Matai 21:26 - Hudani Kielien

²⁶ Kunlase wo giese matan bexinlase ayizho, hhela man Yaheiyashi xienzhi wo giezho."

Matai 21:26 ပူးပေါင်းရင်းမြစ်များ

Matai 11:9

Ta jiujin yan kunyi uzhele echiwo? Xienzhii uzhele echiwu? Enbene! Bi tande kielieye, hheshi xienzhise da fugieni wo.

Matai 14:5

Ingiese Hherode Yaheiyani alane giezhoma, bexinla hhei xienzhi wo giese hhelase ayizho.

Matai 21:11

Olon kunla kieliezho, "Eneshi Jialiliyi Nasaleni xienzhi Ersa wo."

Matai 21:25

Yaheiyai xili gieghaku qienli khalase irezho? Asimanse onu, kunlase wo?" Hhela goyalane shanlian giezhi kieliewo, "Matan asimanse wo giese, 'Ta yale hhei xianxin ulie giene.' giezhi hhe matande kieliene.

Matai 21:27

Ingie Ersade kieliewo, "Bijien ulie mejiene." Ersa hhelade kieliewo, "Biye tande yan qienlighala ene shiqinlai giesei ulie kieliene."

Matai 21:46

Ersai bareine giese olon kunlase ayizho. Olon kunla Ersai xienzhi wo giezho.

Make 11:32

Kunlase wo giese?" Jien kunla man Yaheiyashi zhenzhenji xienzhi wo giese hhela bexinlase ayizho.

Make 12:12

Ersa hhelai zhiizhi bilazhi kieliesei hhela uzhe khizhedene bareine giezhoma, olon kunlase ayidene Ersase likai gie yolawo.

Make 6:20

Hherode Yaheiyase ayizho, hhei huizho. Ingiekushi Yaheiyashi nie gou kun, zhiguitu kun wo. Hherode hhei kielienyi chenliedene munan giezhoma kielienyini chenliekude xiqi wo.

Lujia 20:19

Jinwun hanjia, fugie buwala Ersa hhelai bilazhi kieliesei uzhe khizhedene deigo bareine giezhoma, bexinlase ayizho.

Lujia 20:6

Kunlase wo giese bexinla man matai tashighala eghi alane, hhela Yaheiyashi xienzhi wo giezhi xianxin giezho."

Lujia 22:2

Fugie buwa, jinwun hanjiala bexinlase ayise yan banfaghala Ersai alase gou wo giezhi sumulazho.

Yaheiya 5:35

Yaheiyashi siderazhi gon faisan zhula niekielien wo. Ta zhanshi jiere hhei gonde xiqi woma,

Yaheiya 9:22

Ada anani ingiezhi kieliekushi Yutai kunlase ayizho. Yutai kunla jiejin giezhi kien Ersashi Mexiha wo giezhi renjise huitanse tou khighane giezho.

Tujila 5:26

Ingie duizhan mechini sagheisan kunlai uduruzhi shitulai barei irewo. Bexinla hhelai tashighala eghikuse ayizhi khidunde ese giezho.