlade Huda zhunbei giesanshi nudunghala uzhezhi ese daosan wo, chighinghala chenliezhi ese daosan wo, kunni zhugheye sumulazhi ese daosan wo."

1Gelindo 6:9

Gou witu kunla Hudai gojiai jienlie dakui ta ulie mejienu? Goyane bu pienda, lon kijiechen, nigiedai beiichen, piofen giechen, ere kun biozi danlachen, tunxinlien giechen,

Jialatai 5:21

dubilieku, jiu ochi sudoku, nouiku, pse intu shiqinla wo. Bi eqighanse tande jingao giesan mutun ede pse tande jingao gieye. Enezighan shiqinlani giesan kunla Hudai gojiai jienlie dane.

Ifuso 5:5

Ta goude mejie, lon kijiechen, zannanni giechen, tanxin giechenla Mexiha Hudaghalai gojiai jiachanni jienlie dane. Tanxin gieku nigiedade beiikughala niekielien wo.

1Qiesalonijia 2:12

bijien tande sidaghazhi surughazhi goude fenfulasei ta mejiene. Ingiezhi giekushi goyane gojiade, famade urusan Huda tai heshide gieghane giezho.

2Qimotai 2:12

Matan rennai giese hhere hhantu honshan danlane. Matan hhei ulie tanise hheye mai ulie tanine.

2Qimotai 4:8

Ede gundanni jianlii made liuizho. Gundanghala panjiku Ezhan hhe udude made ogine. Zinie made ogikui pusho, Hhe pse xienjikui panjichen kunladeye ogine.

Xibolai 1:14

Qienxienlashi man zinie ushilachen ruhher wo. Huda peidene jiuikuni jienliene giesan kunlai ushilaghachen wo.

Xibolai 11:16

hhela hende xiwon giesanshi nie genjia gou gojia, jiushi asiman jieredu wo. Hhela Hudai Huda giese Huda shizhene ulie giedene hhelade nie chenshini zhunbei giezho.

Xibolai 4:3

Matan xianxin giesan kun hhamurakude orozho. Huda kieliesan mutun, "Bi hokudene hhela mii hhamurakude ibeizi oro dane giezhi fayen giewo." Ingiezhoma, Hudai wilie duyai zhayaghasanse gholuzho.

Xibolai 9:26

Qingiese hhe duyai zhayaghasanse bixi izhigie ku shouinema, ede goyane 1 huide sidagha giezhi zuini widaghane giezhi duyai zuihoukude xienjizhi khizhewo.

Yagebu 2:5

Bi oresan gaijiula, chenlie. Huda duya jieredu nanxin kunlai sunghudene xinyan jiere ese bayazheghawu? Da Hudade oresan kunlade dain giesan hhe gojiani hhelade ese jienlieghawu?

1Beduru 1:9

Ta xinyanni jiegoi jienliezho. Hheshi goyane jiuiku wo.

1Beduru 3:9

Doghunnide doghunnii, sugiekude sugiekui bu kharuludene hhelade oluzhi gouni kielie. Huda tai zhen enende uruzhi fuqi jienlieghane giezho.

Mejieghasan 13:8

Jien zemin jiere sousan, niereini duyai zhayaghasanse alasan ghoni ghughanyi aminni jilasan benzi jiere ese jilasan kunla man hhei beiine.

Mejieghasan 17:8

Chi chanlasan yewo eqighandei wine, ede uwo, jianlai jizi witu nokiense khizhezhi widakude echine. Jien zemin jiere sousanla, jiushi niereini duyai zhayaghasanse aminni jilasan benzi jiere ese jilasanla hhe eqighandei wine, ede uwo, jianlai ireku yewoni chanlase ghanirane.

Mejieghasan 19:16

Hhei fudu jien jiere, datui jiere honshan dundadu Honshan, ezhan dundadu Ezhan giezhi niere huaizho.

Mejieghasan 21:7

Injisan kunla enezighanyi jienliezhi caichan giene. Bi hhende Huda danlane, hhe made kewon danlane.

Mejieghasan 5:10

Hhelai mai Hudade oluzhi buwatu gojia gholughawo, Zemin jiere qienli bareine."