Matai 23:34 - Hudani Kielien

³⁴ Ingiese bi xienzhi, aghelitu, jinwun hanjialai tai enende peizhi ireghane. Ta niezhanlai alane, niezhanlai shizijia jiere ghadane, pse niezhanlai huitande mabienzighala eghine, ene chenshise touzhi hhe chenshide echighane.

Matai 23:34 ပူးပေါင်းရင်းမြစ်များ

Matai 10:23

Kunla tai ene chenshide heise da nie chenshide holu. Bi tande shuhua kielieye, Isilieni chenshilai ta yozhi baraghatula Kunnikewon irene."

Matai 13:52

Ersa kieliewo, "Jien asiman gojiade tuji danlasan jinwun hanjiala hoxian gieni zhanguijii xianli. Hhe kufansene shini, khuichen dunxilai agi khizhene."

Matai 23:31

Ingiezhi ta xienzhilani alasan kunlai houdei bikui zhenmin giezho.

Lujia 24:47

Pse hhei niereghala geizhen giese roulieku gouxioxini Yelusalense soyuji minzulade chonji keine.

Yaheiya 16:2

Kunla tai huitanse tou khighane. Shihou kuzhese tai alachen kunla ingiezhi giese Hudai shunjizho giezhi sumulane.

Yaheiya 20:21

Ingie Ersa pse hhelade kieliewo, "Ta pinnan onu? Adami mii peisan mutun biye tai peine."

Tujila 1:8

Shenlin tai jiere bouzhese tande nenli irezhi ta Yelusalen, Yudaya, Samaliya, pse duyai uzhude kutula made ganzhen beine."

Tujila 11:27

Hhe xienzide giedun xienzhila Yelusalense Anqiyade bouzhi irewo.

Tujila 12:2

Khudoghoghala Yaheiyani gaii Yagebui alawo.

Tujila 13:1

Anqiyani jiohuide giedun xienzhi, loushi wine. Banaba, heiren giesan Ximien, Gulinai kun Luqiu, Hherode onghala hhantu fugiedasan Manien, pse Saolo wo.

Tujila 14:19

Niezhan Yutai kunla Anqiyase Igeniense ire olon kunlai kielie shundagha Baoloi tashighala eghi, hhe fuguwo giedene chenshi ghadane lai khighawo.

Tujila 15:32

Yuda, Seilaghalashiye xienzhi wo. Olon kielienghala gaijiulade surughazhi hhelai xianxin giekuni khiduzheghawo.

Tujila 5:40

shitulai uru ire idun eghidene Ersai niereghala bu kielie gie andaghawo.

1Gelindo 2:6

Ingiezhoma, xinyan jiere qiendasan kunlade bijien aghelini jianjizho. Eneshi duyai agheli pusho, duyai qienlini bareizhi widachen kunlai agheliye pusho.

1Gelindo 3:10

Zhao Huda made ogisan nenjienghala bi nie hen guntou mutun jichui daizho, psedu kun jiereni gie giezhoma, jien kun matugie giekui xioxin gie.

Geloxi 1:28

Bijien hhei chonjizhi olon aghelighala jien kunyi jingao giezhi jien kunde surughakushi jien kunyi Mexihai miende hendaghazhi Hudai melie beilaghane giezho.

1Qiesalonijia 2:16

Hhela bijienyi niman kunlade ulie chonjighazhi ulie jiuighane giezho. Hhelai zui izhi olodozhi duruse Hudai hokuku zuihoude hhelani jiere bouzhewo.

Xibolai 11:37

tashida ala, qiroujie ala, khudoghoghala alawo. Ghoni, iman arasunyi zhozhi gochude holu, nanxin duru, heikui shoui, zayala,

Mejieghasan 11:10

Ene ghua xienzhila zemin jiere sousan kunlai tendun shouighazhi daozho, ingiese zemin jiere sousan kunla hhela fugusande bayasuzhi nieniedene mure khughone.